Last Updated :
18 March 2024, 11:44 PM IST
IPL 2024: ਕ੍ਰਿਕਟ ਪ੍ਰੇਮੀਆਂ ਲਈ IPL ਕਿਸੇ ਤਿਉਹਾਰ ਤੋਂ ਘੱਟ ਨਹੀਂ ਹੈ। IPL 2024 22 ਮਾਰਚ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ। ਪਹਿਲਾ ਮੈਚ ਚੇਨਈ ਸੁਪਰ ਕਿੰਗਜ਼ ਅਤੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਵਿਚਾਲੇ ਖੇਡਿਆ ਜਾਵੇਗਾ। ਇਸ ਦੇ ਨਾਲ ਹੀ ਹਰ ਕੋਈ ਇਸ ਨੂੰ ਆਪਣੇ ਘਰ ਦੇ ਟੈਲੀਵਿਜ਼ਨ ਜਾਂ ਮੋਬਾਈਲ 'ਤੇ ਦੇਖਣ ਲਈ ਤਿਆਰ ਰਹਿੰਦਾ ਹੈ, ਪਰ ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ ਕੀ ਇਸ ਨੂੰ ਲਾਈਵ ਸਟ੍ਰੀਮਿੰਗ ਜਾਂ ਕਿਸ ਟੀਵੀ ਚੈਨਲ 'ਤੇ ਟੈਲੀਕਾਸਟ ਕੀਤਾ ਜਾਵੇਗਾ।
BCCI ਨੇ IPL ਮੈਚਾਂ ਦਾ ਸ਼ਡਿਊਲ ਜਾਰੀ ਕਰ ਦਿੱਤਾ ਹੈ। ਹਾਲਾਂਕਿ ਲੋਕ ਸਭਾ ਚੋਣਾਂ 2024 ਦੇ ਕਾਰਨ ਬੀਸੀਸੀਆਈ ਨੇ ਇਹ ਸ਼ਡਿਊਲ ਸਿਰਫ ਦੋ ਹਫਤਿਆਂ ਲਈ ਜਾਰੀ ਕੀਤਾ ਹੈ। ਇਸ ਸ਼ਡਿਊਲ ਮੁਤਾਬਕ ਦੇਸ਼ ਦੇ 10 ਵੱਖ-ਵੱਖ ਸ਼ਹਿਰਾਂ 'ਚ ਆਈ.ਪੀ.ਐੱਲ. ਦੇ ਮੈਚ ਖੇਡੇ ਜਾਣਗੇ। ਆਈਪੀਐਲ ਦੇ ਇਹ ਮੈਚ ਬਹੁਤ ਰੋਮਾਂਚਕ ਹੋਣ ਵਾਲੇ ਹਨ, ਜਿਸ ਦਾ ਪ੍ਰਸ਼ੰਸਕ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਟੀਵੀ-ਮੋਬਾਈਲ 'ਤੇ ਮੈਚਾਂ ਦਾ ਮੁਫਤ ਅਨੰਦ ਲੈ ਸਕਣਗੇ ਦਰਸ਼ਕ
ਤੁਸੀਂ ਸਟਾਰ ਸਪੋਰਟਸ 'ਤੇ ਟੀਵੀ 'ਤੇ IPL ਮੈਚ ਦੇਖ ਸਕਦੇ ਹੋ। ਚੈਨਲ 'ਤੇ ਇਸ ਦਾ ਲਾਈਵ ਪ੍ਰਸਾਰਣ ਦਿਖਾਇਆ ਜਾਵੇਗਾ। ਜਦਕਿ ਮੋਬਾਈਲ 'ਤੇ ਤੁਸੀਂ ਇਸ ਔਨਲਾਈਨ ਪਲੇਟਫਾਰਮ 'ਤੇ ਆਸਾਨੀ ਨਾਲ ਦੇਖ ਸਕੋਗੇ। ਇਸ ਵਾਰ ਆਈਪੀਐਲ ਦੀ ਲਾਈਵ ਸਟ੍ਰੀਮਿੰਗ ਜੀਓ ਸਿਨੇਮਾ ਐਪ 'ਤੇ ਕੀਤੀ ਜਾਵੇਗੀ। ਦਰਸ਼ਕ ਇਨ੍ਹਾਂ ਥਾਵਾਂ 'ਤੇ ਟੀਵੀ ਅਤੇ ਮੋਬਾਈਲ 'ਤੇ ਮੁਫਤ ਆਈਪੀਐਲ ਦਾ ਅਨੰਦ ਲੈਣ ਦੇ ਯੋਗ ਹੋਣਗੇ। ਆਈਪੀਐਲ 2024 ਵਿੱਚ ਕੁੱਲ 74 ਮੈਚ ਖੇਡੇ ਜਾਣਗੇ, ਜੋ 67 ਦਿਨਾਂ ਤੱਕ ਚੱਲਣਗੇ। ਦੂਜਾ ਮੈਚ 23 ਮਾਰਚ ਨੂੰ ਮੋਹਾਲੀ ਵਿੱਚ ਖੇਡਿਆ ਜਾਵੇਗਾ। ਇਹ ਮੈਚ ਪੰਜਾਬ ਕਿੰਗਜ਼ ਬਨਾਮ ਦਿੱਲੀ ਕੈਪੀਟਲਸ ਵਿਚਾਲੇ ਹੋਵੇਗਾ। ਇਹ ਮੈਚ ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ ਸਟੇਡੀਅਮ ਮੋਹਾਲੀ ਦੇ ਘਰੇਲੂ ਮੈਦਾਨ 'ਤੇ ਖੇਡਿਆ ਜਾਵੇਗਾ।
