ਪੰਜਾਬ ਆਉਣ ਵਾਲੀਆਂ 36 ਰੇਲ ਗੱਡੀਆਂ ਰੱਦ, ਦੇਖੋ ਸੂਚੀ 

ਉੱਤਰ ਰੇਲਵੇ ਨੇ ਕੁੱਲ 196 ਯਾਤਰੀ ਗੱਡੀਆਂ ਨੂੰ ਅਸਥਾਈ ਤੌਰ 'ਤੇ ਰੱਦ ਕੀਤਾ। 49 ਰੇਲ ਗੱਡੀਆਂ ਦੇ ਰੂਟ ਬਦਲੇ ਗਏ। ਕਈ ਹੋਰ ਗੱਡੀਆਂ ਸਬੰਧੀ ਵੀ ਬਦਲਾਅ ਕੀਤੇ ਗਏ। 

ਰੇਲ ਗੱਡੀਆਂ ‘ਚ ਸਫਰ ਕਰਨ ਵਾਲੇ ਯਾਤਰੀਆਂ ਨੂੰ ਇਕ ਵਾਰ ਫਿਰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਅੰਮ੍ਰਿਤਸਰ ਤੋਂ ਜੰਮੂ ਤਵੀ ਰੂਟ ‘ਤੇ 36 ਗੱਡੀਆਂ ਦੇ ਰੱਦ ਹੋਣ ਦੀ ਸੂਚਨਾ ਹੈ।  ਜਾਣਕਾਰੀ ਅਨੁਸਾਰ ਆਗਰਾ ਡਿਵੀਜ਼ਨ ਦੇ ਮਥੁਰਾ ਸਟੇਸ਼ਨ ‘ਤੇ ਯਾਰਡ ਦੇ ਮੁੜ ਵਿਕਾਸ ਅਤੇ ਨਾਨ-ਇੰਟਰਲਾਕਿੰਗ ਦਾ ਕੰਮ ਸ਼ੁਰੂ ਕੀਤਾ ਜਾ ਰਿਹਾ ਹੈ। ਇਸ ਕਾਰਨ ਉੱਤਰੀ ਰੇਲਵੇ ਨੇ ਵੱਖ-ਵੱਖ ਰੂਟਾਂ ‘ਤੇ 196 ਯਾਤਰੀ ਗੱਡੀਆਂ ਨੂੰ ਅਸਥਾਈ ਤੌਰ ‘ਤੇ ਰੱਦ ਕਰਨ ਦਾ ਐਲਾਨ ਕੀਤਾ ਹੈ। ਰੱਦ ਕੀਤੀਆਂ ਗੱਡੀਆਂ ‘ਚ ਅੰਮ੍ਰਿਤਸਰ ਅਤੇ ਜੰਮੂ ਤਵੀ ਰੂਟ ‘ਤੇ ਅਪ-ਡਾਊਨ ਦੀਆਂ 36 ਰੇਲ ਗੱਡੀਆਂ ਸ਼ਾਮਲ ਹਨ। ਇਸਤੋਂ ਇਲਾਵਾ ਵੱਖ-ਵੱਖ ਰੂਟਾਂ ‘ਤੇ 49 ਗੱਡੀਆਂ ਦੇ ਰੂਟ ਬਦਲੇ ਗਏ। 4 ਨੂੰ ਥੋੜ੍ਹੇ ਸਮੇਂ ਲਈ ਬੰਦ ਕੀਤਾ ਗਿਆ ਅਤੇ 10 ਨੂੰ ਕੁਝ ਸਮੇਂ ਲਈ ਰੋਕ ਦਿੱਤਾ ਗਿਆ।