ਪਾਕਿਸਤਾਨ ਬੈਠਾ ਗੈਂਗਸਟਰ ਸ਼ਹਿਜ਼ਾਦ ਭੱਟੀ, ਭਾਰਤ ਵਿੱਚ ਵਿਛਾ ਰਿਹਾ ਜਾਲ! ਨਾਬਾਲਗਾਂ ਤੱਕ ਹਥਿਆਰ ਪਹੁੰਚਾਉਣ ਦੇ ਦੋਸ਼

ਪਾਕਿਸਤਾਨ ਦਾ ਕਥਿਤ ਗੈਂਗਸਟਰ ਸ਼ਹਿਜ਼ਾਦ ਭੱਟੀ ਔਨਲਾਈਨ ਗੇਮਿੰਗ ਪਲੇਟਫਾਰਮਾਂ ਰਾਹੀਂ ਭਾਰਤ ਵਿੱਚ ਆਪਣਾ ਨੈੱਟਵਰਕ ਵਧਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਦੇ ਹੱਥੇ ਚੜ੍ਹੇ ਤਿੰਨ ਨਾਬਾਲਗਾਂ ਨੇ ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਦੇ ਸਾਹਮਏ ਇਹ ਵੱਡਾ ਖੁਲਾਸਾ ਕੀਤਾ।

ਨਵੀਂ ਦਿੱਲੀ: ਪਾਕਿਸਤਾਨ ਦਾ ਇੱਕ ਬਦਨਾਮ ਗੈਂਗਸਟਰ ਸ਼ਹਿਜ਼ਾਦ ਭੱਟੀ ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਹੈ। ਜਾਂਚ ਏਜੰਸੀਆਂ ਦੇ ਅਨੁਸਾਰ, ਭੱਟੀ ਭਾਰਤ ਵਿਰੋਧੀ ਗਤੀਵਿਧੀਆਂ, ਸ਼ੱਕੀ ਨੈੱਟਵਰਕ ਅਤੇ ਨੌਜਵਾਨਾਂ ਨੂੰ ਗੁੰਮਰਾਹ ਕਰਨ ਦੇ ਦੋਸ਼ਾਂ ਕਾਰਨ ਜਾਂਚ ਦੇ ਘੇਰੇ ਵਿੱਚ ਆਇਆ ਹੈ। ਭੱਟੀ ਔਨਲਾਈਨ ਗੇਮਿੰਗ ਪਲੇਟਫਾਰਮਾਂ ਰਾਹੀਂ ਭਾਰਤ ਵਿੱਚ ਇੱਕ ਨੈੱਟਵਰਕ ਬਣਾ ਰਿਹਾ ਹੈ। ਇਹ ਖੁਲਾਸਾ ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਦੇ ਹੱਥੇ ਚੜ੍ਹੇ ਤਿੰਨ ਨਾਬਾਲਗਾਂ ਨੇ ਕੀਤਾ ਹੈ।

ਪੁਲਿਸ ਨੇ ਬਰਾਮਦ ਕੀਤੇ ਪਿਸਤੌਲ
ਪੁਲਿਸ ਨੇ ਇਨ੍ਹਾਂ ਮੁਲਜ਼ਮਾਂ ਦੇ ਕਬਜ਼ੇ ਵਿੱਚੋਂ ਕਈ ਪਿਸਤੌਲ ਬਰਾਮਦ ਕੀਤੇ ਹਨ, ਜਿਨ੍ਹਾਂ ਦੇ ਕਥਿਤ ਤੌਰ 'ਤੇ ਸ਼ਹਿਜ਼ਾਦ ਭੱਟੀ ਗੈਂਗ ਨਾਲ ਸਬੰਧ ਹਨ। ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਪਿਸਤੌਲਾਂ ਗੈਂਗਸਟਰ ਨੇ ਖੁਦ ਨਾਬਾਲਗਾਂ ਨੂੰ ਸਪਲਾਈ ਕੀਤੀਆਂ ਸਨ। ਤਿੰਨੋਂ ਨਾਬਾਲਗ ਸ਼ੁਰੂ ਵਿੱਚ ਔਨਲਾਈਨ ਗੇਮਾਂ ਖੇਡਦੇ ਹੋਏ ਪੰਜਾਬ ਦੇ ਇੱਕ ਨੌਜਵਾਨ ਦੇ ਸੰਪਰਕ ਵਿੱਚ ਆਏ ਸਨ। ਗੱਲਬਾਤ ਵੱਧਣ ਤੇ ਉਸ ਨੌਜਵਾਨ ਨੇ ਉਨ੍ਹਾਂ ਨੂੰ ਪਾਕਿਸਤਾਨ ਸਥਿਤ ਗੈਂਗਸਟਰ ਨਾਲ ਜੋੜ ਦਿੱਤਾ। ਇਸ ਤੋਂ ਬਾਅਦ, ਦੋਸ਼ੀ ਸੋਸ਼ਲ ਮੀਡੀਆ ਅਤੇ ਇਨਕ੍ਰਿਪਟਡ ਮੈਸੇਜਿੰਗ ਐਪਸ ਰਾਹੀਂ ਗੈਂਗਸਟਰ ਨਾਲ ਲਗਾਤਾਰ ਸੰਪਰਕ ਵਿੱਚ ਰਹੇ।

ਪਹਿਲਾ ਦੋਸਤੀ ਤੇ ਫਿਰ ਸਾਜਿਸ਼ ਦਾ ਜਾਲ
ਸਪੈਸ਼ਲ ਸੈੱਲ ਦੇ ਸੂਤਰਾਂ ਨੇ ਖੁਲਾਸਾ ਕੀਤਾ ਕਿ ਸ਼ੁਰੂਆਤੀ ਜਾਂਚ ਤੋਂ ਪਤਾ ਚੱਲਦਾ ਹੈ ਕਿ ਭੱਟੀ ਔਨਲਾਈਨ ਗੇਮਿੰਗ ਐਪ 'ਤੇ ਨੌਜਵਾਨਾਂ ਅਤੇ ਕਿਸ਼ੋਰਾਂ ਨੂੰ ਉਨ੍ਹਾਂ ਨਾਲ ਦੋਸਤੀ ਕਰਨ ਲਈ ਨਿਸ਼ਾਨਾ ਬਣਾਉਂਦਾ ਹੈ। ਇਸ ਤੋਂ ਬਾਅਦ, ਉਨ੍ਹਾਂ ਨੂੰ ਛੋਟੇ-ਮੋਟੇ ਕੰਮ ਸੌਂਪੇ ਜਾਂਦੇ ਹਨ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਵੱਡੀਆਂ ਅਪਰਾਧਿਕ ਗਤੀਵਿਧੀਆਂ ਨੂੰ ਅੰਜਾਮ ਦੇਣ ਦੀ ਕੋਸ਼ਿਸ਼ ਕਰਦੇ ਹਨ। 
ਬਰਾਮਦ ਪਿਸਤੌਲਾਂ ਦੀ ਹੋ ਰਹੀ ਫੋਰੈਂਸਿਕ ਜਾਂਚ
ਜਾਂਚ ਏਜੰਸੀਆਂ ਨੂੰ ਸ਼ੱਕ ਹੈ ਕਿ ਭਵਿੱਖ ਵਿੱਚ ਅਜਿਹੇ ਨੈੱਟਵਰਕਾਂ ਦੀ ਵਰਤੋਂ ਜਬਰੀ ਵਸੂਲੀ, ਹਥਿਆਰਾਂ ਦੀ ਸਪਲਾਈ ਅਤੇ ਹੋਰ ਸੰਗਠਿਤ ਅਪਰਾਧਾਂ ਲਈ ਕੀਤੀ ਜਾ ਸਕਦੀ ਹੈ। ਪੁਲਿਸ ਨੇ ਕਿਹਾ ਕਿ ਨਾਬਾਲਗਾਂ ਤੋਂ ਬਰਾਮਦ ਕੀਤੇ ਗਏ ਪਿਸਤੌਲ ਦੀ ਫੋਰੈਂਸਿਕ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਹਥਿਆਰ ਨੂੰ ਭਾਰਤ ਵਿੱਚ ਲਿਆਉਣ ਦੇ ਰਸਤੇ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ।
ਜਾਂਚ 'ਚ ਵੱਡਾ ਖੁਲਾਸਾ
ਜਾਂਚ ਵਿੱਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਪੰਜਾਬ ਵਿੱਚ ਰਹਿਣ ਵਾਲਾ ਇੱਕ ਨਾਬਾਲਿਗ ਆਨਲਾਈਨ ਗੇਮ ਦੇ ਜਰਿਏ ਪੰਜਾਬ ਦੇ ਇਕ ਸ਼ਖ਼ਸ ਨਾਲ ਜੁੜਿਆ। ਦੋਨੋਂ ਕਾਫ਼ੀ ਸਮੇਂ ਤੱਕ ਗੇਮ ਖ਼ੇਡਦੇ ਰਹੇ ਤੇ ਦੋਨਾਂ ਵਿੱਚ ਗੱਲਬਾਤ ਜਾਰੀ ਰਹੀ। ਪੰਜਾਬ ਦੇ ਯੁਵਕ ਨੇ ਇਸ ਨਾਬਾਲਿਗ ਨੂੰ ਗੈਂਗਸਟਰ ਭੱਟੀ ਨਾਲ ਜੋੜ ਦਿੱਤਾ ਤੇ ਇਸਤੋਂ ਬਾਦ ਨਾਬਾਲਿਗ ਨੇ ਹੋਰ ਦੋ ਯੁਵਕਾਂ ਨਾਲ ਹੱਥ ਮਿਲਾਇਆ। 
ਸੂਤਰਾਂ ਦੇ ਮੁਤਾਬਿਕ, ਨਾਗਾਬਿਗ ਦੀ ਕਈ ਬਾਰ ਵਿਸ਼ੇਸ਼ ਐੱਪ ਦੇ ਜ਼ਰਿਏ ਗੈਂਗਸਟਰ ਭੱਟੀ ਨਾਲ ਗੱਲਬਾਤ ਹੋਈ, ਜਿਸਦੇ ਬਾਦ ਨਾਬਾਲਿਗ ਦੀ ਮੰਗ ਤੇ ਉਸਨੂੰ ਪਿਸਤੌਲ ਦਿੱਤੀ ਗਈ। 
ਪੁਲਿਸ ਨੇ ਦੱਸਿਆ ਕਿ ਨਾਬਾਲਿਗ ਨੇ ਗੈਂਗਸਟਰ ਦੇ ਜ਼ਰਿਏ ਮਿਲੀ ਇਸ ਪਿਸਤੌਲ ਦੀ ਫੋਟੋ ਖਿੱਚ ਕੇ ਸੋਸ਼ਲ ਮੀਡੀਆ ਤੇ ਵੀ ਅਪਲੋਡ ਕੀਤੀ ਸੀ ਤੇ ਇਸੇ ਦੀ ਮਦਦ ਨਾਲ ਇਹ ਪੁਲਿਸ ਤੱਕ ਪਹੁੰਚੀ।
 
ਇਸ ਤਰ੍ਹਾਂ ਹੁੰਦੀ ਹੈ ਗੱਲਬਾਤ-

1. ਪਹਿਲਾਂ ਔਨਲਾਈਨ ਗੇਮਿੰਗ ਪਲੇਟਫਾਰਮਾਂ ਰਾਹੀਂ ਦੋਸਤੀ ਕੀਤੀ ਜਾਂਦੀ ਹੈ।
2. ਬਾਅਦ ਵਿੱਚ ਸੋਸ਼ਲ ਮੀਡੀਆ ਖਾਤਿਆਂ ਰਾਹੀਂ ਸੰਪਰਕ ਵਧਾਇਆ ਜਾਂਦਾ ਹੈ।
3. ਸੰਚਾਰ ਲਈ ਏਨਕ੍ਰਿਪਟਡ ਮੈਸੇਜਿੰਗ ਐਪਸ ਦੀ ਵਰਤੋਂ ਕੀਤੀ ਜਾਂਦੀ ਹੈ।
4. ਕਿਸ਼ੋਰਾਂ ਨੂੰ ਛੋਟੇ ਅਪਰਾਧਾਂ ਤੋਂ ਲੈ ਕੇ ਵੱਡੇ ਅਪਰਾਧਾਂ ਤੱਕ ਦੇ ਕੰਮ ਕਰਨ ਲਈ ਮਜਬੂਰ ਕੀਤਾ ਜਾਂਦਾ ਹੈ।