Last Updated :
01 August 2026, 03:36 PM IST
Courtesy: pinterest
ਨਵੀਂ ਦਿੱਲੀ: ਨੈਸ਼ਨਲ ਗਰਲਫ੍ਰੇਂਡ ਡੇ (National Girlfriend Day) ਹਰ ਸਾਲ 1 ਅਗਸਤ ਨੂੰ ਮਨਾਇਆ ਜਾਂਦਾ ਹੈ। ਵੈਸੇ ਤਾਂ ਦੇਖਿਆ ਜਾਵੇ ਤਾਂ ਪਾਰਟਨਰ ਲਈ ਪਿਆਰ ਜ਼ਾਹਿਰ ਕਰਨ ਦਾ ਕੋਈ ਦਿਨ ਨਹੀਂ ਹੁੰਦਾ, ਪਰ ਇਹ ਦਿਨ (1 ਅਗਸਤ) ਮਹਿਲਾ ਦੋਸਤ ਅਤੇ ਰੋਮਾਂਟਿਕ ਪਾਰਟਨਰ (ਗਰਲਫ੍ਰੇਂਡ) ਨੂੰ ਸਪੈਸ਼ਲ ਫੀਲ ਕਰਾਉਣ ਅਤੇ ਪਿਆਰ ਜਤਾਉਣ ਲਈ ਸਮਰਪਿਤ ਹੁੰਦਾ ਹੈ। ਅਜਿਹੇ 'ਚ ਜੇਕਰ ਤੁਸੀ ਨਵੇ ਕਪਲ ਹੋ ਜਾਂ ਤੁਸੀ ਆਪਣੀ ਲੇਡੀਲਵ ਨੂੰ ਲੰਬੇ ਸਮੇਂ ਤੋਂ ਡੇਟ ਕਰ ਰਹੇ ਹੋ ਤਾਂ ਇਹ ਦਿਨ ਤੁਹਾਡੇ ਲਈ ਖਾਸ ਹੈ। ਇਸ ਦਿਨ ਗਰਲਫ੍ਰੇਂਡ ਨੂੰ ਦਿੱਤਾ ਗਿਆ ਤੁਹਾਡਾ ਤੋਹਫ਼ਾ ਉਸਦਾ ਦਿਨ ਬਣਾ ਸਕਦਾ ਹੈ। ਇਸ ਖਾਸ ਦਿਨ 'ਤੇ ਕੁੱਝ ਮਜ਼ੇਦਾਰ ਤੋਹਫ਼ੇ ਦੇਣ ਦੇ ਆਈਡਿਏ ਤੁਹਾਡੇ ਸਾਹਮਣੇ ਹਨ, ਜੋ ਤੁਹਾਡੀ ਗਰਲਫ੍ਰੇਂਡ ਨੂੰ ਬਹੁਤ ਪਸੰਦ ਆਉਣਗੇ।
ਜ਼ਿਆਦਾਤਰ ਕੁੜੀਆਂ ਨੂੰ ਗਹਿਣਿਆਂ ਦਾ ਬਹੁਤ ਸ਼ੌਕ ਹੁੰਦਾ ਹੈ। ਜੇਕਰ ਤੁਸੀਂ ਕੋਈ ਅਜਿਹਾ ਤੋਹਫ਼ਾ ਦੇਣਾ ਚਾਹੁੰਦੇ ਹੋ ਜੋ ਹਮੇਸ਼ਾ ਉਸਦੇ ਨਾਲ ਰਹੇ, ਤਾਂ ਪਰਸਨਲਾਈਜ਼ਡ ਜਿਊਲਰੀ ਇੱਕ ਵਧੀਆ ਚੋਣ ਹੋ ਸਕਦੀ ਹੈ। ਤੁਸੀਂ ਉਸਦੇ ਨਾਮ ਦੇ ਪਹਿਲੇ ਅੱਖਰਾਂ ਵਾਲਾ ਨੈਕਲੇਸ, ਬ੍ਰੇਸਲੈਟ ਜਾਂ ਕੋਈ ਖਾਸ ਚਾਰਮ ਵਾਲੀ ਜਿਊਲਰੀ ਚੁਣ ਸਕਦੇ ਹੋ। ਇਹ ਸਿਰਫ਼ ਇੱਕ ਗਿਫ਼ਟ ਨਹੀਂ, ਸਗੋਂ ਤੁਹਾਡੀਆਂ ਯਾਦਾਂ ਦੀ ਨਿਸ਼ਾਨੀ ਵੀ ਬਣੇਗੀ।
ਅੱਜਕੱਲ੍ਹ ਸੁਗੰਧਿਤ ਮੋਮਬੱਤੀਆਂ ਕਾਫ਼ੀ ਚਲਨ ਵਿੱਚ ਹਨ। ਜੇ ਤੁਹਾਡੀ ਗਰਲਫ੍ਰੈਂਡ ਨੂੰ ਘਰ ਸਜਾਉਣ ਜਾਂ ਆਰਾਮਦਾਇਕ ਮਾਹੌਲ ਪਸੰਦ ਹੈ ਤਾਂ ਇਹ ਤੋਹਫ਼ਾ ਉਸਨੂੰ ਜ਼ਰੂਰ ਖੁਸ਼ ਕਰੇਗਾ। ਤੁਸੀਂ ਉਸਦੀ ਮਨਪਸੰਦ ਖੁਸ਼ਬੂ ਵਾਲੀ ਕੈਂਡਲ ਦੇ ਨਾਲ ਇੱਕ ਛੋਟਾ ਜਿਹਾ ਹੱਥੋਂ ਲਿਖਿਆ ਲਵ ਨੋਟ ਵੀ ਦੇ ਸਕਦੇ ਹੋ। ਇੱਕ ਛੋਟੀ ਜਿਹੀ ਗੱਲ ਤੋਹਫ਼ੇ ਨੂੰ ਹੋਰ ਵੀ ਖਾਸ ਬਣਾ ਦੇਵੇਗੀ।
ਆਪਣੀ ਗਰਲਫ੍ਰੈਂਡ ਨੂੰ ਇਹ ਅਹਿਸਾਸ ਦਿਵਾਉਣਾ ਕਿ ਤੁਸੀਂ ਉਸਦੀ ਸਿਹਤ ਅਤੇ ਖੁਸ਼ੀ ਦੀ ਪਰਵਾਹ ਕਰਦੇ ਹੋ, ਕਿਸੇ ਵੀ ਮਹਿੰਗੇ ਤੋਹਫ਼ੇ ਤੋਂ ਵੱਧ ਕੀਮਤੀ ਹੁੰਦਾ ਹੈ। ਇੱਕ ਸੈਲਫ ਕੇਅਰ ਹੈਮਪਰ ਵਿੱਚ ਤੁਸੀਂ ਫੇਸ ਮਾਸਕ, ਬਾਡੀ ਬਟਰ, ਬਾਥ ਸਾਲਟ, ਲਿਪ ਬਾਮ, ਹਰਬਲ ਚਾਹ, ਖੁਸ਼ਬੂਦਾਰ ਤੇਲ ਜਾਂ ਉਸਦੀ ਮਨਪਸੰਦ ਹੈਲਥੀ ਸਨੈਕਸ ਸ਼ਾਮਲ ਕਰ ਸਕਦੇ ਹੋ। ਇਹ ਤੋਹਫ਼ਾ ਉਸਨੂੰ ਆਰਾਮ ਕਰਨ ਅਤੇ ਆਪਣੇ ਲਈ ਸਮਾਂ ਕੱਢਣ ਦੀ ਯਾਦ ਦਿਵਾਏਗਾ।
ਭਾਵੇਂ ਇਹ ਤੋਹਫ਼ਾ ਰਵਾਇਤੀ ਮੰਨਿਆ ਜਾਂਦਾ ਹੈ, ਪਰ ਇਸਦੀ ਖੂਬਸੂਰਤੀ ਕਦੇ ਘੱਟ ਨਹੀਂ ਹੁੰਦੀ। ਗਰਲਫ੍ਰੇਂਡ ਨੂੰ ਉਸਦੀ ਮਨਪਸੰਦ ਚਾਕਲੇਟ, ਕੇਕ ਜਾਂ ਮਿੱਠੀਆਂ ਚੀਜ਼ਾਂ ਦੇ ਨਾਲ ਲਾਲ ਗੁਲਾਬਾਂ ਦਾ ਗੁਲਦਸਤਾ ਉਸਦੇ ਚਿਹਰੇ 'ਤੇ ਮੁਸਕਾਨ ਲਿਆ ਸਕਦਾ ਹੈ।
ਜੇ ਤੁਹਾਨੂੰ ਪਤਾ ਹੈ ਕਿ ਗਰਲਫ੍ਰੇਂਡ ਨੂੰ ਕਿਹੜੀ ਖੁਸ਼ਬੂ ਪਸੰਦ ਹੈ ਜਾਂ ਉਹ ਕਿਹੜਾ ਪਰਫਿਊਮ ਲੈਣਾ ਚਾਹੁੰਦੀ ਹੈ, ਤਾਂ ਇਹ ਬਹੁਤ ਹੀ ਸੋਚ-ਸਮਝ ਕੇ ਦਿੱਤਾ ਗਿਆ ਤੋਹਫ਼ਾ ਹੋਵੇਗਾ। ਤੁਸੀਂ ਪਰਫਿਊਮ ਦੇ ਨਾਲ ਬਾਡੀ ਮਿਸਟ ਜਾਂ ਬਾਡੀ ਆਇਲ ਵੀ ਸ਼ਾਮਲ ਕਰ ਸਕਦੇ ਹੋ, ਤਾਂ ਜੋ ਖੁਸ਼ਬੂ ਲੰਬੇ ਸਮੇਂ ਤੱਕ ਬਣੀ ਰਹੇ। ਹਰ ਵਾਰ ਜਦੋਂ ਉਹ ਇਸਦਾ ਇਸਤੇਮਾਲ ਕਰੇਗੀ, ਉਸਨੂੰ ਤੁਹਾਡੀ ਯਾਦ ਆਵੇਗੀ।
ਰਿਸ਼ਤੇ ਦੀਆਂ ਖੂਬਸੂਰਤ ਯਾਦਾਂ ਨੂੰ ਸੰਭਾਲ ਕੇ ਰੱਖਣਾ ਹਮੇਸ਼ਾ ਖਾਸ ਹੁੰਦਾ ਹੈ। ਤੁਸੀਂ ਇੱਕ ਫੋਟੋ ਐਲਬਮ ਜਾਂ ਸਕ੍ਰੈਪਬੁੱਕ ਤਿਆਰ ਕਰ ਸਕਦੇ ਹੋ, ਜਿਸ ਵਿੱਚ ਤੁਹਾਡੀਆਂ ਇੱਕਠਿਆਂ ਦੀਆਂ ਤਸਵੀਰਾਂ, ਛੋਟੇ-ਛੋਟੇ ਲਵ ਨੋਟਸ, ਯਾਦਗਾਰ ਪਲ ਅਤੇ ਖਾਸ ਤਾਰੀਖਾਂ ਸ਼ਾਮਲ ਹੋਣ। ਇਹ ਤੋਹਫ਼ਾ ਸਿਰਫ਼ ਇੱਕ ਦਿਨ ਲਈ ਨਹੀਂ, ਸਗੋਂ ਜ਼ਿੰਦਗੀ ਭਰ ਲਈ ਇੱਕ ਕੀਮਤੀ ਯਾਦ ਬਣ ਸਕਦਾ ਹੈ।
ਨੈਸ਼ਨਲ ਗਰਲਫ੍ਰੈਂਡ ਡੇ ਦਾ ਮਕਸਦ ਸਿਰਫ਼ ਮਹਿੰਗੇ ਤੋਹਫ਼ੇ ਦੇਣਾ ਨਹੀਂ, ਸਗੋਂ ਆਪਣੇ ਸਾਥੀ ਨੂੰ ਇਹ ਮਹਿਸੂਸ ਕਰਵਾਉਣਾ ਹੈ ਕਿ ਉਹ ਤੁਹਾਡੇ ਲਈ ਕਿੰਨੀ ਖਾਸ ਹੈ। ਇੱਕ ਛੋਟਾ ਜਿਹਾ ਸਰਪ੍ਰਾਈਜ਼, ਦਿਲੋਂ ਲਿਖਿਆ ਸੰਦੇਸ਼ ਜਾਂ ਇਕੱਠੇ ਬਿਤਾਇਆ ਕੁਝ ਸਮਾਂ ਵੀ ਇਸ ਦਿਨ ਨੂੰ ਹਮੇਸ਼ਾ ਲਈ ਯਾਦਗਾਰ ਬਣਾ ਸਕਦਾ ਹੈ।
