Last Updated :
21 June 2026, 12:42 PM IST
Courtesy: @khansimranohidul
ਮੁੰਬਈ: ਸੋਸ਼ਲ ਮੀਡੀਆ ਇੰਫਲੂਐਂਸਰ ਸਿਮਰਨ ਖਾਨ ਨੂੰ ਡੇਟਿੰਗ ਰਿਐਲਿਟੀ ਸ਼ੋਅ ਸਪਲਿਟਸਵਿਲਾ 16 (Splitsvilla 16) ਤੋਂ ਕਾਫ਼ੀ ਪ੍ਰਸਿੱਧੀ ਹਾਸਲ ਕੀਤੀ। ਸ਼ੋਅ ਦੇ ਪ੍ਰਸਾਰਣ ਤੋਂ ਬਾਅਦ ਸਿਮਰਨ ਸੋਸ਼ਲ ਮੀਡੀਆ ਤੇ ਵੀ ਕਾਫੀ ਫੇਮਸ ਹੋ ਗਈ ਤੇ ਉਸਦੀ ਪ੍ਰਸਿੱਧੀ ਵਿੱਚ ਵਾਧਾ ਹੋਇਆ ਹੈ। ਇਸ ਵਿਚਾਲੇ ਹੁਣ ਸਿਮਰਨ ਨੇ ਸਪਲਿਟਸਵਿਲਾ 16 ਦੇ ਸਾਬਕਾ ਪ੍ਰਤੀਯੋਗੀ ਅਤੇ ਕੋਰੀਓਗ੍ਰਾਫਰ ਸਚਿਨ ਸ਼ਰਮਾ 'ਤੇ ਗੰਭੀਰ ਦੋਸ਼ ਲਗਾਏ ਹਨ। ਉਸਦਾ ਦਾਅਵਾ ਹੈ ਕਿ ਸਚਿਨ ਨੇ ਉਸਨੂੰ ਗਲਤ ਢੰਗ ਨਾਲ ਛੂਹਿਆ ਸੀ।
ਕੋਰੀਓਗ੍ਰਾਫਰ ਸਚਿਨ ਸ਼ਰਮਾ 'ਤੇ ਗੰਭੀਰ ਦੋਸ਼
ਸਿਮਰਨ ਨੇ ਯੂਟਿਊਬਰ ਅਤੇ ਸਾਬਕਾ Splitsvilla ਪ੍ਰਤੀਯੋਗੀ ਭਵਿਆ ਸਿੰਘ ਦੁਆਰਾ ਆਯੋਜਿਤ ਇੱਕ ਪੋਡਕਾਸਟ ਦੌਰਾਨ ਸਚਿਨ ਬਾਰੇ ਹੈਰਾਨੀਜਨਕ ਖੁਲਾਸਾ ਕੀਤਾ।
ਸਚਿਨ ਨੇ ਬੁਲਾਇਆ ਆਪਣੇ ਘਰ
ਸਿਮਰਨ ਨੇ ਕਿਹਾ ਕਿ ਸਪਲਿਟਸਵਿਲਾ ਵਿੱਚ ਹਿੱਸਾ ਲੈਣ ਤੋਂ ਪਹਿਲਾਂ, ਉਹ ਡਾਂਸ ਕਲਾਸਾਂ ਵਿੱਚ ਜਾਂਦੀ ਸੀ ਜਿੱਥੇ ਸਚਿਨ ਉਸਦਾ ਸੀਨੀਅਰ ਸੀ। ਬਾਅਦ ਵਿੱਚ ਦੋਵੇਂ ਇੱਕ ਪਾਰਟੀ ਵਿੱਚ ਮਿਲੇ ਅਤੇ ਇੱਕ-ਦੂਸਰੇ ਨਾਲ ਫੋਨ ਨੰਬਰ ਸਾਂਝਾ ਕੀਤੇ। ਬਾਅਦ ਵਿੱਚ, ਸਚਿਨ ਨੇ ਉਸਨੂੰ ਆਪਣੇ ਘਰ ਬੁਲਾਇਆ।
ਗਲਤ ਢੰਗ ਨਾਲ ਛੂਹਿਆ
ਸਿਮਰਨ ਨੇ ਦੱਸਿਆ ਕਿ ਉਸਨੇ ਸਚਿਨ ਨੂੰ ਕਿਹਾ ਕਿ ਉਹ ਨਹੀਂ ਆ ਸਕਦੀ ਕਿਉਂਕਿ ਉਹ ਆਪਣੀ ਚਾਰ ਸਾਲ ਦੀ ਭੈਣ ਨੂੰ ਸੰਭਾਲਦੀ ਹੈ, ਪਰ ਉਸਨੇ ਸੁਝਾਅ ਦਿੱਤਾ ਕਿ ਉਹ ਉਸਦੀ ਭੈਣ ਨੂੰ ਨਾਲ ਲੈ ਕੇ ਆਵੇ। ਜਦੋਂ ਉਹ ਉਸਨੂੰ ਮਿਲਣ ਪਹੁੰਚੀ, ਤਾਂ ਸਚਿਨ ਨੇ ਉਸਨੂੰ ਗਲਤ ਢੰਗ ਨਾਲ ਛੂਹਿਆ।
ਭੈਣ ਸਾਹਮਣੇ ਕੀਤੀ ਨੀਚ ਹਰਕਤ
ਸਿਮਰਨ ਨੇ ਕਿਹਾ, "ਜਦੋਂ ਮੈਂ ਉਸਦੇ ਸੱਦੇ 'ਤੇ ਉਸਦੇ ਘਰ ਗਈ, ਤਾਂ ਉਸਨੇ ਸਥਿਤੀ ਦਾ ਫਾਇਦਾ ਚੁੱਕਣ ਦੀ ਕੋਸ਼ਿਸ਼ ਕੀਤੀ। ਸਚਿਨ ਨੇ ਆਪਣਾ ਹੱਥ ਮੇਰੀ ਫਟੀ ਹੋਈ ਜੀਂਸ ਦੇ ਅੰਦਰ ਪਾ ਦਿੱਤਾ, ਉਹ ਵੀ ਮੇਰੀ ਛੋਟੀ ਭੈਣ ਦੇ ਸਾਹਮਣੇ।"
ਸਿਮਰਨ ਨੇ ਅੱਗੇ ਦਾਅਵਾ ਕੀਤਾ ਕਿ ਉਸਨੇ ਸਚਿਨ ਨਾਲ ਇਸ ਘਟਨਾ ਬਾਰੇ ਗੱਲ ਕੀਤੀ ਅਤੇ ਉਸਨੇ ਬਾਅਦ ਵਿੱਚ ਉਸ ਤੋਂ ਮੁਆਫੀ ਮੰਗੀ।
ਸਿਮਰਨ ਦੇ ਖੁਲਾਸੇ ਤੋਂ ਬਾਅਦ, ਸਚਿਨ ਨੂੰ ਸੋਸ਼ਲ ਮੀਡੀਆ 'ਤੇ ਭਾਰੀ ਟ੍ਰੋਲਿੰਗ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਦੌਰਾਨ, ਸਿਮਰਨ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਇੱਕ ਪੋਸਟ ਸਾਂਝੀ ਕੀਤੀ ਜਿਸ ਵਿੱਚ ਸਪੱਸ਼ਟ ਕੀਤਾ ਕਿ ਇਹ ਘਟਨਾ ਸਪਲਿਟਸਵਿਲਾਸ਼ੁਰੂ ਹੋਣ ਤੋਂ ਪਹਿਲਾਂ ਵਾਪਰੀ ਸੀ ਅਤੇ ਸਚਿਨ ਨੇ ਬਾਅਦ ਵਿੱਚ ਉਸਨੂੰ ਇਸ ਮਾਮਲੇ 'ਤੇ ਚਰਚਾ ਕਰਨ ਲਈ ਬੁਲਾਇਆ ਸੀ।
