Last Updated :
14 December 2024, 06:09 PM IST
ਸਪੋਰਟਸ ਨਿਊਜ. ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨੇ ਗਾਬਾ ਵਿੱਚ ਤੀਜੇ ਟੈਸਟ ਮੈਚ ਦਾ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਹਾਲਾਂਕਿ ਮੋਸਮ ਦੇ ਖਰਾਬ ਹੋਣ ਕਰਕੇ ਪਹਿਲੇ ਦਿਨ ਸਿਰਫ਼ 13.2 ਓਵਰ ਦਾ ਹੀ ਖੇਡ ਹੋ ਸਕੀ। ਆਸਟ੍ਰੇਲੀਆ ਦੇ ਸ਼ੁਰੂਆਤੀ ਬੱਲੇਬਾਜ਼ਾਂ ਨੇ 28/0 ਦਾ ਸਕੋਰ ਬਣਾਇਆ ਸੀ, ਪਰ ਭਾਰੀ ਬਾਰਿਸ਼ ਕਾਰਨ ਆਊਟਫ਼ੀਲਡ ਵਿੱਚ ਪਾਣੀ ਭਰ ਗਿਆ, ਜਿਸ ਕਰਕੇ ਖੇਡ ਸਮੇਂ ਤੋਂ ਪਹਿਲਾਂ ਮੁਕਾਉਣੀ ਪਈ।
ਦੂਜੇ ਦਿਨ ਜਲਦੀ ਸ਼ੁਰੂ ਕਰਨ ਦੀ ਯੋਜਨਾ
ਪਹਿਲੇ ਦਿਨ ਬਾਰਿਸ਼ ਨਾਲ ਖੇਡ ਰੁਕਣ ਤੋਂ ਬਾਅਦ, ਦੂਜੇ ਦਿਨ ਖੋਏ ਹੋਏ ਸਮੇਂ ਦੀ ਭਰਪਾਈ ਕਰਨ ਲਈ ਖੇਡ ਜਲਦੀ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ। ਕੁੱਲ 98 ਓਵਰ ਖੇਡੇ ਜਾਣ ਦੀ ਯੋਜਨਾ ਹੈ, ਜਿਸ ਨਾਲ ਖੇਡ ਵਿੱਚ ਕੁਝ ਸੁਧਾਰ ਆ ਸਕੇਗਾ।
ਦੂਜੇ ਦਿਨ ਮੋਸਮ ਅਪਡੇਟ
ਐਤਵਾਰ, 15 ਦਸੰਬਰ ਨੂੰ ਗਾਬਾ ਵਿੱਚ ਦੂਜੇ ਦਿਨ ਦਾ ਮੋਸਮ ਪ੍ਰਸ਼ੰਸਕਾਂ ਵਿੱਚ ਚਿੰਤਾ ਦਾ ਕਾਰਨ ਬਣਿਆ ਹੋਇਆ ਹੈ। ਮੋਸਮ ਵਿਗਿਆਨੀਆਂ ਨੇ ਦੂਜੇ ਦਿਨ 46% ਬਾਰਿਸ਼ ਅਤੇ 99% ਬੱਦਲਾਂ ਦੇ ਛਾਏ ਰਹਿਣ ਦੀ ਭਵਿੱਖਬਾਣੀ ਕੀਤੀ ਹੈ। ਖੇਡ ਦੇ ਹੋਰ ਦੇਰ ਨਾਲ ਸ਼ੁਰੂ ਹੋਣ ਜਾਂ ਰੁਕਣ ਦੀ ਸੰਭਾਵਨਾ ਹੈ। ਬਾਵਜੂਦ ਇਸਦੇ, ਮੋਸਮ ਦੀ ਮਾੜੀ ਪੇਸ਼ਗੋਈ ਹੌਂਸਲੇ ਨੂੰ ਹੌਲ ਨਹੀਂ ਕਰ ਰਹੀ, ਅਤੇ ਦੂਜੇ ਦਿਨ ਕੁਝ ਖੇਡ ਹੋਣ ਦੀ ਉਮੀਦ ਕੀਤੀ ਜਾ ਰਹੀ ਹੈ।
