Last Updated :
23 January 2025, 12:38 PM IST
22 ਜਨਵਰੀ ਨੂੰ ਮਹਾਰਾਸ਼ਟਰ ਦੇ ਜਲਗਾਓਂ ਵਿੱਚ ਲਖਨਊ ਤੋਂ ਮੁੰਬਈ ਜਾ ਰਹੀ ਪੁਸ਼ਪਕ ਐਕਸਪ੍ਰੈਸ ਦੇ 23 ਯਾਤਰੀਆਂ ਨੂੰ ਦੂਜੇ ਟਰੈਕ 'ਤੇ ਆ ਰਹੀ ਕਰਨਾਟਕ ਐਕਸਪ੍ਰੈਸ ਨੇ ਕੁਚਲ ਦਿੱਤਾ। ਇਸ ਹਾਦਸੇ ਵਿੱਚ ਹੁਣ ਤੱਕ 13 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ, ਜਦੋਂ ਕਿ 10 ਜ਼ਖਮੀਆਂ ਦਾ ਜਲਗਾਓਂ ਦੇ ਸਿਵਲ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ। ਘਟਨਾ ਦੌਰਾਨ ਰੇਲਗੱਡੀ ਵਿੱਚ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਅੱਗ ਲੱਗਣ ਦੀ ਅਫਵਾਹ ਸਭ ਤੋਂ ਪਹਿਲਾਂ ਇੱਕ ਚਾਹ ਵੇਚਣ ਵਾਲੇ ਨੇ ਫੈਲਾਈ ਸੀ। ਜਿਸਨੂੰ ਜਨਰਲ ਡੱਬੇ ਵਿੱਚ ਯਾਤਰਾ ਕਰ ਰਹੇ ਉਦਲ ਕੁਮਾਰ ਅਤੇ ਵਿਜੇ ਕੁਮਾਰ ਨੇ ਸੁਣਿਆ। ਦੋਵੇਂ ਡਰ ਗਏ ਅਤੇ ਚੱਲਦੀ ਰੇਲਗੱਡੀ ਤੋਂ ਪਟੜੀ 'ਤੇ ਛਾਲ ਮਾਰ ਦਿੱਤੀ। ਇਸ ਤੋਂ ਬਾਅਦ ਕਿਸੇ ਨੇ ਚੇਨ ਖਿੱਚ ਦਿੱਤੀ ਅਤੇ ਕੁਝ ਹੋਰ ਯਾਤਰੀਆਂ ਨੇ ਵੀ ਆਪਣੀ ਜਾਨ ਬਚਾਉਣ ਲਈ ਟ੍ਰੇਨ ਤੋਂ ਛਾਲ ਮਾਰ ਦਿੱਤੀ।
13 ਵਿੱਚੋਂ 10 ਮਰਨ ਵਾਲਿਆਂ ਦੀ ਹੋਈ ਪਹਿਚਾਣ
ਜਲਗਾਓਂ ਕਲੈਕਟਰੇਟ ਨੇ ਕਿਹਾ ਕਿ ਹਾਦਸੇ ਵਿੱਚ ਜਾਨ ਗਵਾਉਣ ਵਾਲੇ 13 ਲੋਕਾਂ ਵਿੱਚੋਂ 10 ਦੀ ਪਛਾਣ ਕਰ ਲਈ ਗਈ ਹੈ। 3 ਦੀ ਪਛਾਣ ਕੀਤੀ ਜਾ ਰਹੀ ਹੈ। ਕਰਨਾਟਕ ਐਕਸਪ੍ਰੈਸ ਦੀ ਟੱਕਰ ਤੋਂ ਬਾਅਦ ਕਈ ਲੋਕਾਂ ਦੀਆਂ ਲਾਸ਼ਾਂ ਦੇ ਟੁਕੜੇ-ਟੁਕੜੇ ਹੋ ਗਏ। ਬਚਾਅ ਟੀਮ ਅਤੇ ਨੇੜਲੇ ਲੋਕਾਂ ਨੇ ਇਨ੍ਹਾਂ ਟੁਕੜਿਆਂ ਨੂੰ ਚਾਦਰਾਂ ਵਿੱਚ ਇਕੱਠਾ ਕੀਤਾ। ਇਹ ਹਾਦਸਾ 22 ਜਨਵਰੀ ਨੂੰ ਸ਼ਾਮ 4:42 ਵਜੇ ਪਚੋਰਾ ਸਟੇਸ਼ਨ ਨੇੜੇ ਵਾਪਰਿਆ।
ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ 1.5 ਲੱਖ ਰੁਪਏ ਦਿੱਤਾ ਜਾਵੇਗਾ ਮੁਆਵਜਾ
ਰੇਲ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ 1.5 ਲੱਖ ਰੁਪਏ, ਗੰਭੀਰ ਜ਼ਖਮੀਆਂ ਨੂੰ 50,000 ਰੁਪਏ ਅਤੇ ਮਾਮੂਲੀ ਜ਼ਖਮੀਆਂ ਨੂੰ 5,000 ਰੁਪਏ ਮੁਆਵਜ਼ਾ ਦੇਣ ਦਾ ਐਲਾਨ ਕੀਤਾ ਹੈ। ਕੇਂਦਰੀ ਰੇਲਵੇ ਦੇ ਭੁਸਾਵਲ ਡਿਵੀਜ਼ਨ ਦੇ ਅਧਿਕਾਰਤ ਸੂਤਰਾਂ ਨੇ ਦੱਸਿਆ ਕਿ ਜਿਸ ਥਾਂ 'ਤੇ ਇਹ ਘਟਨਾ ਵਾਪਰੀ, ਉੱਥੇ ਤੇਜ਼ ਮੋੜ ਸੀ। ਇਸ ਕਾਰਨ ਦੂਜੇ ਟਰੈਕ 'ਤੇ ਬੈਠੇ ਯਾਤਰੀਆਂ ਨੂੰ ਰੇਲਗੱਡੀ ਦੇ ਆਉਣ ਦਾ ਅਹਿਸਾਸ ਨਹੀਂ ਹੋ ਸਕਿਆ।
ਮ੍ਰਿਤਕਾਂ ਵਿੱਚ 3 ਨੇਪਾਲ ਦੇ ਰਹਿਣ ਵਾਲੇ ਸਨ
1. ਹਿਮੂ ਨੰਦਰਾਮ ਵਿਸ਼ਵਕਰਮਾ (ਉਮਰ ਲਗਭਗ 11 ਸਾਲ, ਨੇਪਾਲ ਦਾ ਨਿਵਾਸੀ)
2. ਲੱਚੀ ਰਾਮ ਪਾਸੀ (ਉਮਰ ਲਗਭਗ 23 ਸਾਲ, ਨੇਪਾਲ ਦਾ ਨਿਵਾਸੀ)
3. ਕਮਲਾ ਨਵੀਨ ਭੰਡਾਰੀ (ਉਮਰ 43, ਨੇਪਾਲ ਦੀ ਨਿਵਾਸੀ)
4. ਜਵਾਕਲਾ ਭਾਟੇ (ਉਮਰ 50 ਸਾਲ)
5. ਨਸੀਰੂਦੀਨ ਬਦਰੂਦੀਨ ਸਿੱਦੀਕੀ (ਉਮਰ ਲਗਭਗ 20 ਸਾਲ, ਗੋਂਡਾ ਦਾ ਨਿਵਾਸੀ)
6. ਇੰਤੇਜਾਜ਼ ਅਲੀ (ਉਮਰ 35 ਸਾਲ, ਗੁਲਰੀਹਾ ਯੂਪੀ ਦਾ ਵਸਨੀਕ)
7. ਬਾਬੂ ਖਾਨ (ਉਮਰ ਲਗਭਗ 30 ਸਾਲ)
