Last Updated :
05 November 2023, 03:08 PM IST
ਬਿੱਗ ਬੌਸ 17 ਤੋਂ ਮਨਸਵੀ ਮਮਗਈ ਇਸ ਹਫਤੇ ਬਾਹਰ ਹੋ ਗਈ ਹੈ। ਇੱਥੇ ਦੱਸ ਦਈਏ ਕੇ ਇੱਕ ਹਫਤਾ ਪਹਿਲਾਂ ਹੀ ਉਹਨਾਂ ਨੇ ਵਾਇਲਡ ਕਾਰਡ ਦੇ ਰੂਪ ਵਿੱਚ ਸ਼ੋਅ ਵਿੱਚ ਐਂਟਰੀ ਲਈ ਸੀ, ਪਰ ਨਾ ਤਾਂ ਘਰ ਵਿੱਚ ਮੌਜੂਦ ਪ੍ਰਤੀਯੋਗੀਆਂ ਨੇ ਉਸਨੂੰ ਪਸੰਦ ਕੀਤਾ ਅਤੇ ਨਾ ਹੀ ਬਾਹਰਲੇ ਦਰਸ਼ਕਾਂ ਨੇ। ਹਾਲ ਹੀ ‘ਚ ਪ੍ਰੈੱਸ ਨਾਲ ਖਾਸ ਮੁਲਾਕਾਤ ਕਰਦੇ ਮਨਸਵੀ ਨੇ ਸ਼ੋ ‘ਚ ਆਪਣੇ ਸਫਰ ਬਾਰੇ ਖੁੱਲ ਕੇ ਗੱਲਾਂ ਕੀਤੀਆਂ ਆਓ ਜਾਣਦੇ ਹਾਂ ਉਨ੍ਹਾਂ ਨੇ ਕੀ ਕਿਹਾ:
ਕੀ ਫੈਸਲਾ ਜ਼ਲਦਬਾਜੀ ਵਿੱਚ ਲਿਆ ਗਿਆ?
ਹਾਂ। ਮੈਨੂੰ ਲੱਗਦਾ ਹੈ ਕਿ ਇਸ ਹਫਤੇ ਖਤਮ ਨਹੀਂ ਹੋਣਾ ਚਾਹੀਦਾ ਸੀ, ਜਾਂ ਅਰੁਣ (ਅਰੁਣ ਸ਼੍ਰੀਕਾਂਤ) ਨੂੰ ਜਾਣਾ ਚਾਹੀਦਾ ਸੀ ਜੋ ਸੋਫੇ ‘ਤੇ ਸੌਂਦਾ ਹੈ ਅਤੇ ਉੱਥੇ ਹੀ ਖਾਣਾ ਖਾਂਦਾ ਹੈ। ਉਨ੍ਹਾਂ ਦੀ ਫੈਨ ਫਾਲੋਇੰਗ ਬਰਕਰਾਰ ਰਹੀ, ਇਸੇ ਕਾਰਨ ਉਨ੍ਹਾਂ ਨੂੰ ਸ਼ੋਅ ‘ਚ ਰੱਖਿਆ ਗਿਆ। ਇਹ ਫੈਸਲਾ ਮੇਰੇ ਲਈ ਨਿਰਾਸ਼ਾਜਨਕ ਸੀ। ਮੈਂ ਇਹ ਸੋਚ ਕੇ ਅੰਦਰ ਗਈ ਸੀ ਕਿ ਦੇਰ ਨਾਲ ਸ਼ੋਅ ਦਾ ਹਿੱਸਾ ਬਣਨਾ ਲਾਭਦਾਇਕ ਸਾਬਤ ਹੋਵੇਗਾ ਪਰ ਇਹ ਨੁਕਸਾਨਦਾਇਕ ਨਿਕਲਿਆ।
ਕੀ ਤੁਹਾਨੂੰ ਮੁੱਦੇ ਉਠਾਉਣ ਦਾ ਸਮਾਂ ਨਹੀਂ ਮਿਲਿਆ?
ਹਾਂ, ਮੈਨੂੰ ਆਪਣੇ ਆਪ ਨੂੰ ਸਾਬਤ ਕਰਨ ਦਾ ਮੌਕਾ ਨਹੀਂ ਮਿਲਿਆ। ਮੈਨੂੰ ਮੁੱਦੇ ਉਠਾਉਣ ਦਾ ਸਮਾਂ ਨਹੀਂ ਮਿਲਿਆ, ਇਹ ਗੱਲ ਸਲਮਾਨ ਸਰ ਨੇ ਵੀ ਕਹੀ ਸੀ। ਉਨ੍ਹਾਂ ਨੂੰ ਲੱਗਾ ਕਿ ਮੈਂ ਚੰਗਾ ਖੇਡ ਰਹੀ ਹਾਂ, ਮਜ਼ਬੂਤ ਖਿਡਾਰੀ ਹਾਂ ਪਰ ਮੇਰੀ ਗੁਣਵੱਤਾ ਫਿੱਕੀ ਪੈ ਗਈ ਹੈ।
ਅਨੁਰਾਗ ਨੇ ਕੀਤਾ ਨਾਮਿਨੇਟ – ਮਾਮਲਾ ਕੀ ਹੈ?
ਅਨੁਰਾਗ (ਡੋਵਾਲ) ਵੱਡਾ ਗੱਦਾਰ ਹੈ, ਉਹ ਆਸਤੀਨ ਦਾ ਸੱਪ ਹੈ। ਸ਼ੁਰੂ ਵਿੱਚ ਉਸਨੇ ਮੈਨੂੰ ਮਹਿਸੂਸ ਕਰਵਾਇਆ ਕਿ ਉਹ ਮੇਰਾ ਭਰਾ ਹੈ, ਮੇਰਾ ਸਮਰਥਕ ਹੈ, ਹਮੇਸ਼ਾ ਮੇਰੇ ਲਈ ਖੜ੍ਹਾ ਰਹੇਗਾ ਅਤੇ ਉਹ ਮੈਨੂੰ ਨਾਮਿਨੇਟ ਕਰਨ ਵਾਲਾ ਪਹਿਲਾ ਵਿਅਕਤੀ ਸੀ। ਮੈਨੂੰ ਲਗਦਾ ਹੈ ਕਿ ਉਹ ਮੈਨੂੰ ਲੈ ਕੇ ਅਸੁਰੱਖਿਅਤ ਸੀ, ਉਸਨੂੰ ਡਰ ਸੀ ਕਿ ਸ਼ਾਇਦ ਵੋਟਾਂ ਵੰਡੀਆਂ ਜਾਣ ਕਿਉਂਕਿ ਅਸੀਂ ਦੋਵੇਂ ਇੱਕੋ ਰਾਜ ਤੋਂ ਆਏ ਹਾਂ। ਮੈਨੂੰ ਲਗਦਾ ਹੈ ਕਿ ਉਸਨੇ ਬਹੁਤ ਗਲਤ ਕੰਮ ਕੀਤਾ ਹੈ।
ਕੌਣ ਵਧੀਆ ਖੇਡ ਰਿਹਾ ਹੈ ?
ਵਿੱਕੀ ਜੈਨ, ਮੁਨੱਵਰ ਫਾਰੂਕੀ ਅਤੇ ਅਭਿਸ਼ੇਕ ਕੁਮਾਰ – ਭਾਵੇਂ ਉਹ ਜਿੰਨਾ ਮਰਜ਼ੀ ਖੇਡ ਰਹੇ ਹੋਣ, ਘੱਟੋ-ਘੱਟ ਕੁਝ ਤਾਂ ਜ਼ਰੂਰ ਕਰ ਰਹੇ ਹਨ। ਮੇਰੇ ਹਿਸਾਬ ਨਾਲ ਇਹ ਤਿੰਨੋਂ ਵਧੀਆ ਖੇਡ ਰਹੇ ਹਨ। ਖਾਨਜ਼ਾਦੀ ਅਤੇ ਮਨਾਰਾ ਫਰਜ਼ੀ ਮੁਕਾਬਲੇਬਾਜ਼ ਹਨ। ਇਹ ਦੋਵੇਂ ਕਾਫੀ ਡਰਾਮਾ ਕਰ ਰਹੀਆਂ ਹਨ।
