Last Updated :
23 November 2023, 08:14 PM IST
ਮੈਡੀਕਲ ਦਾਖਲਾ ਪ੍ਰੀਖਿਆ NEET-UG ਦੇ ਸਿਲੇਬਸ ਨੂੰ ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ (CBSE) ਅਤੇ ਹੋਰ ਸਕੂਲ ਬੋਰਡਾਂ ਨੇ ਤਰਕਸ਼ੀਲਤਾ ਬਣਾਈ ਰੱਖਣ ਲਈ ਘਟਾ ਦਿੱਤਾ ਹੈ। ਨੈਸ਼ਨਲ ਟੈਸਟਿੰਗ ਏਜੰਸੀ (ਐੱਨਟੀਏ) ਮੁਤਾਬਕ ਦੇਸ਼ ਦੇ ਮੈਡੀਕਲ ਕਾਲਜਾਂ 'ਚ ਦਾਖਲੇ ਲਈ ਸਭ ਤੋਂ ਵੱਡੀ ਪ੍ਰੀਖਿਆ ਅਗਲੇ ਸਾਲ 5 ਮਈ ਨੂੰ ਹੋਵੇਗੀ।
ਪਾਠਕ੍ਰਮ ਨੂੰ ਦਿੱਤਾ ਅੰਤਿਮ ਰੂਪ
ਪ੍ਰੀਖਿਆ ਵਿੱਚ ਸ਼ਾਮਲ ਹੋਣ ਵਾਲੇ ਵਿਦਿਆਰਥੀਆਂ ਨੂੰ ਸੂਚਿਤ ਕੀਤਾ ਗਿਆ ਹੈ ਕਿ ਬੋਰਡ ਆਫ਼ ਗ੍ਰੈਜੂਏਟ ਮੈਡੀਕਲ ਐਜੂਕੇਸ਼ਨ, ਨੈਸ਼ਨਲ ਮੈਡੀਕਲ ਕਮਿਸ਼ਨ (ਐਨਐਮਸੀ) ਦੇ ਅਧੀਨ ਇੱਕ ਖੁਦਮੁਖਤਿਆਰ ਸੰਸਥਾ, ਨੇ NEET-UG, 2024 ਲਈ ਸਿਲੇਬਸ ਨੂੰ ਅੰਤਿਮ ਰੂਪ ਦੇ ਦਿੱਤਾ ਹੈ। ਇਸਦੀ ਜਾਨਕਾਰੀ NTA ਨੇ ਇੱਕ ਅਧਿਕਾਰਤ ਨੋਟੀਫਿਕੇਸ਼ਨ ਵਿੱਚ ਦਿੱਤੀ ਹੈ।
ਵੈੱਬਸਾਈਟ 'ਤੇ ਕੀਤਾ ਪੋਸਟ
ਨੋਟੀਫਿਕੇਸ਼ਨ NMC ਦੀ ਵੈੱਬਸਾਈਟ 'ਤੇ ਵੀ ਪਾ ਦਿੱਤਾ ਗਿਆ ਹੈ। ਵਿਦਿਆਰਥੀਆਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਪ੍ਰੀਖਿਆ ਦੀ ਤਿਆਰੀ ਲਈ NEET-UG 2024 ਲਈ ਨਵੇਂ ਸਿਲੇਬਸ ਦਾ ਹਵਾਲਾ ਦੇਣ ਅਤੇ ਉਸ ਅਨੁਸਾਰ ਅਕਾਦਮਿਕ ਸੈਸ਼ਨ 2024-25 ਲਈ NEET-UG ਪ੍ਰੀਖਿਆਵਾਂ ਦੀ ਤਿਆਰੀ ਕਰਨ।
