Last Updated :
16 November 2023, 01:54 PM IST
ਬਠਿੰਡਾ ਦੇ ਗੋਲ ਡਿੱਗੀ ਮਾਰਕਿਟ ਨੇੜੇ ਬੁੱਧਵਾਰ ਦੇਰ ਸ਼ਾਮ ਨੂੰ ਉਸ ਸਮੇਂ ਅਫੜਾ-ਦਫੜੀ ਦਾ ਮੱਚ ਗਈ, ਜਦੋਂ ਇੱਕ ਪ੍ਰਵਾਸੀ ਮਜ਼ਦੂਰ ਨੇ ਚਾਕੂ ਦੀ ਨੋਕ ਨਾਲ ਡੇਢ ਸਾਲ ਦੀ ਬੱਚੀ ਨੂੰ ਖੋਹਣ ਦੀ ਕੋਸ਼ਿਸ਼ ਕੀਤੀ ਗਈ, ਜਦੋਂ ਕਿ ਅਸਫਲ ਹੋਣ ਤੇ ਲੋਕਾਂ ਨੇ ਪ੍ਰਵਾਸੀ ਨੂੰ ਫੜ ਲਿਆ ਅਤੇ ਉਸ ਦੀ ਬੁਰੀ ਤਰ੍ਹਾਂ ਕੁੱਟਮਾਰ ਕੀਤੀ। ਨੌਜਵਾਨ ਸਭਾ ਨੇ ਬੇਹੋਸ਼ ਹੋਏ ਵਿਅਕਤੀ ਨੂੰ ਐਂਬੂਲੈਂਸ ਰਾਹੀਂ ਬਠਿੰਡਾ ਦੇ ਸਰਕਾਰੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ। ਫੜੇ ਗਏ ਵਿਅਕਤੀ ਦੀ ਪਛਾਣ ਭੁਨੇਸ਼ਵਰ ਵਜੋਂ ਦੱਸੀ ਜਾ ਰਹੀ ਹੈ। ਜਿਸ ਕੋਲੋਂ ਮਿਲੀ ਪਰਚੀ 'ਚ ਲਿਖਿਆ ਹੋਇਆ ਸੀ ਕਿ ਜੇਕਰ ਮੈਂ ਮਰ ਗਿਆ ਤਾਂ ਮੇਰੀ ਲਾਸ਼ ਮੇਰੇ ਭਰਾ ਨੂੰ ਸੌਂਪ ਦਿੱਤਾ ਜਾਵੇ।
ਪਤੀ-ਪਤਨੀ ਬੱਚੀ ਨਾਲ ਸਬਜ਼ੀ ਖਰੀਦਣ ਲਈ ਆਏ ਸਨ ਬਾਜ਼ਾਰ
ਜਾਣਕਾਰੀ ਅਨੁਸਾਰ ਬਸੰਤ ਬਿਹਾਰ ਦਾ ਰਹਿਣ ਵਾਲੇ ਪਤੀ-ਪਤਨੀ ਆਪਣੀ ਡੇਢ ਸਾਲ ਦੀ ਬੇਟੀ ਨਾਲ ਗੋਲ ਡਿੱਗੀ ਬਾਜ਼ਾਰ 'ਚ ਸਬਜ਼ੀ ਖਰੀਦਣ ਆਇਆ ਸੀ। ਰਾਤ ਦੇ ਕਰੀਬ 8 ਵਜੇ ਦਾ ਸਮਾਂ ਹੋਵੇਗਾ, ਔਰਤ ਨੇ ਬੱਚੇ ਨੂੰ ਗੋਦੀ 'ਚ ਬਿਠਾ ਲਿਆ ਅਤੇ ਉਸਦਾ ਪਤੀ ਐਕਟਿਵਾ ਸਾਈਡ 'ਤੇ ਕਰਨ ਚੱਲਾ ਗਿਆ। ਇਸ ਦੌਰਾਨ ਇਕ ਵਿਅਕਤੀ ਨੇ ਔਰਤ ਦੀ ਗੋਦ 'ਚ ਬੈਠੀ ਲੜਕੀ ਦੀ ਗਰਦਨ 'ਤੇ ਚਾਕੂ ਰੱਖ ਦਿੱਤਾ। ਜਿਸ ਨੂੰ ਦੇਖ ਕੇ ਔਰਤ ਡਰ ਗਈ। ਜਦੋਂ ਉਸ ਨੇ ਰੌਲਾ ਪਾਇਆ ਤਾਂ ਆਸ-ਪਾਸ ਦੇ ਲੋਕਾਂ ਨੇ ਉਸ ਨੂੰ ਫੜ ਲਿਆ।
ਪੁਲਿਸ ਮਾਮਲੇ ਦੀ ਕਰ ਰਹੀ ਜਾਂਚ
ਉਧਰ ਘਟਨਾ ਕੇ ਬਾਰੇ ਜਾਣਕਾਰੀ ਮਿਲਦੇ ਹੀ ਥਾਣਾ ਕੋਤਵਾਲੀ ਦੀ ਪੁਲਸ ਮੌਕੇ ਤੇ ਪੁੱਜੀ। ਜਿਸ ਤੋਂ ਬਾਅਦ ਪੁਲਿਸ ਨੇ ਮਾਮਲੇ ਦੀ ਅਗਲੇਰੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਕਿ ਇਸ ਵਿਅਕਤੀ ਨੇ ਅਜਿਹਾ ਕਿਉਂ ਕੀਤਾ ਹੈ।
