Last Updated :
16 July 2023, 04:31 PM IST
21 ਸਾਲਾ ਖਿਡਾਰੀ ਦੀਆਂ ਕੋਸ਼ਿਸ਼ਾਂ ਨੇ ਯਕੀਨੀ ਬਣਾਇਆ ਕਿ ਭਾਰਤ ਨੂੰ ਮੈਚ ਵਿੱਚ ਦੋ ਵਾਰ ਬੱਲੇਬਾਜ਼ੀ ਨਾ ਕਰਨੀ ਪਵੇ ਅਤੇ ਇਹ ਤਿੰਨ ਦਿਨਾਂ ਵਿੱਚ ਖਤਮ ਹੋ ਗਿਆ ਸੀ। ਯਸ਼ਸਵੀ ਜੈਸਵਾਲ ਦੀ ਅੰਤਰਰਾਸ਼ਟਰੀ ਅਖਾੜੇ ਵਿੱਚ ਜਾਣ-ਪਛਾਣ ਇੱਕ ਸੁਪਨੇ ਦੇ ਨੋਟ ਤੇ ਸ਼ੁਰੂ ਹੋਈ ਜਦੋਂ ਉਸਨੇ ਆਪਣੇ ਪਹਿਲੇ ਟੈਸਟ ਵਿੱਚ ਇੱਕ ਸੈਂਕੜਾ ਜੜਿਆ ਹੈ ਅਤੇ ਉਸ ਦੇ ਸ਼ਾਨਦਾਰ ਯਤਨਾਂ ਲਈ ਪਲੇਅਰ ਆਫ ਦਿ ਮੈਚ ਦਾ ਪੁਰਸਕਾਰ ਵੀ ਜਿੱਤਿਆ ।
21 ਸਾਲਾ ਖਿਡਾਰੀ ਨੇ ਮੈਚ ਜੇਤੂ 171 ਦੌੜਾਂ ਬਣਾਈਆਂ, ਜਿਸ ਨਾਲ ਭਾਰਤ ਨੇ ਡੋਮਿਨਿਕਾ ਵਿੱਚ ਵੈਸਟਇੰਡੀਜ਼ ਵਿਰੁੱਧ ਪਹਿਲੀ ਪਾਰੀ ਨੂੰ 421/5 ਘੋਸ਼ਿਤ ਕਰਨ ਵਿੱਚ ਮਦਦ ਕੀਤੀ । ਯਸ਼ਸਵੀ ਨੇ ਮੁਕਾਬਲਤਨ ਹੌਲੀ ਟ੍ਰੈਕ ਤੇ ਬਹੁਤ ਧੀਰਜ ਅਤੇ ਸੰਜਮ ਦਿਖਾਇਆ, ਅਤੇ ਟੈਸਟ ਦੇ ਸਾਰੇ ਤਿੰਨ ਦਿਨਾਂ ਵਿੱਚ ਖੇਡਣ ਵਾਲਾ ਇਕਲੌਤਾ ਬੱਲੇਬਾਜ਼ ਸੀ। ਉਸਦੇ ਯਤਨਾਂ ਨੇ ਇਹ ਯਕੀਨੀ ਬਣਾਇਆ ਕਿ ਭਾਰਤ ਨੂੰ ਮੈਚ ਵਿੱਚ ਦੋ ਵਾਰ ਬੱਲੇਬਾਜ਼ੀ ਨਹੀਂ ਕਰਨੀ ਪਈ ਕਿਉਂਕਿ ਇਹ ਤਿੰਨ ਦਿਨਾਂ ਵਿੱਚ ਖਤਮ ਹੋ ਗਿਆ ਸੀ, ਮਹਿਮਾਨ ਟੀਮ ਨੇ ਵੈਸਟਇੰਡੀਜ਼ ਨੂੰ ਇੱਕ ਪਾਰੀ ਅਤੇ 141 ਦੌੜਾਂ ਨਾਲ ਹਰਾ ਕੇ ਲੜੀ ਵਿੱਚ 1-0 ਨਾਲ ਬੜਤ ਪ੍ਰਾਪਤ ਕੀਤੀ । ਹਾਲਾਂਕਿ, ਇਸ ਨੌਜਵਾਨ ਨੇ ਫੀਲਡਿੰਗ ਦੇ ਨਾਲ-ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ, ਫੀਲਡਿੰਗ ਕੋਚ ਟੀ ਦਿਲੀਪ ਦੁਆਰਾ ਵੀ ਇਸ ਖਿਡਾਰੀ ਨੇ ਭਾਰੀ ਪ੍ਰਸ਼ੰਸਾ ਪ੍ਰਾਪਤ ਕੀਤੀ। ਕੋਚ ਵਿਸ਼ੇਸ਼ ਤੌਰ ਤੇ ਦੂਜੀ ਪਾਰੀ ਵਿੱਚ ਡੈਬਿਊ ਕਰਨ ਵਾਲੇ ਐਲਿਕ ਅਥਾਨੇਜ਼ ਨੂੰ ਆਊਟ ਕਰਨ ਲਈ ਉਸ ਦੇ ਕੈਚ ਤੋਂ ਪ੍ਰਭਾਵਿਤ ਹੋਏ। ਦਲੀਪ ਨੇ ਕਿਹਾ “ ਮੈਨੂੰ ਸਭ ਤੋਂ ਪ੍ਰਭਾਵਸ਼ਾਲੀ ਕੈਚ ਸ਼ਾਰਟ ਲੈੱਗ ਵਿੱਚ ਯਸ਼ਸਵੀ ਜੈਸਵਾਲ ਦਾ ਲੱਗਿਆ। ਮੈਨੂੰ ਲਗਦਾ ਹੈ ਕਿ ਉਸ ਕੈਚ ਵਿੱਚ ਧਿਆਨ ਦੇਣ ਵਾਲੀਆਂ ਕੁਝ ਮਹੱਤਵਪੂਰਨ ਗੱਲਾਂ ਹਨ। ਪਹਿਲਾਂ, ਉਸਨੇ ਆਪਣੇ ਆਪ ਨੂੰ ਸੱਚਮੁੱਚ ਨੀਵਾਂ ਰੱਖਿਆ। ਇਹ ਇੱਕ ਚੰਗਾ ਸ਼ਾਰਟ ਲੈੱਗ ਫੀਲਡਰ ਬਣਨ ਦਾ ਪਹਿਲਾ ਸੰਕੇਤ ਹੈ। ਮੈਨੂੰ ਲਗਦਾ ਹੈ ਕਿ ਉਸਨੇ ਇਸ ਤੇ ਬਹੁਤ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਪਰ ਜਦੋਂ ਤੁਸੀਂ ਉਸਦੀ ਬੱਲੇਬਾਜ਼ੀ ਨੂੰ ਦੇਖਦੇ ਹੋ ਤਾਂ ਓਹ ਵੀ ਮੈਨੂੰ ਬਹੁਤ ਪਸੰਦ ਆਈ । ਉਸ ਨੇ 171 ਦੌੜਾਂ ਬਣਾਈਆਂ ਅਤੇ ਉਹ ਕਰੀਬ ਡੇਢ ਦਿਨ ਮੈਦਾਨ ਤੇ ਰਿਹਾ । ਵਾਪਸ ਆਉਣਾ ਅਤੇ ਫਿਰ ਸ਼ਾਰਟ ਲੈੱਗ ਪੋਜੀਸ਼ਨ ਤੇ ਫੀਲਡਿੰਗ ਕਰਨਾ ਕਦੇ ਵੀ ਆਸਾਨ ਨਹੀਂ ਹੁੰਦਾ ”। ਉਸਨੇ ਅੱਗੇ ਕਿਹਾ ” ਇੱਕ ਹੋਰ ਚੀਜ਼ ਜਿਸ ਨੇ ਮੈਨੂੰ ਪ੍ਰਭਾਵਿਤ ਕੀਤਾ ਉਹ ਇਹ ਸੀ ਕਿ ਇੱਕ ਛੋਟੇ ਬੱਚੇ ਲਈ ਜੌ ਅਪਣਾ ਪਹਿਲਾਂ ਕੈਚ ਗੁਆ ਬੈਠਾ ਜਦੋਂ ਬੱਲੇਬਾਜ਼ 0 ਤੇ ਸੀ। ਮੁੜ-ਫੋਕਸ ਕਰਨ ਅਤੇ ਵਾਪਸ ਆਕੇ ਇੱਕ ਬਿਹਤਰ ਕੈਚ ਕਰਨਾ ਵੀ ਸ਼ਾਨਦਾਰ ਸੀ।
