Last Updated :
17 November 2023, 09:38 AM IST
ਦੀਵਾਲੀ ਤੇ ਪਟਾਕਿਆਂ ਦੇ ਜ਼ਹਿਰੀਲੇ ਧੂੰਏਂ ਕਾਰਨ ਦੋ ਦਿਨਾਂ ਤੋਂ AQI 500 ਤੱਕ ਪਹੁੰਚ ਗਿਆ ਸੀ। ਦੀਵਾਲੀ ਤਾਂ ਚਲੀ ਗਈ ਪਰ ਸਥਿਤੀ ਵਿੱਚ ਸੁਧਾਰ ਹੁੰਦਾ ਨਹੀਂ ਨਜ਼ਰ ਆ ਰਿਹਾ। ਹੁਣ ਪਰਾਲੀ ਦਾ ਧੂੰਆਂ AQI ਨੂੰ ਵਿਗਾੜ ਰਿਹਾ ਹੈ। ਵੀਰਵਾਰ ਨੂੰ, AQI ਦੀ ਸਥਿਤੀ ਬਦਤਰ ਦੇਖੀ ਗਈ। ਵੱਧ ਤੋਂ ਵੱਧ AQI 317, ਘੱਟੋ-ਘੱਟ 253 ਅਤੇ ਔਸਤ 287 ਪਾਇਆ ਗਿਆ। ਵੀਰਵਾਰ ਨੂੰ ਘੱਟੋ-ਘੱਟ ਅਤੇ ਔਸਤ AQI ਸਭ ਤੋਂ ਖਰਾਬ ਅਤੇ ਘਾਤਕ ਰਿਹਾ ਹੈ।
45 ਥਾਵਾਂ 'ਤੇ ਸਾੜੀ ਗਈ ਪਰਾਲੀ
ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਜਿੱਥੇ ਖੇਤਾਂ ਵਿੱਚ ਪਰਾਲੀ ਨੂੰ ਅੱਗ ਲਗਾਉਣ ਵਾਲਿਆਂ ਖ਼ਿਲਾਫ਼ ਮੁਹਿੰਮ ਤੇਜ਼ ਕਰ ਦਿੱਤੀ ਹੈ, ਉੱਥੇ ਹੀ ਪਰਾਲੀ ਨੂੰ ਅੱਗ ਲਗਾਉਣ ਦੀਆਂ ਘਟਨਾਵਾਂ ਵਿੱਚ ਵੀ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਪ੍ਰਦੂਸ਼ਣ ਵਿਭਾਗ ਤੋਂ ਸੈਟੇਲਾਈਟ ਰਾਹੀਂ ਪ੍ਰਾਪਤ ਅੰਕੜਿਆਂ ਅਨੁਸਾਰ ਇਕੱਲੇ ਵੀਰਵਾਰ ਨੂੰ ਜਲੰਧਰ ਵਿੱਚ ਖੇਤਾਂ ਵਿੱਚ ਪਰਾਲੀ ਸਾੜਨ ਦੇ 45 ਮਾਮਲੇ ਸਾਹਮਣੇ ਆਏ ਹਨ। ਇਸ ਨਾਲ ਸੀਜ਼ਨ ਦੌਰਾਨ ਪਰਾਲੀ ਸਾੜਨ ਦੇ ਮਾਮਲਿਆਂ ਦੀ ਗਿਣਤੀ 1084 ਹੋ ਗਈ ਹੈ। ਜਦੋਂ ਕਿ ਪਿਛਲੇ ਸਾਲ ਯਾਨੀ 2022 ਵਿੱਚ 1335 ਅਤੇ 2021 ਵਿੱਚ 2490 ਮਾਮਲੇ ਸਾਹਮਣੇ ਆਏ ਸਨ।
ਅਗਲੇ ਪੰਜ ਦਿਨ ਮੀਂਹ ਪੈਣ ਦੀ ਕੋਈ ਸੰਭਾਵਨਾ ਨਹੀਂ
ਮੌਸਮ ਵਿਗਿਆਨੀ ਡਾ. ਦਲਜੀਤ ਸਿੰਘ ਦਾ ਕਹਿਣਾ ਹੈ ਕਿ ਸਵੇਰ ਵੇਲੇ ਧੁੰਦ ਦੀ ਚਿੱਟੀ ਚਾਦਰ ਵਿਚ ਪ੍ਰਦੂਸ਼ਿਤ ਕਣਾਂ ਦੇ ਰਲਣ ਕਾਰਨ ਸਮੋਗ ਪੈਦਾ ਹੁੰਦੀ ਹੈ | ਜਿਸ ਕਾਰਨ AQI ਪੱਧਰ ਵਿਗੜ ਗਿਆ ਹੈ। ਇਹ ਸਥਿਤੀ ਤਾਂ ਹੀ ਸੁਧਰੀ ਸਕਦੀ ਹੈ ਜੇਕਰ ਪਰਾਲੀ ਸਾੜਨ ਵਰਗੀਆਂ ਘਟਨਾਵਾਂ ਬੰਦ ਹੋਣ ਜਾਂ ਮੀਂਹ ਪੈਣ। ਪਰ ਅਗਲੇ ਪੰਜ ਦਿਨਾਂ ਤੱਕ ਮੀਂਹ ਪੈਣ ਦੀ ਕੋਈ ਸੰਭਾਵਨਾ ਨਹੀਂ ਹੈ। ਇਸ ਵੇਲੇ ਇਹ ਸਿਰਫ 300 ਤੋਂ ਵੱਧ ਹੈ।
