Last Updated :
13 June 2026, 04:58 PM IST
Courtesy: @SkyrootA
ਆਂਧਰ ਪ੍ਰਦੇਸ਼: ਭਾਰਤ ਜਲਦੀ ਹੀ ਪੁਲਾੜ ਵਿੱਚ ਇੱਕ ਵੱਡਾ ਮੀਲ ਪੱਥਰ ਹਾਸਲ ਕਰਨ ਲਈ ਤਿਆਰ ਹੈ। ਹੈਦਰਾਬਾਦ ਸਥਿਤ ਸਟਾਰਟਅੱਪ ਸਕਾਈਰੂਟ ਏਰੋਸਪੇਸ ਦੁਆਰਾ ਵਿਕਸਤ ਕੀਤਾ ਗਿਆ ਇੱਕ ਨਿੱਜੀ ਰਾਕੇਟ 'ਵਿਕਰਮ-1' ਲਾਂਚ ਲਈ ਤਿਆਰ ਹੈ। ਰਾਕੇਟ ਦੀ ਇੱਕ ਤਸਵੀਰ ਵੀ ਸਾਹਮਣੇ ਆਈ ਹੈ। ਰਾਕੇਟ ਦੇ ਦੂਜੇ ਪੜਾਅ ਦਾ ਏਕੀਕਰਨ ਸ਼੍ਰੀਹਰੀਕੋਟਾ ਵਿੱਚ ਪੂਰਾ ਹੋ ਗਿਆ ਹੈ। ਯਾਨੀ ਹੁਣ ਭਾਰਤ ਲਈ ਪੁਲਾੜ ਵਿੱਚ ਇਤਿਹਾਸ ਰਚਣ ਲਈ ਉਲਟੀ ਗਿਣਤੀ ਸ਼ੁਰੂ ਹੋ ਗਈ ਹੈ।
ਸਾਹਮਣੇ ਆਈ ਵਿਕਰਮ-1 ਦੀ ਤਸਵੀਰ
The first pictures from the spaceport of India’s first privately built orbital rocket.
— Skyroot Aerospace (@SkyrootA) June 12, 2026
For those following closely: Vikram-1's Stage 2, Kalam-250, is now fully integrated inside SHAR, Sriharikota. Flex nozzle, actuators, and Interstages 1_2L & 1_2U mounted and assembled. Our… pic.twitter.com/lXBQBnwq3Q
ਕੀ ਹੈ ਵਿਕਰਮ-1 ਦੀ ਖ਼ਾਸੀਅਤ:-
1. ਭਾਰਤ ਵਿੱਚ ਤਿਆਰ
ਵਿਕਰਮ-1 ਰਾਕੇਟ ਦੀ ਖ਼ਾਸੀਅਤ ਦੀ ਗੱਲ ਕਰਿਏ ਤਾਂ ਸਭ ਤੋਂ ਪਹਿਲਾਂ ਇਹ ਹੈ ਕਿ ਇਸਨੂੰ ਭਾਰਤ ਵਿੱਚ ਹੀ ਤੈਆਰ ਕੀਤਾ ਗਿਆ ਹੈ।
2. ਮਜ਼ਬੂਤ ਤੇ ਹਲਕਾ
ਇਹ ਮਜ਼ਬੂਤ ਹੋਣ ਦੇ ਨਾਲ-ਨਾਲ ਹਲਕਾ ਵੀ ਹੈ। ਇਸ ਦੀ ਸਟੀਲ ਤੋਂ ਵੀ ਜ਼ਿਆਦਾ ਮਜ਼ਬੂਤ ਬਣਾਈ ਗਈ ਹੈ, ਜਿਸ ਵਿੱਚ ਕਾਰਬਨ ਕਮਪਾਜਿਟ ਮਟੀਰੀਅਲ ਦਾ ਇਸਤੇਮਾਲ ਕੀਤਾ ਗਿਆ ਹੈ।
3. ਵਿਸ਼ੇਸ਼ ਰਬੜ ਸੁਰੱਖਿਆ ਢਾਲ
ਜਦੋਂ ਰਾਕੇਟ ਦੇ ਅੰਦਰ ਠੋਸ ਬਾਲਣ ਸੜਦਾ ਹੈ, ਤਾਂ ਇਹ ਤੇਜ਼ ਗਰਮੀ ਪੈਦਾ ਕਰਦਾ ਹੈ ਇਸ ਗਰਮੀ ਤੋਂ ਰਾਕੇਟ ਨੂੰ ਬਚਾਉਣ ਲਈ ਇੱਕ ਵਿਸ਼ੇਸ਼ ਰਬੜ ਸੁਰੱਖਿਆ ਢਾਲ ਪ੍ਰਦਾਨ ਕੀਤੀ ਗਈ ਹੈ। ਇਹ ਯਕੀਨੀ ਬਣਾਉਣ ਲਈ ਤਕਨਾਲੋਜੀ ਵਿਕਸਤ ਕੀਤੀ ਗਈ ਹੈ ਕਿ ਇਹ ਸਹੀ ਰਸਤੇ 'ਤੇ ਰਹੇ, ਹਵਾ ਦੇ ਝੱਖੜ ਜਾਂ ਗੁਰੂਤਾ ਕਾਰਨ ਇਸਨੂੰ ਰਸਤੇ ਤੋਂ ਭਟਕਣ ਤੋਂ ਰੋਕਿਆ ਜਾਵੇ।
4. ਕੰਪਿਊਟਰ-ਨਿਯੰਤਰਿਤ ਰੋਬੋਟਿਕ ਹਿੱਸਿਆਂ ਨਾਲ ਲੈਸ
ਹੋਰ ਖ਼ਾਸ ਗੱਲ ਇਹ ਹੈ ਕਿ ਇਹ ਕੰਪਿਊਟਰ-ਨਿਯੰਤਰਿਤ ਰੋਬੋਟਿਕ ਹਿੱਸਿਆਂ ਨਾਲ ਲੈਸ ਹੈ, ਜੋ ਉਡਾਣ ਦੌਰਾਨ ਨੋਜ਼ਲ ਨੂੰ ਸਹੀ ਦਿਸ਼ਾ ਵਿੱਚ ਲਗਾਤਾਰ ਐਡਜਸਟ ਕਰਦੇ ਹਨ। ਰਾਕੇਟ ਦੀ ਇੱਕ ਮੁੱਖ ਵਿਸ਼ੇਸ਼ਤਾ ਇਹ ਹੈ ਕਿ ਇਹ ਕਿਸੇ ਵੀ ਬੇਕਾਰ ਹੋਏ ਭਾਗ ਨੂੰ ਤੁਰੰਤ ਬਾਹਰ ਕੱਢਣ ਦੀ ਸਮਰੱਥਾ ਹੈ।
ਭਾਰਤ ਲਈ ਵੱਡੀ ਉਪਲਬਧੀ ਦਾ ਪਲ
ਜਦੋਂ ਵਿਕਰਮ-1 ਰਾਕੇਟ ਪੁਲਾੜ ਵਿੱਚ ਉਡਾਣ ਭਰੇਗਾ ਤਾ ਇਹ ਭਾਰਤ ਲਈ ਬਹੁਤ ਵੱਡੀ ਉਪਲਬਧੀ ਹੋਵੇਗੀ, ਕਿਉਂਕਿ ਇਹ ਰਾਕੇਟ 24 ਮੀਟਰ ਉੱਚਾ ਹੈ ਅਤੇ 350 ਕਿਲੋਗ੍ਰਾਮ ਤੱਕ ਦੇ ਛੋਟੇ ਉਪਗ੍ਰਹਿਆਂ ਨੂੰ ਧਰਤੀ ਦੇ ਹੇਠਲੇ ਪੰਧ ਵਿੱਚ ਲਿਜਾਣ ਦੇ ਸਮਰੱਥ ਹੈ। ਇਸਦੇ ਲਾਂਚ ਹੋਣ 'ਤੇ, ਭਾਰਤ ਉਨ੍ਹਾਂ ਚੋਣਵੇਂ ਦੇਸ਼ਾਂ ਦੇ ਸਮੂਹ ਵਿੱਚ ਸ਼ਾਮਲ ਹੋ ਜਾਵੇਗਾ ਜਿਨ੍ਹਾਂ ਕੋਲ ਆਪਣੇ ਨਿੱਜੀ ਰਾਕੇਟ ਹਨ।
