Last Updated :
26 August 2023, 10:52 AM IST
ਵਿਰਾਟ ਕੋਹਲੀ ਦੀ ਇੰਸਟਾਗ੍ਰਾਮ ਸਟੋਰੀ ਤੋਂ ਬੀਸੀਸੀਆਈ ਬਿਲਕੁਲ ਵੀ ਖੁਸ਼ ਨਹੀਂ ਹੈ । ਉਸਦੇ ਯੋ-ਯੋ ਟੈਸਟ ਸਕੋਰ ਨੂੰ ਪ੍ਰਗਟ ਕਰਦੇ ਹੀ , ਬੀਸੀਸੀਆਈ ਲਗਭਗ ਤੁਰੰਤ ਕਾਰਵਾਈ ਵਿੱਚ ਆ ਗਿਆ। ਵੀਰਵਾਰ ਨੂੰ ਵਿਰਾਟ ਕੋਹਲੀ ਦੀ ਇੰਸਟਾਗ੍ਰਾਮ ਸਟੋਰੀ ਜਿਸ ਵਿੱਚ ਉਸਨੇ ਆਪਣੇ ਯੋ-ਯੋ ਫਿਟਨੈਸ ਟੈਸਟ ਦੇ ਸਕੋਰ ਦਾ ਖੁਲਾਸਾ ਕੀਤਾ ਸੀ, ਉਸਤੇ ਵਿਵਾਦ ਹੋਗਿਆ । ਦੱਸਿਆ ਜਾ ਰਿਹਾ ਹੈ ਕਿ ਇਸ ਸਟੋਰੀ ਨੇ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ.ਸੀ.ਸੀ.ਆਈ.) ਦੇ ਚੋਟੀ ਦੇ ਅਧਿਕਾਰੀਆਂ ਨੂੰ ਪਰੇਸ਼ਾਨ ਕੀਤਾ ਹੈ। ਕੋਹਲੀ ਦੀ ਇੰਸਟਾਗ੍ਰਾਮ ਸਟੋਰੀ ਵਾਇਰਲ ਹੋਣ ਤੋਂ ਕੁਝ ਘੰਟਿਆਂ ਬਾਅਦ ਹੀ ਭਾਰਤੀ ਟੀਮ ਪ੍ਰਬੰਧਨ ਨੇ ਸਾਰੇ ਭਾਰਤੀ ਕ੍ਰਿਕਟਰਾਂ ਲਈ ਸਖਤ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ। ਖਿਡਾਰੀਆਂ ਨੂੰ ਕਿਹਾ ਗਿਆ ਸੀ ਕਿ ਉਹ ਆਪਣੇ ਯੋ-ਯੋ ਟੈਸਟ ਦੇ ਸਕੋਰ ਜੋ ਕਿ ਗੁਪਤ ਜਾਣਕਾਰੀ ਦੇ ਅਧੀਨ ਆਉਂਦੇ ਹਨ, ਸੋਸ਼ਲ ਮੀਡੀਆ ਪਲੇਟਫਾਰਮਾਂ ‘ਤੇ ਪੋਸਟ ਨਾ ਕਰਨ। ਇਕ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਇਹ ਨਿਰਦੇਸ਼ ਬੀਸੀਸੀਆਈ ਦੇ ਉੱਚ ਪ੍ਰਬੰਧਨ ਤੋਂ ਆਇਆ ਹੈ ।
ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਏਸ਼ੀਆ ਕੱਪ ਤੋਂ ਪਹਿਲਾਂ ਬੈਂਗਲੁਰੂ ਦੇ ਅਲੂਰ ਵਿੱਚ ਫਿਟਨੈਸ ਅਤੇ ਤਿਆਰੀ ਕੈਂਪ ਵਿੱਚ ਮੌਜੂਦ ਸਾਰੇ ਕ੍ਰਿਕਟਰਾਂ ਨੂੰ “ਮੌਖਿਕ” ਦਿਸ਼ਾ-ਨਿਰਦੇਸ਼ ਦਿੱਤੇ ਗਏ ਸਨ।ਇੱਕ ਇੰਸਟਾਗ੍ਰਾਮ ਸਟੋਰੀ ਦੇ ਜ਼ਰੀਏ, ਕੋਹਲੀ ਨੇ ਖੁਲਾਸਾ ਕੀਤਾ ਕਿ ਉਸਨੇ ਯੋ-ਯੋ ਟੈਸਟ 17.2 ਦੇ ਸਕੋਰ ਨਾਲ ਪਾਸ ਕੀਤਾ ਹੈ। ਕੋਹਲੀ ਨੇ ਆਪਣੀ ਇੱਕ ਫੋਟੋ ਦੇ ਨਾਲ ਲਿਖਿਆ ਕੀ “ਖੌਫ਼ਨਾਕ ਕੋਨਾਂ ਦੇ ਵਿਚਕਾਰ ਯੋ-ਯੋ ਐਸਟ ਨੂੰ ਪੂਰਾ ਕਰਨ ਦੀ ਖੁਸ਼ੀ। 17.2 ਦੇ ਸਕੋਰ ਨਾਲ ਹੋ ਗਿਆ ”। ਬੀਸੀਸੀਆਈ ਦੁਆਰਾ ਨਿਰਧਾਰਤ ਫਿਟਨੈਸ ਪੈਰਾਮੀਟਰ 16.5 ਹੈ। ਜਨਤਕ ਅਪਡੇਟ ਤੋਂ ਬਿਲਕੁਲ ਵੀ ਖੁਸ਼ ਨਹੀਂ, ਬੀਸੀਸੀਆਈ ਲਗਭਗ ਤੁਰੰਤ ਕਾਰਵਾਈ ਵਿੱਚ ਆ ਗਿਆ। ਉਨ੍ਹਾਂ ਖਿਡਾਰੀਆਂ ਨੂੰ ਯਾਦ ਦਿਵਾਇਆ ਕਿ ਜਨਤਕ ਪਲੇਟਫਾਰਮਾਂ ‘ਤੇ ਅਜਿਹੀ ਗੁਪਤ ਜਾਣਕਾਰੀ ਦਾ ਖੁਲਾਸਾ ਕਰਨ ਨਾਲ ‘ਇਕਰਾਰਨਾਮੇ ਦੀ ਉਲੰਘਣਾ’ ਹੋ ਸਕਦੀ ਹੈ।ਬੀਸੀਸੀਆਈ ਦੇ ਇੱਕ ਅਧਿਕਾਰੀ ਨੇ ਰਿਪੋਰਟ ਵਿੱਚ ਕਿਹਾ ਕਿ “ਖਿਡਾਰੀਆਂ ਨੂੰ ਜ਼ਬਾਨੀ ਸੂਚਿਤ ਕੀਤਾ ਗਿਆ ਹੈ ਕਿ ਉਹ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ‘ਤੇ ਕਿਸੇ ਵੀ ਗੁਪਤ ਮਾਮਲੇ ਨੂੰ ਪੋਸਟ ਕਰਨ ਤੋਂ ਬਚਣ। ਉਹ ਸਿਖਲਾਈ ਦੌਰਾਨ ਤਸਵੀਰਾਂ ਪੋਸਟ ਕਰ ਸਕਦੇ ਹਨ ਪਰ ਸਕੋਰ ਪੋਸਟ ਕਰਨ ਨਾਲ ਇਕਰਾਰਨਾਮੇ ਦੀ ਧਾਰਾ ਦੀ ਉਲੰਘਣਾ ਹੁੰਦੀ ਹੈ, ”। ਏਸ਼ੀਆ ਕੱਪ ਤੋਂ ਪਹਿਲਾਂ ਸਿਖਲਾਈ ਕੈਂਪ ਭਾਰਤੀ ਕ੍ਰਿਕਟਰਾਂ ਦਾ ਵੀਰਵਾਰ ਨੂੰ ਸ਼ੁਰੂ ਹੋਇਆ ਸੀ। ਅਲੂਰ ‘ਚ ਛੇ ਰੋਜ਼ਾ ਸਿਖਲਾਈ ਕੈਂਪ ਹੋਵੇਗਾ। ਨਿਊਜ਼ ਏਜੰਸੀ ਪੀਟੀਆਈ ਨੇ ਦੱਸਿਆ ਕਿ ਕੋਹਲੀ ਤੋਂ ਇਲਾਵਾ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਅਤੇ ਉਪ-ਕਪਤਾਨ ਹਾਰਦਿਕ ਪੰਡਯਾ ਨੇ ਵੀ ਕੈਂਪ ਦੇ ਪਹਿਲੇ ਦਿਨ ਯੋ-ਯੋ ਟੈਸਟ ਦਿੱਤਾ। ਦੋਵਾਂ ਨੇ ਸਫਲਤਾਪੂਰਵਕ ਟੈਸਟ ਪਾਸ ਕਰ ਲਿਆ ਹੈ। ਕੈਂਪ ਵਿੱਚ ਜ਼ਿਆਦਾਤਰ ਉਹ ਕ੍ਰਿਕਟਰ ਸ਼ਾਮਲ ਹਨ ਜੋ ਏਸ਼ੀਆ ਕੱਪ ਟੀਮ ਦਾ ਹਿੱਸਾ ਹਨ ।
