39 ਸਾਲ ਦੀ ਉਮਰ ਵਿੱਚ ਮਾਂ ਬਣੇਗੀ ਸਮੰਥਾ ਰੂਥ ਪ੍ਰਭੂ? ਵਾਇਰਲ ਫੋਟੋਆਂ ਵਿੱਚ ਦਿਖਾਈ ਦਿੱਤਾ ਬੇਬੀ ਬੰਪ

  ਫ਼ਿਲਮ 'ਮਾਂ ਇੰਟੀ ਬੰਗਾਰਮ' ਦੀ ਰਿਲੀਜ ਵਿਚਾਲੇ ਸਾਊਥ ਫ਼ਿਲਮਾਂ ਦੀ ਮਸ਼ਹੂਰ ਅਦਾਕਾਰਾ ਸਾਮੰਥਾ ਰੂਥ ਪ੍ਰਭੂ ਆਪਣੀ ਨਿਜੀ ਜਿੰਦਗੀ ਨੂੰ ਲੈ ਕੇ ਸੁਰਖ਼ੀਆਂ ਵਿੱਚ ਆ ਗਈ ਹੈ। ਕਿਹਾ ਜਾ ਰਿਹਾ ਹੈ ਕਿ ਰਾਜ ਨਿਦੀਮੋਰੂ ਨਾਲ ਵਿਆਹ ਤੋਂ ਛੇ ਮਹੀਨਿਆਂ ਬਾਦ ਸਾਮੰਥਾ ਮਾਂ ਬਣਨ ਜਾ ਰਹੀ ਹੈ। ਅਜਿਹਾ ਦਾਅਵਾ 'ਮਾਂ ਇੰਟੀ ਬੰਗਾਰਮ' ਦੀ ਸਕਸੇਸ ਪਾਰਟੀ ਤੋ ਬਾਅਦ ਵਾਇਰਲ ਹੋਈਆਂ ਤਸਵੀਰਾਂ ਨੂੰ ਦੇਖਣ ਤੋਂ ਬਾਅਦ ਹੋ ਰਿਹਾ ਹੈ।  

ਮੁੰਬਈ: ਸਾਊਥ ਫ਼ਿਲਮਾਂ ਦੀ ਮਸ਼ਹੂਰ ਅਦਾਕਾਰਾ ਸਾਮੰਥਾ ਰੂਥ ਪ੍ਰਭੂ ਇਨ੍ਹਾਂ ਦਿਨਾਂ 'ਚ ਫ਼ਿਲਮ 'ਮਾਂ ਇੰਟੀ ਬੰਗਾਰਮ' ਨੂੰ ਲੈ ਕੇ ਚਰਚਾ ਵਿੱਚ ਬਣੀ ਹੋਈ ਹੈ। ਫ਼ਿਲਮ ਸਿਨੇਮਾਘਰਾਂ 'ਚ ਰਿਲੀਜ ਹੋ ਗਈ ਹੈ, ਲੇਕਿਨ ਹਾਲੇ ਤੱਕ ਹਿੰਦੀ 'ਚ ਰਿਲੀਜ ਨਹੀਂ ਹੋਈ ਹੈ। ਹਾਲਾਂਕਿ, ਤਮਿਲ ਤੇ ਤੇਲੁਗੁ ਸਿਨੇਮਾ 'ਚ ਇਸਨੂੰ ਦਰਸ਼ਕਾਂ ਦਾ ਬੇਸ਼ੁਮਾਰ ਪਿਆਰ ਮਿਲ ਰਿਹਾ ਹੈ। ਫ਼ਿਲਮ ਕਾਫ਼ੀ ਵਧੀਆ ਕਲੇਕਸ਼ਨ ਕਰ ਰਹੀ ਹੈ। ਇਸ ਵਿਚਾਲੇ ਫਿਲਮ ਸਟਾਰ ਸਾਮੰਥਾ ਨੂੰ ਹਾਲ ਹੀ 'ਚ ਫ਼ਿਲਮ ਦੇ ਸਕਸੇਸ ਸੇਲਿਬ੍ਰੇਸ਼ਨ 'ਚ ਦੇਖਿਆ ਗਿਆ, ਜਿਸਦੀਆਂ ਤਸਵੀਰਾਂ ਸਾਹਮਣੇ ਆਉਂਦਿਆਂ ਹੀ ਅਦਾਕਾਰਾ ਆਪਣੀ ਨਿਜੀ ਜਿੰਦਗੀ ਨੂੰ ਲੈ ਕੇ ਸੁਰਖੀਆਂ ਵਿੱਚ ਆ ਗਈ।

 

ਸਕਸੇਸ ਪਾਰਟੀ ਤੋਂ ਸ਼ੁਰੂ ਹੋਈਆਂ ਪ੍ਰੇਗਨੇਂਸੀ ਦੀਆਂ ਅਫ਼ਵਾਹਾਂ

ਦਰਅਸਲ, ਬੀਤੀ ਰਾਤ 39 ਸਾਲ ਦੀ ਸਾਮੰਥਾ ਰੂਥ ਪ੍ਰਭੂ 'ਮਾਂ ਇੰਟੀ ਬੰਗਾਰਮ' ਦੇ ਸਕਸੇਸ ਸੇਲਿਬ੍ਰੇਸ਼ਨ 'ਚ ਸ਼ਾਮਲ ਹੋਈ, ਜਿੱਥੇ ਕੇਕ ਕਟਿੰਗ ਦੌਰਾਨ ਐਕਟ੍ਰੇਸ ਦਾ ਅਜਿਹਾ ਲੁਕ ਦਿਖਿਆ ਕਿ ਉਨ੍ਹਾਂ ਦੀ ਪ੍ਰੇਗਨੇਂਸੀ ਦੀਆਂ ਅਫ਼ਵਾਹਾਂ ਸ਼ੁਰੂ ਹੋ ਗਈਆਂ। ਫੋਟੋਆਂ ਵਿੱਚ, ਅਭਿਨੇਤਰੀ ਅਸਮਾਨੀ ਨੀਲੀ ਟੀ-ਸ਼ਰਟ ਅਤੇ ਨੀਲੀ ਜੀਨਸ ਪਹਿਨੀ ਹੋਈ ਦਿਖਾਈ ਦਿੱਤੀ। ਜਿਨ੍ਹਾਂ 'ਚ ਉਨ੍ਹਾਂ ਦਾ ਹਲਕਾ ਜਿਹਾ ਬੇਬੀ ਬੰਪ ਦਿਖਣ ਦਾ ਦਾਅਵਾ ਕੀਤਾ ਗਿਆ, ਜਿਸਤੋਂ ਬਾਅਦ ਕਿਹਾ ਜਾ ਰਿਹਾ ਹੈ ਕਿ ਅਦਾਕਾਰਾਂ ਪ੍ਰੇਗਨੇਂਟ ਹੈ। 

 

Samantha Ruth Prabhu Sparks Pregnancy Rumours After Recent Appearance With Raj Nidimoru😍🧐
.
.
.
.#samantharuthprabhu #samantha #rajnidimoru #tollywood #bollywood

( Samantha Ruth Prabhu, Raj Nidimoru, Bollywood ) pic.twitter.com/an3lChbK6A

— GlamBlitz (@GlamBlitzz) June 20, 2026

 

ਸੋਸ਼ਲ ਮੀਡੀਆ 'ਤੇ ਵਧਾਈਆਂ ਦਾ ਹੜ੍ਹ

ਸਮੰਥਾ ਰੂਥ ਪ੍ਰਭੂ ਦੀਆਂ ਨਵੀਨਤਮ ਫੋਟੋਆਂ ਤੇ ਉਪਭੋਗਤਾਵਾਂ ਦੀਆਂ ਕਈ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਸਾਹਮਣੇ ਆ ਰਹੀਆਂ ਹਨ।ਇੱਕ ਉਪਭੋਗਤਾ ਨੇ ਲਿਖਿਆ, "ਮੈਂ ਸਮੰਥਾ ਲਈ ਬਹੁਤ ਖੁਸ਼ ਹਾਂ।" ਇੱਕ ਹੋਰ ਨੇ ਸ਼ੱਕ ਪ੍ਰਗਟ ਕੀਤਾ ਤੇ ਪੁੱਛਿਆ, "ਕੀ ਇਹ AI ਹੈ?" ਇਸ ਦੌਰਾਨ, ਕੁਝ ਲੋਕਾਂ ਨੇ ਨਾਗਾ ਚੈਤੰਨਿਆ ਨੂੰ ਸ਼ੁਭਕਾਮਨਾਵਾਂ ਦਿੰਦੇ ਹੋਏ ਵਿਅੰਗਾਤਮਕ ਟਿੱਪਣੀਆਂ ਕੀਤੀਆਂ।

ਇਸ ਤੋਂ ਇਲਾਵਾ, ਬਹੁਤ ਸਾਰੇ ਉਪਭੋਗਤਾਵਾਂ ਨੇ ਅੰਦਾਜ਼ਾ ਲਗਾਇਆ ਕਿ ਇਹ ਸਿਰਫ਼ ਭਾਰ ਵਧਣ ਦਾ ਕਾਰਨ ਹੋ ਸਕਦਾ ਹੈ। ਹਾਲਾਂਕਿ, ਹੁਣ ਤੱਕ ਇਸ ਮਾਮਲੇ ਬਾਰੇ ਅਦਾਕਾਰਾ ਵੱਲੋਂ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ, ਨਾ ਹੀ ਉਨ੍ਹਾਂ ਜਾਂ ਰਾਜ ਵੱਲੋਂ ਗਰਭ ਅਵਸਥਾ ਬਾਰੇ ਕੋਈ ਅਧਿਕਾਰਤ ਐਲਾਨ ਕੀਤਾ ਗਿਆ ਹੈ।

ਪਿਛਲੇ ਸਾਲ ਸਮੰਥਾ ਨੇ ਕੀਤਾ ਸੀ ਦੂਜਾ ਵਿਆਹ 

ਇਹ ਧਿਆਨ ਦੇਣ ਯੋਗ ਹੈ ਕਿ ਸਮੰਥਾ ਰੂਥ ਪ੍ਰਭੂ ਨੇ ਪਿਛਲੇ ਸਾਲ 1 ਦਸੰਬਰ, 2025 ਨੂੰ ਰਾਜ ਨਿਦੀਮੋਰੂ ਨਾਲ ਦੂਜਾ ਵਿਆਹ ਕੀਤਾ ਸੀ। ਇਹ ਜੋੜਾ ਇੱਕ ਨਿੱਜੀ ਸਮਾਰੋਹ ਵਿੱਚ ਵਿਆਹ ਦੇ ਬੰਧਨ ਵਿੱਚ ਬੱਝਿਆ ਸੀ। ਅਦਾਕਾਰਾ ਨੇ ਸੋਸ਼ਲ ਮੀਡੀਆ 'ਤੇ ਵਿਆਹ ਦੀਆਂ ਫੋਟੋਆਂ ਸਾਂਝੀਆਂ ਕਰਕੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ। ਸਮੰਥਾ ਅਤੇ ਰਾਜ ਦੋਵੇਂ ਤਲਾਕਸ਼ੁਦਾ ਹਨ। ਇਸਤੋਂ ਪਹਿਲਾਂ ਸਾਮੰਥਾ ਦਾ ਐਕਟਰ ਨਾਗਾ ਚੈਤੰਨਿਆ ਨਾਲ ਸਾਲ 2021 'ਚ ਤਲਾਕ ਹੋ ਗਿਆ ਸੀ।