ਸੁਪਰਹਿੱਟ ਫਿਲਮ ਦੀਵਾਨਗੀ ਦੇ ਸੀਕਵਲ ‘ਚ ਨਜ਼ਰ ਆਉਣਗੇ ‘ਸਿੰਘਮ’

ਬਾਲੀਵੁੱਡ ਦੇ ਸਿੰਘਮ ਅਜੈ ਦੇਵਗਨ ਆਪਣੀ ਸੁਪਰਹਿੱਟ ਫਿਲਮ ਦੀਵਾਨਗੀ ਦੇ ਸੀਕਵਲ ‘ਚ ਕੰਮ ਕਰਦੇ ਨਜ਼ਰ ਆ ਸਕਦੇ ਹਨ। ਅਨੀਸ ਬਜ਼ਮੀ ਦੁਆਰਾ ਨਿਰਦੇਸ਼ਤ 2002 ਵਿੱਚ ਰਿਲੀਜ਼ ਹੋਈ ਥ੍ਰਿਲਰ ਫਿਲਮ ਦੀਵਾਨਗੀ ਵਿੱਚ ਅਜੈ ਦੇਵਗਨ ਨੇ ਮੁੱਖ ਭੂਮਿਕਾ ਨਿਭਾਈ ਸੀ। ਕਿਹਾ ਜਾ ਰਿਹਾ ਹੈ ਕਿ ਅਨੀਸ ਬਜ਼ਮੀ ਇਕ ਅਜਿਹੀ ਸਕ੍ਰਿਪਟ ‘ਤੇ ਕੰਮ ਕਰ ਰਹੇ ਹਨ ਜੋ ਦੀਵਾਨਗੀ ਦੀ […]

ਬਾਲੀਵੁੱਡ ਦੇ ਸਿੰਘਮ ਅਜੈ ਦੇਵਗਨ ਆਪਣੀ ਸੁਪਰਹਿੱਟ ਫਿਲਮ ਦੀਵਾਨਗੀ ਦੇ ਸੀਕਵਲ ‘ਚ ਕੰਮ ਕਰਦੇ ਨਜ਼ਰ ਆ ਸਕਦੇ ਹਨ। ਅਨੀਸ ਬਜ਼ਮੀ ਦੁਆਰਾ ਨਿਰਦੇਸ਼ਤ 2002 ਵਿੱਚ ਰਿਲੀਜ਼ ਹੋਈ ਥ੍ਰਿਲਰ ਫਿਲਮ ਦੀਵਾਨਗੀ ਵਿੱਚ ਅਜੈ ਦੇਵਗਨ ਨੇ ਮੁੱਖ ਭੂਮਿਕਾ ਨਿਭਾਈ ਸੀ। ਕਿਹਾ ਜਾ ਰਿਹਾ ਹੈ ਕਿ ਅਨੀਸ ਬਜ਼ਮੀ ਇਕ ਅਜਿਹੀ ਸਕ੍ਰਿਪਟ ‘ਤੇ ਕੰਮ ਕਰ ਰਹੇ ਹਨ ਜੋ ਦੀਵਾਨਗੀ ਦੀ ਕਹਾਣੀ ਨੂੰ ਅੱਗੇ ਲੈ ਕੇ ਜਾਵੇਗੀ। ਫਿਲਮ ਦੀਵਾਨਗੀ ਅਜੈ ਦੇ ਕਿਰਦਾਰ ਤਰੰਗ ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜੋ ਕਤਲ ਲਈ ਦੋਸ਼ੀ ਠਹਿਰਾਏ ਜਾਣ ਤੋਂ ਬਚਣ ਲਈ ਵਿਭਾਜਿਤ ਸ਼ਖਸੀਅਤ ਦੇ ਵਿਗਾੜ ਦਾ ਦਿਖਾਵਾ ਕਰਦਾ ਹੈ। ਫਿਲਮ ਵਿੱਚ ਅਕਸ਼ੈ ਖੰਨਾ ਨੇ ਉਸਦੇ ਵਕੀਲ ਦੀ ਭੂਮਿਕਾ ਨਿਭਾਈ ਹੈ। ਇਹ ਅਫਵਾਹ ਹੈ ਕਿ ਅਜੈ ਦੇਵਗਨ ਨੇ ਅਨੀਸ ਬਜ਼ਮੀ ਨੂੰ ਦੀਵਾਨਗੀ ਦੀ ਦੂਜੀ ਕਿਸ਼ਤ ਦੀ ਸੰਭਾਵਨਾ ਦਾ ਪਤਾ ਲਗਾਉਣ ਦਾ ਸੁਝਾਅ ਦਿੱਤਾ ਸੀ।

90 ਦੇ ਦਹਾਕੇ ਦੇ ਸੁਪਰ ਸਟਾਰ ਨੇ ਅਜੈ ਦੇਵਗਨ

90 ਦੇ ਦਹਾਕੇ ‘ਚ ਅਜੈ ਦੇਵਗਨ, ਕਾਜੋਲ ਅਤੇ ਕਰਿਸ਼ਮਾ ਕਪੂਰ ਨੂੰ ਵੱਡੇ ਸਿਤਾਰਿਆਂ ‘ਚ ਗਿਣਿਆ ਜਾਂਦਾ ਸੀ। ਉਹਨਾਂ ਨੇ ਕਈ ਹਿਟ ਫਿਲਮਾਂ ਵੀ ਦਿਤੀਆਂ। ਤਿੰਨਾਂ ਵਿਚਾਲੇ ਲਵ ਟ੍ਰਾਈਐਂਗਲ ਦੀ ਵੀ ਕਾਫੀ ਚਰਚਾ ਹੋਈ ਸੀ। ਫਿਲਮ ‘ਜਿਗਰ’ ਦੀ ਸ਼ੂਟਿੰਗ ਦੌਰਾਨ ਅਜੈ ਦੇਵਗਨ ਅਤੇ ਕਰਿਸ਼ਮਾ ਕਪੂਰ ਕਾਫੀ ਕਰੀਬ ਆਏ ਸਨ। ਅਜੈ ਦੇਵਗਨ ਅਤੇ ਕਾਜੋਲ ਬਾਲੀਵੁੱਡ ਇੰਡਸਟਰੀ ਦੀ ਮਸ਼ਹੂਰ ਜੋੜੀ ਵਿੱਚੋਂ ਇੱਕ ਹਨ। ਦੋਵਾਂ ਦੇ ਵਿਆਹ ਨੂੰ 20 ਸਾਲ ਤੋਂ ਵੱਧ ਹੋ ਚੁੱਕੇ ਹਨ। ਅਜੈ ਅਤੇ ਕਾਜੋਲ ਨੇ ਵਿਆਹ ਤੋਂ ਪਹਿਲਾਂ ਲੰਬੇ ਸਮੇਂ ਤੱਕ ਇੱਕ ਦੂਜੇ ਨੂੰ ਡੇਟ ਕੀਤਾ ਸੀ। ਉਸ ਸਮੇਂ ਕਰਿਸ਼ਮਾ ਕਪੂਰ ਦਾ ਵੀ ਜ਼ਬਰਦਸਤ ਸਟਾਰਡਮ ਸੀ। ਕਿਹਾ ਜਾਂਦਾ ਹੈ ਕਿ ਕਾਜੋਲ ਤੋਂ ਪਹਿਲਾਂ ਅਜੈ ਦੇਵਗਨ ਨੂੰ ਕਰਿਸ਼ਮਾ ਕਪੂਰ ਨਾਲ ਪਿਆਰ ਸੀ ਅਤੇ ਦੋਵਾਂ ਨੇ ਵਿਆਹ ਕਰਨ ਦਾ ਮਨ ਬਣਾ ਲਿਆ ਸੀ ਪਰ ਇਸ ਦੌਰਾਨ ਕਾਜੋਲ ਦੀ ਐਂਟਰੀ ਨੇ ਸਾਰਾ ਖੇਡ ਵਿਗਾੜ ਦਿੱਤਾ।