Last Updated :
16 August 2023, 12:07 PM IST
ਨਹਿਰੂ ਮੈਮੋਰੀਅਲ ਮਿਊਜ਼ੀਅਮ ਅਤੇ ਲਾਇਬ੍ਰੇਰੀ ਦਾ ਨਾਂ ਬਦਲਣ ਦੇ ਕੇਂਦਰ ਦੇ ਫੈਸਲੇ ‘ਤੇ ਪਹਿਲਾਂ ਕਾਂਗਰਸ ਦੀ ਤਿੱਖੀ ਪ੍ਰਤੀਕਿਰਿਆ ਆਈ ਸੀ ਕਿਉਂਕਿ ਤੀਨ ਮੂਰਤੀ ਭਵਨ ਨੂੰ ਭਾਰਤ ਦੇ ਪਹਿਲੇ ਪ੍ਰਧਾਨ ਮੰਤਰੀ ਜਵਾਹਰ ਲਾਲ ਨਹਿਰੂ ਦੀ ਸਰਕਾਰੀ ਰਿਹਾਇਸ਼ ਵਜੋਂ ਜਾਣਿਆ ਜਾਂਦਾ ਹੈ। ਪੀਐਮਐਮਐਲ ਦੇ ਉਪ-ਚੇਅਰਮੈਨ ਏ ਸੂਰਿਆ ਪ੍ਰਕਾਸ਼ ਨੇ ਮੰਗਲਵਾਰ ਨੂੰ ਕਿਹਾ ਕਿ ਬਹੁਤ ਵਿਵਾਦ ਪੈਦਾ ਹੋਣ ਤੋਂ ਬਾਅਦ, ਨਹਿਰੂ ਮੈਮੋਰੀਅਲ ਮਿਊਜ਼ੀਅਮ ਅਤੇ ਲਾਇਬ੍ਰੇਰੀ (ਐਨਐਮਐਮਐਲ) ਦਾ ਹੁਣ ਅਧਿਕਾਰਤ ਤੌਰ ‘ਤੇ ਪ੍ਰਧਾਨ ਮੰਤਰੀ ਅਜਾਇਬ ਘਰ ਅਤੇ ਲਾਇਬ੍ਰੇਰੀ (ਪੀਐਮਐਮਐਲ) ਸੋਸਾਇਟੀ ਨਾਲ ਨਾਮ ਬਦਲ ਦਿੱਤਾ ਗਿਆ ਹੈ।
‘X’ ‘ਤੇ ਪ੍ਰਕਾਸ਼ ਨੇ ਲਿਖਿਆ ਕਿ “ਨਹਿਰੂ ਮੈਮੋਰੀਅਲ ਅਜਾਇਬ ਘਰ ਅਤੇ ਲਾਇਬ੍ਰੇਰੀ ਦਾ ਨਾਮ ਹੁਣ 14 ਅਗਸਤ, 2023 ਤੋਂ ਪ੍ਰਧਾਨ ਮੰਤਰੀ ਅਜਾਇਬ ਘਰ ਅਤੇ ਲਾਇਬ੍ਰੇਰੀ ਸੋਸਾਇਟੀ ਹੈ । ਸੁਤੰਤਰਤਾ ਦਿਵਸ ਮੁਬਾਰਕ!” । ਉਨ੍ਹਾਂ ਨੇ ਤੀਨ ਮੂਰਤੀ ਹਾਊਸ ਦੀ ਤਸਵੀਰ ਵੀ ਸਾਂਝੀ ਕੀਤੀ । ਨਾਮ ਬਦਲਾਅ ਦਾ ਅੰਤਮ ਪੜਾਅ ਐੱਨਐੱਮਐੱਮਐੱਲ ਸੋਸਾਇਟੀ ਦੀ ਜੂਨ ਦੇ ਅੱਧ ਵਿੱਚ ਹੋਈ ਵਿਸ਼ੇਸ਼ ਮੀਟਿੰਗ ਤੋਂ ਬਾਅਦ ਲਾਗੂ ਹੋ ਗਿਆ ਜਿੱਥੇ ਨਾਮ ਬਦਲਣ ਦਾ ਫ਼ੈਸਲਾ ਲਿਆ ਗਿਆ ਸੀ । ਪ੍ਰਕਾਸ਼ ਦੇ ਅਨੁਸਾਰ, ਨਾਮ ਬਦਲਣ ਦੀ ਪ੍ਰਕਿਰਿਆ 15 ਜੂਨ ਨੂੰ ਸ਼ੁਰੂ ਹੋਈ ਸੀ, ਅਤੇ ਇਹ ਇੱਕ “ਮਹਿਜ਼ ਇਤਫ਼ਾਕ” ਸੀ ਕਿ ਇਹ ਸੁਤੰਤਰਤਾ ਦਿਵਸ ਦੀ ਪੂਰਵ ਸੰਧਿਆ ‘ਤੇ ਪੂਰਾ ਹੋ ਗਿਆ।ਇਸ ਦੇ ਵੇਰਵਿਆਂ ਬਾਰੇ ਪੁੱਛੇ ਜਾਣ ‘ਤੇ ਪ੍ਰਕਾਸ਼ ਨੇ ਕਿਹਾ, “ਕਾਨੂੰਨ ਦੇ ਤਹਿਤ, ਸੁਸਾਇਟੀ ਦੀ ਜਨਰਲ ਬਾਡੀ ਨੂੰ ਮੀਟਿੰਗ ਕਰਨੀ ਪੈਂਦੀ ਹੈ ਅਤੇ ਇੱਕ ਮਤਾ ਪਾਸ ਕਰਨਾ ਹੁੰਦਾ ਹੈ। ਇਸ ਲਈ ਨਹਿਰੂ ਮਿਊਜ਼ੀਅਮ ਐਂਡ ਲਾਇਬ੍ਰੇਰੀ ਸੁਸਾਇਟੀ ਦੀ ਜਨਰਲ ਬਾਡੀ ਨੇ 15 ਜੂਨ ਨੂੰ ਮਤਾ ਪਾਸ ਕੀਤਾ ਸੀ। ਸੁਸਾਇਟੀ ਨੂੰ ਇੱਕ ਮਹੀਨੇ ਬਾਅਦ ਦੁਬਾਰਾ ਮਿਲਣਾ ਪਿਆ ਅਤੇ ਮਤਾ ਦੁਹਰਾਉਣਾ ਪਿਆ। ਇਸ ਲਈ 18 ਜੁਲਾਈ ਨੂੰ ਕੀਤੀ ਗਈ ਅਤੇ ਉਸ ਤੋਂ ਬਾਅਦ ਇਹ ਸੁਸਾਇਟੀ ਦੇ ਰਜਿਸਟਰਾਰ ਕੋਲ ਗਈ ਅਤੇ ਫਿਰ ਰਜਿਸਟਰਾਰ ਨੇ ਨਾਮ ਬਦਲ ਦਿੱਤਾ। ਇਸ ਲਈ ਇਹ ਕੁਝ ਦਿਨ ਪਹਿਲਾਂ ਹੋਇਆ ਸੀ ਅਤੇ ਅਸੀਂ ਕੱਲ੍ਹ ਇਸ ਨੂੰ ਲਾਗੂ ਕੀਤਾ ਹੈ ” ।ਲਾਇਬ੍ਰੇਰੀ ਦਾ ਨਾਮ ਬਦਲਣ ਦੇ ਕੇਂਦਰ ਦੇ ਫੈਸਲੇ ‘ਤੇ ਪਹਿਲਾਂ ਕਾਂਗਰਸ ਵੱਲੋਂ ਤਿੱਖੀ ਪ੍ਰਤੀਕਿਰਿਆਵਾਂ ਆਈਆਂ ਸਨ ਕਿਉਂਕਿ ਤੀਨ ਮੂਰਤੀ ਭਵਨ ਨੂੰ ਭਾਰਤ ਦੇ ਪਹਿਲੇ ਪ੍ਰਧਾਨ ਮੰਤਰੀ ਜਵਾਹਰ ਲਾਲ ਨਹਿਰੂ ਦੀ ਸਰਕਾਰੀ ਰਿਹਾਇਸ਼ ਵਜੋਂ ਜਾਣਿਆ ਜਾਂਦਾ ਹੈ। ਨਹਿਰੂ ਮੈਮੋਰੀਅਲ ਮਿਊਜ਼ੀਅਮ ਅਤੇ ਲਾਇਬ੍ਰੇਰੀ ਦਾ ਨਾਂ ‘ਪ੍ਰਧਾਨ ਮੰਤਰੀ ਅਜਾਇਬ ਘਰ ਅਤੇ ਲਾਇਬ੍ਰੇਰੀ’ ਰੱਖਣ ਤੋਂ ਬਾਅਦ, ਭਾਜਪਾ ਦੇ ਰਾਜ ਸਭਾ ਮੈਂਬਰ ਵਿਨੈ ਸਹਿਸਬੁੱਧੇ – ਐਨਐਮਐਮਐਲ ਸੋਸਾਇਟੀ ਦੇ ਮੈਂਬਰ ਨੇ ਇਸ ਕਦਮ ਦਾ ਬਚਾਅ ਕਰਦੇ ਹੋਏ ਕਿਹਾ ਕਿ ਨਾਮ ਬਦਲਣਾ “ਰਾਸ਼ਟਰੀ ਧੰਨਵਾਦ ਦਾ ਪ੍ਰਗਟਾਵਾ ਹੈ ” ।
