Last Updated :
08 April 2023, 07:00 PM IST
ਸੋਸ਼ਲ ਮੀਡੀਆ ਦੀ ਹਸਤੀ ਸਪਨਾ ਗਿੱਲ ਨੇ ਮੈਜਿਸਟ੍ਰੇਟ ਦੀ ਅਦਾਲਤ ਵਿੱਚ ਇੱਕ ਨਿੱਜੀ ਸ਼ਿਕਾਇਤ ਦਰਜ ਕਰਾਈ ਹੈ ਜਿਸ ਵਿੱਚ ਕ੍ਰਿਕਟਰ ਪ੍ਰਿਥਵੀ ਸ਼ਾਅ ਅਤੇ ਉਸਦੇ ਦੋਸਤ ਦੇ ਖਿਲਾਫ ਛੇੜਛਾੜ ਦੇ ਦੋਸ਼ ਵਿੱਚ ਐਫਆਈਆਰ ਦਰਜ ਕਰਨ ਦੀ ਮੰਗ ਕੀਤੀ ਗਈ ਹੈ ਅਤੇ ਦੋਸ਼ ਲਗਾਇਆ ਹੈ ਕਿ ਘਟਨਾ ਦੇ ਸਮੇਂ ਨਸ਼ੇ ਵਿੱਚ ਕ੍ਰਿਕੇਟਰ ਦੁਆਰਾ ਉਸਦੀ ਕੁੱਟਮਾਰ ਕੀਤੀ ਗਈ ਸੀ। ਗਿੱਲ ਨੇ ਦੂਸਰੀ ਸ਼ਿਕਾਇਤ ਏਅਰਪੋਰਟ ਪੁਲਿਸ ਸਟੇਸ਼ਨ ਦੇ ਦੋ ਪੁਲਿਸ ਅਧਿਕਾਰੀਆਂ ਦੇ ਖਿਲਾਫ ਡਿਊਟੀ ਵਿੱਚ ਅਣਗਹਿਲੀ ਅਤੇ ਸ਼ਾਅ ਦੇ ਖਿਲਾਫ ਆਪਣੀ ਸ਼ਿਕਾਇਤ ਦਰਜ ਕਰਨ ਵਿੱਚ ਅਸਫਲ ਰਹਿਣ ਲਈ ਦਰਜ ਕਰਵਾਈ ਹੈ। ਦੋਵਾਂ ਮਾਮਲਿਆਂ ਦੀ ਸੁਣਵਾਈ 17 ਅਪ੍ਰੈਲ ਨੂੰ ਹੋਵੇਗੀ।
ਮੁੰਬਈ ਦੀ ਓਸ਼ੀਵਾਰਾ ਪੁਲਿਸ ਨੇ 15 ਫਰਵਰੀ ਨੂੰ ਵਾਰ-ਵਾਰ ਸੈਲਫੀ ਲੈਣ ਤੋਂ ਇਨਕਾਰ ਕਰਨ ਤੋਂ ਬਾਅਦ ਸ਼ਾਅ ਨਾਲ ਕਥਿਤ ਤੌਰ ਤੇ ਦੁਰਵਿਵਹਾਰ ਅਤੇ ਹਮਲਾ ਕਰਨ ਅਤੇ ਉਸਦੀ ਕਾਰ ਨੂੰ ਨੁਕਸਾਨ ਪਹੁੰਚਾਉਣ ਦੇ ਦੋਸ਼ ਵਿੱਚ ਗਿੱਲ ਅਤੇ ਤਿੰਨ ਹੋਰਾਂ ਨੂੰ ਗ੍ਰਿਫਤਾਰ ਕੀਤਾ ਸੀ । ਸ਼ਾਅ ਅਤੇ ਉਸਦੇ ਦੋਸਤ ਉਸ ਸਮੇਂ ਹੋਟਲ ਸਹਾਰਾ ਸਟਾਰ ਵਿੱਚ ਡਿਨਰ ਕਰ ਰਹੇ ਸਨ ਜਦੋਂ ਗਿੱਲ ਅਤੇ ਉਸ ਦੇ ਦੋਸਤ ਸ਼ੋਬਿਤ ਠਾਕੁਰ ਨੇ ਸੈਲਫੀ ਮੰਗੀ। ਇਸ ਤੋਂ ਬਾਅਦ ਜਦੋਂ ਪ੍ਰਿਥਵੀ ਸ਼ਾਅ ਅਤੇ ਉਸ ਦਾ ਦੋਸਤ ਸਵੇਰੇ 4 ਵਜੇ ਹੋਟਲ ਤੋਂ ਬਾਹਰ ਜਾ ਰਹੇ ਸਨ ਤਾਂ ਗਿੱਲ ਆਪਣੇ ਦੋਸਤਾਂ ਨਾਲ ਮੋਟਰਸਾਮੋਟਰਸਾਈਕਲ ਅਤੇ ਕਾਰ ਤੇ ਆਏ ਅਤੇ ਉਨ੍ਹਾਂ ਨਾਲ ਦੁਰਵਿਵਹਾਰ ਕੀਤਾ। ਇਸ ਤੋਂ ਬਾਅਦ ਅੰਧੇਰੀ ਮੈਟਰੋਪੋਲੀਟਨ ਮੈਜਿਸਟ੍ਰੇਟ ਦੀ ਅਦਾਲਤ ਨੇ ਸਾਰੇ ਦੋਸ਼ੀਆਂ ਨੂੰ ਜ਼ਮਾਨਤ ਦੇ ਦਿੱਤੀ ਸੀ। ਗਿੱਲ ਨੇ ਹੁਣ ਆਪਣੇ ਖਿਲਾਫ ਐਫਆਈਆਰ ਰੱਦ ਕਰਨ ਲਈ ਬੰਬੇ ਹਾਈ ਕੋਰਟ ਤੱਕ ਪਹੁੰਚ ਕੀਤੀ ਹੈ। ਤਾਜ਼ਾ ਸ਼ਿਕਾਇਤਾਂ ਵਿੱਚ ਗਿੱਲ ਨੇ ਸ਼ਾਅ ਅਤੇ ਉਸ ਦੇ ਦੋਸਤ ਆਸ਼ੀਸ਼ ਸੁਰਿੰਦਰ ਯਾਦਵ ਵਿਰੁੱਧ ਆਈਪੀਸੀ ਦੀ ਧਾਰਾ 354 (ਛੇੜਛਾੜ), 509 (ਨਿਮਰਤਾ ਦਾ ਅਪਮਾਨ), 324 (ਇੱਕ ਖ਼ਤਰਨਾਕ ਹਥਿਆਰ ਨਾਲ ਸੱਟ) ਦੇ ਤਹਿਤ ਬੈਟ ਨਾਲ ਹਮਲਾ ਕਰਨ ਦੇ ਤਹਿਤ ਮਾਮਲਾ ਦਰਜ ਕਰਨ ਦੀ ਮੰਗ ਕੀਤੀ ਹੈ। ਸਪਨਾ ਗਿੱਲ ਨੇ ਐਡਵੋਕੇਟ ਅਲੀ ਕਾਸ਼ਿਫਖਾਨ ਰਾਹੀਂ ਦਰਜ ਕਰਵਾਈ ਆਪਣੀ ਸ਼ਿਕਾਇਤ ਵਿੱਚ ਕਿਹਾ ਕਿ ਸਿਰਫ ਉਸ ਦਾ ਦੋਸਤ ਸ਼ਾਅ ਕੋਲ ਸੈਲਫੀ ਮੰਗਣ ਗਿਆ ਸੀ। ਸ਼ਾਅ ਅਤੇ ਉਸਦਾ ਦੋਸਤ ਦੋਵੇਂ ਨਸ਼ੇ ਦੀ ਹਾਲਤ ਵਿੱਚ ਸਨ ਅਤੇ ਇਸਲਈ ਉਸਦੇ ਦੋਸਤ ਨੂੰ ਝਗੜੇ ਦਾ ਸਾਹਮਣਾ ਕਰਨਾ ਕਰਨਾ ਪਿਆ। ਜਦੋਂ ਉਸਨੇ ਆਪਣੇ ਦੋਸਤ ਦੀ ਮਦਦ ਕਰਨ ਦੀ ਕੋਸ਼ਿਸ਼ ਕੀਤੀ, ਤਾਂ ਉਸਨੂੰ ਧੱਕਾ ਦੇ ਦਿੱਤਾ ਗਿਆ ਅਤੇ ਬੇਸਬਾਲ ਦੇ ਬੱਲੇ ਨਾਲ ਹਮਲਾ ਕੀਤਾ ਗਿਆ।
