Last Updated :
05 April 2023, 05:45 PM IST
ਕਰਨਾਟਕ ਹਾਈ ਕੋਰਟ ਵੱਲੋਂ ਕਰਨਾਟਕ ਸੋਪਸ ਐਂਡ ਡਿਟਰਜੈਂਟਸ ਲਿਮਟਿਡ ਨਾਲ ਸਬੰਧਤ ਰਿਸ਼ਵਤਖੋਰੀ ਦੇ ਮਾਮਲੇ ਵਿੱਚ ਉਸ ਦੀ ਜ਼ਮਾਨਤ ਅਰਜ਼ੀ ਖਾਰਜ ਕਰਨ ਤੋਂ ਕੁੱਝ ਘੰਟਿਆਂ ਬਾਅਦ ਭਾਜਪਾ ਵਿਧਾਇਕ ਮਾਡਲ ਵਿਰੂਪਕਸ਼ੱਪਾ ਨੂੰ ਸੋਮਵਾਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਉਸ ਨੇ ਗਿਰਫ਼ਤਾਰੀ ਤੋਂ ਬਚਣ ਲਈ ਹਾਈ ਕੋਰਟ ਵਿੱਚ ਜ਼ਮਾਨਤ ਲਈ ਅਰਜ਼ੀ ਲਗਾਈ ਸੀ ਜਿਸਨੂੰ ਕਰਨਾਟਕ ਹਾਈ ਕੋਰਟ ਨੇ ਖਾਰਿਜ ਕਰ ਦਿੱਤਾ। ਇਹ ਮਾਮਲਾ ਸਰਕਾਰੀ ਕੰਪਨੀ ਨੂੰ ਰਸਾਇਣ ਸਪਲਾਈ ਕਰਨ ਦਾ ਠੇਕਾ ਅਲਾਟ ਕਰਨ ਲਈ ਕਥਿਤ ਤੌਰ ਤੇ ਰਿਸ਼ਵਤ ਦੀ ਮੰਗ ਅਤੇ ਪ੍ਰਾਪਤੀ ਨਾਲ ਸਬੰਧਤ ਹੈ।
ਹਾਈਕੋਰਟ ਨੇ ਪਿਛਲੇ ਹਫਤੇ ਇਸ ਮਾਮਲੇ ਚ ਆਪਣਾ ਫੈਸਲਾ ਸੁਰੱਖਿਅਤ ਰੱਖ ਲਿਆ ਸੀ। ਇਹ ਮਾਮਲਾ ਸਰਕਾਰੀ ਕੰਪਨੀ ਨੂੰ ਰਸਾਇਣ ਸਪਲਾਈ ਕਰਨ ਦਾ ਠੇਕਾ ਅਲਾਟ ਕਰਨ ਲਈ ਕਥਿਤ ਤੌਰ ਤੇ ਰਿਸ਼ਵਤ ਦੀ ਮੰਗ ਅਤੇ ਪ੍ਰਾਪਤੀ ਨਾਲ ਸਬੰਧਤ ਹੈ। ਲੋਕਾਯੁਕਤ ਦੇ ਬਾਅਦ ਦੇ ਛਾਪਿਆਂ ਵਿੱਚ 8.23 ਕਰੋੜ ਰੁਪਏ ਦੀ ਨਕਦੀ ਦਾ ਪਤਾ ਲੱਗਾ । ਜਸਟਿਸ ਕੇ ਨਟਰਾਜਨ ਨੇ ਚੰਨਾਗਿਰੀ ਦੇ ਵਿਧਾਇਕ ਦੀ ਅਗਾਊਂ ਜ਼ਮਾਨਤ ਪਟੀਸ਼ਨ ਰੱਦ ਕਰ ਦਿੱਤੀ। ਵਿਰੂਪਕਸ਼ੱਪਾ, ਜੋ ਕੇਐਸਡੀਐਲ ਦੇ ਚੇਅਰਮੈਨ ਸਨ, ਉੱਤੇ ਆਪਣੇ ਪੁੱਤਰ ਪ੍ਰਸ਼ਾਂਤ ਮਡਲ, ਇੱਕ ਕੇਏਐਸ ਅਧਿਕਾਰੀ ਦੁਆਰਾ ਰਿਸ਼ਵਤ ਮੰਗਣ ਦਾ ਦੋਸ਼ ਲਗਾਇਆ ਗਿਆ ਹੈ। ਬਿੱਲ ਪਾਸ ਕਰਨ ਲਈ 81 ਲੱਖ ਰੁਪਏ ਦੀ ਰਿਸ਼ਵਤ ਦੀ ਮੰਗ ਕੀਤੀ ਗਈ ਅਤੇ ਉਸ ਦੇ ਪੁੱਤਰ ਨੂੰ ਉਸ ਦੇ ਦਫਤਰ ਵਿਚ 40 ਲੱਖ ਰੁਪਏ ਲੈਂਦੇ ਹੋਏ ਫੜ ਲਿਆ ਗਿਆ। ਬਾਅਦ ਵਿੱਚ, ਵਿਰੂਪਕਸ਼ੱਪਾ ਦੇ ਘਰ ਤੋਂ 7 ਕਰੋੜ ਰੁਪਏ ਤੋਂ ਵੱਧ ਦੀ ਨਕਦੀ ਜ਼ਬਤ ਕੀਤੀ ਗਈ ਸੀ। ਇਸ ਮਾਮਲੇ ਵਿੱਚ ਪ੍ਰਸ਼ਾਂਤ ਐਮਵੀ ਨੂੰ ਪਹਿਲਾਂ ਹੀ 2 ਮਾਰਚ ਨੂੰ ਗ੍ਰਿਫ਼ਤਾਰ ਕੀਤਾ ਜਾ ਚੁੱਕਾ ਹੈ। ਉਦੋਂ ਤੋਂ ਲੋਕਾਯੁਕਤ ਪੁਲਿਸ ਨੇ ਇਸ ਮਾਮਲੇ ਵਿੱਚ ਚਾਰ ਹੋਰ ਗ੍ਰਿਫ਼ਤਾਰੀਆਂ ਕੀਤੀਆਂ ਹਨ। ਵਿਰੂਪਕਸ਼ੱਪਾ ਨੇ ਉਦੋਂ ਤੋਂ ਕੇਐਸਡੀਐਲ ਦੇ ਚੇਅਰਮੈਨ ਵਜੋਂ ਅਸਤੀਫ਼ਾ ਦੇ ਦਿੱਤਾ ਹੈ। ਮਾਡਲ ਵਿਰੂਪਕਸ਼ੱਪਾ ਇਸ ਮਾਮਲੇ ਦਾ ਮੁੱਖ ਦੋਸ਼ੀ ਹੈ। ਕਰਨਾਟਕ ਵਿੱਚ ਆਉਣ ਵਾਲ਼ੇ ਸਮੇ ਵਿੱਚ ਚੁਨਾਵ ਵੀ ਹਨ ਅਤੇ ਇਸ ਮੁੱਦੇ ਨੂੰ ਵਿਰੋਧੀ ਪਾਰਟੀਆਂ ਦੁਆਰਾ ਵਧ ਚੜ ਕੇ ਚੁੱਕਿਆ ਜਾ ਰਿਹਾ ਹੈ । ਵੱਡੀ ਗਿਰਫ਼ਤਾਰੀ ਤੋ ਬਾਅਦ ਆਸ਼ੰਕਾ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਹੋਰ ਵੀ ਕਈ ਵੱਡੀ ਗਿਰਫ਼ਤਾਰੀਆਂ ਹੋ ਸਕਦੀਆਂ ਨੇ। ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਭਾਜਪਾ ਇਸ ਗਿਰਫ਼ਤਾਰੀ ਤੋ ਬਾਅਦ ਅਪਣੇ ਨੇਤਾ ਤੇ ਕੀ ਕਾਰਵਾਈ ਕਰਦੀ ਹੈ।
