Last Updated :
21 May 2023, 12:16 PM IST
ਸ਼੍ਰੀਲੰਕਾ ਨੇ ਇੱਥੇ ਕੈਨੇਡੀਅਨ ਹਾਈ ਕਮਿਸ਼ਨਰ ਨੂੰ ਤਲਬ ਕੀਤਾ ਹੈ ਅਤੇ ਟਾਪੂ ਦੇਸ਼ ਵਿੱਚ ਬੇਰਹਿਮ ਘਰੇਲੂ ਯੁੱਧ ਦੀ ਸਮਾਪਤੀ ਦੀ 14ਵੀਂ ਵਰ੍ਹੇਗੰਢ ‘ਤੇ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ‘ਤਾਮਿਲ ਨਸਲਕੁਸ਼ੀ’ ਸਬੰਧੀ ਟਿੱਪਣੀ ‘ਤੇ ਸਖ਼ਤ ਵਿਰੋਧ ਦਰਜ ਕਰਵਾਇਆ ਹੈ।
1983 ਵਿੱਚ ਸ਼ੁਰੂ ਹੋਇਆ ਕੁੜੱਤਣ ਵਾਲਾ ਸੰਘਰਸ਼ 18 ਮਈ, 2009 ਨੂੰ ਸ਼੍ਰੀਲੰਕਾ ਦੀ ਫੌਜ ਦੁਆਰਾ ਲਿਬਰੇਸ਼ਨ ਟਾਈਗਰਜ਼ ਆਫ ਤਾਮਿਲ ਈਲਮ (ਲਿਟੇ) ਦੇ ਸੁਪਰੀਮੋ ਵੇਲੁਪਿੱਲਈ ਪ੍ਰਬਾਕਰਨ ਦੀ ਹੱਤਿਆ ਨਾਲ ਸਮਾਪਤ ਹੋਇਆ। ਲਿੱਟੇ ਨੇ ਘੱਟ ਗਿਣਤੀ ਤਾਮਿਲਾਂ ਲਈ ਇੱਕ ਵੱਖਰੇ ਦੇਸ਼ ਦੀ ਮੰਗ ਵਜੋਂ ਹਥਿਆਰਬੰਦ ਸੰਘਰਸ਼ ਲੜਿਆ ਸੀ।
ਵੀਰਵਾਰ ਨੂੰ ਕੈਨੇਡੀਅਨ ਪ੍ਰਧਾਨ ਮੰਤਰੀ ਟਰੂਡੋ ਨੇ ਕਿਹਾ ਕਿ ਹਜ਼ਾਰਾਂ ਤਾਮਿਲਾਂ ਨੇ ਆਪਣੀਆਂ ਜਾਨਾਂ ਗਵਾਈਆਂ ਜਿਸ ਤਹਿਤ ਮੂਲੀਵੈਕਲ ਦਾ ਕਤਲੇਆਮ ਵੀ ਸ਼ਾਮਲ ਹੈ ਜਿਸ ਵਿੱਚ ਬਹੁਤ ਸਾਰੇ ਲਾਪਤਾ, ਜ਼ਖਮੀ ਅਤੇ ਬੇਘਰ ਹੋਏ। ਟਰੂਡੋ ਨੇ ਕਿਹਾ ਕਿ ਸਾਡੇ ਵਿਚਾਰ ਪੀੜਤਾਂ, ਬਚਣ ਵਾਲਿਆਂ ਅਤੇ ਉਨ੍ਹਾਂ ਦੇ ਅਜ਼ੀਜ਼ਾਂ ਨਾਲ ਹਨ ਜੋ ਇਸ ਬੇਤੁਕੀ ਹਿੰਸਾ ਕਾਰਨ ਹੋਏ ਦਰਦ ਦੇ ਨੂੰ ਲੈਕੇ ਜਿਉਂਦੇ ਹਨ।
ਟਰੂਡੋ ਨੇ ਕਿਹਾ ਕਿ ਟਕਰਾਅ ਤੋਂ ਪ੍ਰਭਾਵਿਤ ਤਾਮਿਲ-ਕੈਨੇਡੀਅਨਾਂ ਦੀਆਂ ਕਹਾਣੀਆਂ – ਜਿਨ੍ਹਾਂ ਵਿੱਚ ਮੈਂ ਕਈ ਸਾਲਾਂ ਤੋਂ ਦੇਸ਼ ਭਰ ਦੇ ਭਾਈਚਾਰਿਆਂ ਵਿੱਚ ਵਿਚਰਿਆਂ ਹਾਂ – ਸਦੀਵੀਂ ਯਾਦ ਦਿਵਾਉਂਦਾ ਹੈ ਕਿ ਮਨੁੱਖੀ ਅਧਿਕਾਰਾਂ, ਸ਼ਾਂਤੀ ਅਤੇ ਜਮਹੂਰੀਅਤ ਨੂੰ ਮਾਮੂਲੀ ਨਹੀਂ ਸਮਝਿਆ ਜਾ ਸਕਦਾ ਹੈ। ਉਹਨਾਂ ਨੇ ਕਿਹਾ ਕਿ ਇਸ ਲਈ ਪਿਛਲੇ ਸਾਲ ਸੰਸਦ ਨੇ ਸਰਬਸੰਮਤੀ ਨਾਲ 18 ਮਈ ਨੂੰ ਤਾਮਿਲ ਨਸਲਕੁਸ਼ੀ ਯਾਦਗਾਰੀ ਦਿਵਸ ਬਣਾਉਣ ਦਾ ਪ੍ਰਸਤਾਵ ਪਾਸ ਕੀਤਾ ਸੀ। ਕੈਨੇਡਾ ਇਸ ਟਕਰਾਅ ਦੇ ਪੀੜਤਾਂ ਅਤੇ ਬਚੇ ਹੋਏ ਲੋਕਾਂ ਦੇ ਨਾਲ-ਨਾਲ ਸ਼੍ਰੀਲੰਕਾ ਵਿੱਚ ਉਨ੍ਹਾਂ ਸਾਰਿਆਂ ਦੇ ਹੱਕਾਂ ਦੀ ਵਕਾਲਤ ਕਰਨਾ ਬੰਦ ਨਹੀਂ ਕਰੇਗਾ ਜੋ ਮੁਸੀਬਤਾਂ ਦਾ ਸਾਹਮਣਾ ਕਰਦੇ ਰਹਿੰਦੇ ਹਨ।
ਇਸ ਤੋਂ ਬਾਅਦ ਵਿਦੇਸ਼ ਮੰਤਰਾਲੇ ਨੇ ਕੋਲੰਬੋ ਵਿੱਚ ਕੈਨੇਡੀਅਨ ਹਾਈ ਕਮਿਸ਼ਨਰ ਐਰਿਕ ਵਾਲਸ਼ ਨੂੰ ਤਲਬ ਕੀਤਾ ਅਤੇ ਟਰੂਡੋ ਦੀ ਟਿੱਪਣੀ ‘ਤੇ ਸਖ਼ਤ ਵਿਰੋਧ ਦਰਜ ਕਰਵਾਇਆ। ਵਿਦੇਸ਼ ਮੰਤਰਾਲੇ ਨੇ ਸ਼ੁੱਕਰਵਾਰ ਨੂੰ ਇੱਕ ਬਿਆਨ ਵਿੱਚ ਕਿਹਾ ਸੀ ਕਿ ਕਿਸੇ ਰਾਸ਼ਟਰ ਦੇ ਨੇਤਾ ਦੁਆਰਾ ਅਜਿਹੇ ਗੈਰ-ਜ਼ਿੰਮੇਵਾਰਾਨਾ ਅਤੇ ਧਰੁਵੀਕਰਨ ਵਾਲੇ ਬਿਆਨ ਸ਼ਾਂਤੀ ਅਤੇ ਮੇਲ-ਮਿਲਾਪ ਨੂੰ ਉਤਸ਼ਾਹਿਤ ਕਰਨ ਦੀ ਬਜਾਏ ਕੈਨੇਡਾ ਅਤੇ ਸ਼੍ਰੀਲੰਕਾ ਦਰਮਿਆਨ ਅਸਹਿਮਤੀ ਅਤੇ ਨਫ਼ਰਤ ਨੂੰ ਜਨਮ ਦਿੰਦੇ ਹਨ।
ਸ਼੍ਰੀਲੰਕਾ ਦੇ ਲਗਾਤਾਰ ਸ਼ਾਸਨਾਂ ਨੇ 26 ਸਾਲਾਂ ਦੇ ਘਰੇਲੂ ਯੁੱਧ ਦੇ ਆਖਰੀ ਪੜਾਅ ਵਿੱਚ ਨਿਹੱਥੇ ਨਾਗਰਿਕਾਂ ਵਿਰੁੱਧ ਕਥਿਤ ਜੰਗੀ ਅਪਰਾਧਾਂ ਨੂੰ ਪੂਰੀ ਤਰ੍ਹਾਂ ਰੱਦ ਕਰ ਦਿੱਤਾ ਹੈ ਸ਼੍ਰੀਲੰਕਾ ਨੇ ਸ਼ੁੱਕਰਵਾਰ ਨੂੰ ਐਲਟੀਟੀਈ ‘ਤੇ ਫੌਜ ਦੀ ਜਿੱਤ ਦੀ 14ਵੀਂ ਵਰ੍ਹੇਗੰਢ ਨੂੰ ਮਨਾਉਂਦੇ ਹੋਏ ਵਾਰ ਹੀਰੋਜ਼ ਡੇ ਮਨਾਇਆ।
