Last Updated :
16 June 2026, 10:58 AM IST
Courtesy: pinterest
ਨਾਗਪੁਰ: ਇੱਕ 24 ਸਾਲਾਂ ਵਿਆਹੁਤਾ ਮਹਿਲਾ ਨੇ ਸੋਨੇਗਾਂਓ ਪੁਲਿਸ ਕੋਲ ਬਲਾਤਕਾਰ, ਬਲੈਕਮੇਲ ਅਤੇ ਜ਼ਬਰਦਸਤੀ ਧਰਮ ਪਰਿਵਰਤਨ ਦਾ ਦੋਸ਼ ਲਗਾਉਂਦੇ ਹੋਏ ਸ਼ਿਕਾਇਤ ਦਰਜ ਕਰਵਾਈ। ਉਸਨੇ ਇਹ ਸ਼ਿਕਾਇਤ ਇੱਕ ਪੁਰਾਣੇ ਸਕੂਲੀ ਜਾਣਕਾਰ ਅਤੇ ਉਸਦੇ ਸਾਥੀਆਂ ਵਿਰੁੱਧ ਦਰਜ ਕਰਵਾਈ ਹੈ। ਸ਼ਿਕਾਇਤਕਰਤਾ ਨੇ ਇਲਜ਼ਾਮ ਲਗਾਇਆ ਕਿ ਉਸਨੂੰ ਉਸਨੂੰ ਜ਼ਬਰਦਸਤੀ ਬੀਫ ਖੁਆਇਆ ਗਿਆ, ਕਲਮਾ ਪੜ੍ਹਨ ਲਈ ਮਜਬੂਰ ਕੀਤਾ ਗਿਆ ਅਤੇ ਜਿਨਸੀ ਸ਼ੋਸ਼ਣ ਦਾ ਸ਼ਿਕਾਰ ਬਣਾਇਆ ਗਿਆ।
ਸ਼ਿਕਾਇਤ ਤੋਂ ਬਾਦ ਪੁਲਿਸ ਨੇ ਦੋਸ਼ੀਆਂ ਨੇ ਆਪਣੇ ਅੜਿਕੇ ਲੈ ਲਿਆ। ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮਾਂ ਦੀ ਪਛਾਣ ਅਯਾਜ਼ ਤਾਜ ਮਦਾਰੇ ਅਤੇ ਉਸਦੇ ਸਾਥੀ ਅਮੀਨ ਸ਼ੇਖ ਵਜੋਂ ਹੋਈ ਹੈ। ਹਾਲਾਂਕਿ, ਤੀਜਾ ਮੁਲਜ਼ਮ, ਹਜ਼ਰਤ ਮੌਲਾਨਾ ਇਸ ਵੇਲੇ ਫਰਾਰ ਹੈ।
ਕਾਲੇ ਜਾਦੂ ਰਾਹੀਂ ਕੀਤਾ ਬਲਾਤਕਾਰ
ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਾਉਣ ਪਹੁੰਚੀ ਪੀੜਤਾ ਨੇ ਦੋਸ਼ ਲਗਾਇਆ ਹੈ ਕਿ ਅਯਾਜ਼ ਤਾਜ ਮਦਾਰੇ ਵਾਰ-ਵਾਰ ਪਲਾਸਟਿਕ ਦੀ ਬੋਤਲ ਵਿੱਚ ਤਰਲ ਪਦਾਰਥ ਲਿਆਉਂਦਾ ਸੀ, ਉਸਨੂੰ ਪੀਣ ਲਈ ਮਜਬੂਰ ਕਰਦਾ ਸੀ, ਉਰਦੂ ਵਿੱਚ ਮੰਤਰ ਪੜ੍ਹਦਾ ਸੀ, ਉਸਦੇ ਚਿਹਰੇ 'ਤੇ ਫੂਕ ਮਾਰਦਾ ਸੀ ਤੇ ਫਿਰ ਹਿਪਨੋਟਿਜ਼ਮ ਅਤੇ ਕਾਲੇ ਜਾਦੂ ਦੀ ਆੜ ਵਿੱਚ ਉਸ ਨਾਲ ਬਲਾਤਕਾਰ ਕਰਦਾ ਸੀ।
ਜਾਇਦਾਦ ਖਰੀਦਣ ਦੇ ਬਹਾਨੇ ਦੋਸਤੀ ਬਣਾਈ ਗਈ
ਪੀੜਿਤਾ ਦੀ ਸ਼ਿਕਾਇਤ ਅਨੁਸਾਰ, ਪੁਲਿਸ ਨੇ ਦੱਸਿਆ ਕਿ ਔਰਤ ਰੀਅਲ ਅਸਟੇਟ ਸੈਕਟਰ ਵਿੱਚ ਕੰਮ ਕਰਦੀ ਹੈ। ਅਯਾਜ਼ ਇੱਕ ਦੋਸਤ ਨੂੰ ਜਾਇਦਾਦ ਖਰੀਦਣ ਵਿੱਚ ਮਦਦ ਕਰਨ ਦੇ ਬਹਾਨੇ ਉਸ ਦੇ ਸੰਪਰਕ ਵਿੱਚ ਆਇਆ ਅਤੇ ਬਾਅਦ ਵਿੱਚ ਉਸ ਨਾਲ ਦੋਸਤੀ ਕੀਤੀ। ਪੀੜਿਤਾ ਦਾ ਦੋਸ਼ ਹੈ ਕਿ 8 ਫਰਵਰੀ, 2025 ਨੂੰ ਇੱਕ ਹੋਟਲ ਵਿੱਚ ਇੱਕ ਮੀਟਿੰਗ ਦੌਰਾਨ, ਉਸਨੇ ਉਸਦੇ ਪੀਣ ਵਿੱਚ ਨਸ਼ੀਲਾ ਪਦਾਰਥ ਮਿਲਾ ਦਿੱਤਾ, ਜਿਸ ਕਾਰਨ ਉਹ ਹੋਸ਼ ਗੁਆ ਬੈਠੀ। ਜਦੋਂ ਉਹ ਹੋਸ਼ ਵਿੱਚ ਆਈ, ਤਾਂ ਉਸਨੇ ਕਥਿਤ ਤੌਰ 'ਤੇ ਉਸ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਇੱਕ ਇਤਰਾਜ਼ਯੋਗ ਸਥਿਤੀ ਵਿੱਚ ਰਿਕਾਰਡ ਕੀਤੀਆਂ ਸਨ।
ਬਲੈਕਮੇਲ ਰਾਹੀਂ ₹4 ਲੱਖ ਦੀ ਫਿਰੌਤੀ
ਸ਼ਿਕਾਇਤਕਰਤਾ ਨੇ ਇਹ ਵੀ ਦੋਸ਼ ਲਗਾਇਆ ਕਿ ਇਸਤੋਂ ਬਾਦ ਉਸਨੇ ਇਨ੍ਹਾਂ ਰਿਕਾਡਿੰਗਾਂ ਦੀ ਵਰਤੋਂ ਰਾਹੀਂ ਉਸਨੂੰ ਬਲੈਕਮੇਲ ਕਰਨਾ ਸ਼ੁਰੂ ਕਰ ਦਿੱਤਾ ਤੇ ਧਮਕੀ ਦਿੱਤੀ ਗਈ ਸੀ ਕਿ ਵੀਡੀਓ ਵਾਇਰਲ ਕਰ ਦਿੱਤੇ ਜਾਣਗੇ ਜਾਂ ਉਸਦੇ ਪਤੀ ਨੂੰ ਭੇਜ ਦਿੱਤੇ ਜਾਣਗੇ। ਕੁਝ ਸਮੇਂ ਬਾਅਦ, ਦੋਸ਼ੀ ਨੇ ਉਸ ਤੋਂ ਲਗਭਗ ₹4 ਲੱਖ ਦੀ ਫਿਰੌਤੀ ਲਈ।
ਧਰਮ ਪਰਿਵਰਤਨ ਕਰਵਾ ਜ਼ਬਰਦਸਤੀ ਕੀਤਾ ਨਿਕਾਹ
ਪੀੜਿਤ ਮਹਿਲਾ ਨੇ ਦੱਸਿਆ ਕਿ 31 ਮਈ ਨੂੰ ਇੱਕ ਹੋਰ ਘਟਨਾ ਵਿੱਚ, ਅਯਾਜ਼ ਮਦਾਰੇ ਅਤੇ ਉਸਦਾ ਸਾਥੀ ਉਸਨੂੰ ਕਲਮੇਸ਼ਵਰ ਲੈ ਗਏ, ਜਿੱਥੇ ਇੱਕ ਹਜ਼ਰਤ ਮੌਲਾਨਾ ਨੇ ਕਥਿਤ ਤੌਰ 'ਤੇ ਕੁਝ ਰਸਮਾਂ ਨਿਭਾਈਆਂ ਅਤੇ - ਧਰਮ ਪਰਿਵਰਤਨ ਪ੍ਰਕਿਰਿਆ ਦੇ ਹਿੱਸੇ ਵਜੋਂ - ਉਸਨੂੰ ਵਾਰ-ਵਾਰ "ਕਬੂਲ ਹੈ" ਸ਼ਬਦ ਬੋਲਣ ਲਈ ਮਜਬੂਰ ਕੀਤਾ। ਔਰਤ ਨੇ ਦੋਸ਼ ਲਗਾਇਆ ਕਿ ਉਸਨੂੰ ਉਸਦੀ ਮਰਜ਼ੀ ਦੇ ਵਿਰੁੱਧ ਇਹਨਾਂ ਕੰਮਾਂ ਵਿੱਚ ਹਿੱਸਾ ਲੈਣ ਲਈ ਮਜਬੂਰ ਕੀਤਾ ਗਿਆ ਸੀ। ਉਸਨੇ ਅੱਗੇ ਕਿਹਾ ਕਿ ਮੌਲਾਨਾ ਨੇ ਬਾਅਦ ਵਿੱਚ ਉਸਦੇ ਇਸਲਾਮ ਕਬੂਲਣ ਐਲਾਨ ਕਰ ਦਿੱਤਾ ਅਤੇ ਉਸਦਾ ਅਯਾਜ਼ ਨਾਲ ਜ਼ਬਰਦਸਤੀ ਵਿਆਹ ਕਰਵਾ ਦਿੱਤਾ। ਇਸ ਤੋਂ ਬਾਅਦ, ਉਸਨੂੰ ਜ਼ਬਰਦਸਤੀ ਬੀਫ ਖਾਣ ਲਈ ਮਜਬੂਰ ਕੀਤਾ ਗਿਆ। ਇਸ ਤੋਂ ਬਾਅਦ, ਉਹ ਉਸਨੂੰ ਇੱਕ ਹੋਟਲ ਵਿੱਚ ਲੈ ਗਏ ਜਿੱਥੇ ਅਯਾਜ਼ ਨੇ ਉਸਦਾ ਦੁਬਾਰਾ ਬਲਾਤਕਾਰ ਕੀਤਾ।
ਔਰਤ ਨੇ ਇਹ ਵੀ ਦੋਸ਼ ਲਗਾਇਆ ਕਿ ਦੋਸ਼ੀ ਵਾਰ-ਵਾਰ ਉਸਦੇ ਘਰ ਆਉਂਦਾ ਸੀ ਅਤੇ ਕਈ ਵਾਰ ਉਸਦਾ ਜਿਨਸੀ ਸ਼ੋਸ਼ਣ ਕਰਦਾ ਸੀ। ਸ਼ੁਰੂ ਵਿੱਚ ਉਸਨੇ ਡਰ ਦੇ ਕਾਰਨ ਘਟਨਾਵਾਂ ਦੀ ਰਿਪੋਰਟ ਨਹੀਂ ਕੀਤੀ। ਬਾਅਦ ਵਿੱਚ, ਉਸਨੇ ਆਪਣੇ ਪਤੀ ਨੂੰ ਸੂਚਿਤ ਕੀਤਾ ਅਤੇ ਸੋਨੇਗਾਂਓ ਪੁਲਿਸ ਨਾਲ ਸੰਪਰਕ ਕੀਤਾ, ਜਿੱਥੇ ਐਫਆਈਆਰ ਦਰਜ ਕੀਤੀ ਗਈ।
ਦੋਸ਼ੀਆਂ ਖ਼ਿਲਾਫ਼ FIR ਤੇ ਇੱਕ ਫਰਾਰ
ਮਾਮਲੇ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਪੀੜਿਤਾ ਦੇ ਬਿਆਨ ਤੋਂ ਬਾਦ ਉਨ੍ਹਾਂ ਨੇ ਦੋਸ਼ੀਆਂ ਖ਼ਿਲਾਫ਼ FIR ਦਰਜ ਕਰ ਲਈ ਹੈ। ਮਹਿਲਾ ਨੇ ਆਪਣੀ ਸ਼ਿਕਾਇਤ 'ਚ ਧਰਮ ਪਰਿਵਰਤਨ, ਜਬਰਨ ਵਸੂਲੀ ਤੇ ਰੇਪ ਵਰਗੇ ਵੱਡੇ ਆਰੋਪ ਲਗਾਏ ਹਨ। ਪੁਲਿਸ ਨੇ ਦੱਸਿਆ ਕਿ ਇਸ ਮਾਮਲੇ 'ਚ ਅਸੀ ਮੋਬਾਈਲ ਫੋਨ ਜਬਤ ਕਰ ਲਏ ਹਨ ਤੇ ਉਨ੍ਹਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਮਾਮਲੇ ਦੇ ਸਬੰਧ ਵਿੱਚ ਦੋ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ, ਜਦੋਂ ਕਿ ਤੀਜਾ ਅਜੇ ਵੀ ਫਰਾਰ ਹੈ।
