Last Updated :
06 May 2023, 02:06 PM IST
ਸੱਜੇ ਹੱਥ ਦੇ ਸਲਾਮੀ ਬੱਲੇਬਾਜ਼ ਨੇ ਭਾਰਤ ਅਤੇ ਆਈਪੀਐਲ ਵਿੱਚ ਆਪਣੀ ਖੇਡ ਨੂੰ ਸੱਚਮੁੱਚ ਹੀ ਉਪਰਲੇ ਸਤੱਰ ’ਤੇ ਪਹੁੰਚਾਇਆ ਹੈ ਜਿਸਨੇ ਕਿਹਾ ਕਿ ਇਹ ਸਭ ਲਗਾਤਾਰ ਸੋਚ ਨੂੰ ਬਣਾਏ ਰੱਖਣ ਦਾ ਨਤੀਜਾ ਹੈ
ਇਹ ਭਾਰਤੀ ਬੱਲੇਬਾਜ਼ ਆਪਣੀ ਬੱਲੇਬਾਜ਼ੀ ਵਿੱਚ ਲਗਾਤਾਰਤਾ ਲਈ ਸਾਰੇ ਖੇਤਰਾਂ ਤੋਂ ਸ਼ਲਾਘਾ ਵਟੋਰ ਰਿਹਾ ਹੈ। ਦਰਅਸਲ, 23 ਸਾਲਾ ਉਭਰਦੇ ਸਿਤਾਰੇ ਨੇ ਕ੍ਰਿਕਟ ਦੇ ਇਕ ਫਾਰਮੈਟ ਤੋਂ ਦੂਜੇ ਫਾਰਮੈਟ ਵਿਚ ਬਿਨ੍ਹਾਂ ਕਿਸੇ ਮੁਸ਼ਕਿਲ ਦੇ ਫਿੱਟ ਬੈਠਣ ਦੀ ਆਪਣੀ ਯੋਗਤਾ ਕਰਕੇ ਕ੍ਰਿਕਟ ਜਗਤ ਨੂੰ ਹੈਰਾਨ ਕਰ ਦਿੱਤਾ ਹੈ।
ਪਿਛਲੇ ਸਾਲ ਤੁਸੀਂ ਦਿੱਲੀ ਕੈਪੀਟਲਜ਼ ਦੇ ਖਿਲਾਫ 46 ਗੇਂਦਾਂ ‘ਤੇ 84 ਦੌੜਾਂ ਨਾਲ ਸੀਜ਼ਨ ਦੀ ਸ਼ੁਰੂਆਤ ਕੀਤੀ ਸੀ, ਉਸ ਤੋਂ ਬਾਅਦ ਪੰਜਾਬ ਕਿੰਗਜ਼ ਖਿਲਾਫ 59 ਗੇਂਦਾਂ ‘ਤੇ 96 ਦੌੜਾਂ ਬਣਾਈਆਂ ਸਨ। ਇਸ ਨੇ ਦਿਖਾਇਆ ਕਿ ਤੁਸੀਂ ਟੀ-20 ਵਿੱਚ ਸਟ੍ਰਾਈਕ-ਰੇਟ ਦੇ ਮਾਮਲੇ ਵਿੱਚ ਕਿਵੇਂ ਅੱਗੇ ਵਧੇ ਹੋ। ਇਹ ਪਰਿਵਰਤਨ ਕਿਵੇਂ ਹੋਇਆ?
ਮੈਨੂੰ ਲਗਦਾ ਹੈ ਕਿ ਇਹ ਸਭ ਕੁਝ ਮੇਰਾ ਆਪਣੀ ਖੁਦ ਦੀ ਖੇਡ ‘ਤੇ ਭਰੋਸਾ ਕਰਨ, ਜਾਂ ਆਪਣੀ ਖੇਡ ਸ਼ੈਲੀ ਅਨੁਸਾਰ ਖੇਡਣ ਕਰਕੇ ਸੀ ਨਾ ਕਿ ਉਹ ਖੇਡ ਦਿਖਾਉਣ ਕਰਕੇ ਜੋ ਮੈਨੂੰ ਨਹੀਂ ਆਉਂਦੀ। ਮੈਨੂੰ ਲਗਦਾ ਹੈ ਕਿ ਮੈਂ ਪਿਛਲੇ ਸਾਲ ਸੀਜਨ ਦੇ ਸ਼ੁਰੂਆਤੀ ਦੌਰ ਵਿੱਚ ਇਹੀ ਕੀਤਾ ਸੀ।
ਇਸ ਦਾ ਸਬੰਧ ਮੇਰੇ ਧੀਰਜਵਾਨ ਰਹਿਣ ਨਾਲ ਰਿਹਾ ਕਿਉਂਕਿ ਮੈਂ ਆਪਣਾ ਪਹਿਲਾ ਸੈਂਕੜਾ ਹਾਸਲ ਕਰਨ ਲਈ ਕਾਫ਼ੀ ਬੇਤਾਬ ਸੀ। ਜ਼ਿੰਬਾਬਵੇ ‘ਚ ਪਹੁੰਚਣ ਤੋਂ ਪਹਿਲਾਂ ਮੈਨੂੰ ਲਗਭਗ ਡੇਢ ਸਾਲ ਇੰਤਜ਼ਾਰ ਕਰਨਾ ਪਿਆ ਅਤੇ ਇਸ ਤੋਂ ਪਹਿਲਾਂ ਜਦੋਂ ਮੈਂ ਵੈਸਟਇੰਡੀਜ਼ ‘ਚ 98 ਦੌੜਾਂ ‘ਤੇ ਸੀ ਤਾਂ ਬਾਰਿਸ਼ ਸ਼ੁਰੂ ਹੋ ਗਈ। ਮੈਨੂੰ ਲਗਦਾ ਹੈ ਕਿ ਇਹ ਉਸ ਧੀਰਜ ਕਰਕੇ ਹੀ ਸੀ ਜਿਸ ਕਰਕੇ ਮੈਨੂੰ ਉਹ ਸਭ ਕੁਝ ਮਿਲਿਆ।
ਮੇਰੇ ਲਈ ਇਕਸਾਰਤਾ ਬਣਾਈ ਰੱਖਣ ਦੀ ਕੁੰਜੀ ਹਰ ਚੀਜ਼ ਵਿਚ ਲਗਾਤਾਰਤਾ ਬਣਾਈ ਰੱਖਣਾ ਹੈ। ਇਹ ਤੁਹਾਡੀ ਖੁਰਾਕ, ਕੰਮ, ਅਭਿਆਸ ਦੇ ਸੈਸ਼ਨਾਂ ਸਮੇਤ ਸਿਖਲਾਈ ਸੈਸ਼ਨਾਂ ਵਿੱਚ ਲਗਾਤਾਰਤਾ ਬਣਾਈ ਰੱਖਣਾ ਹੈ।
ਮੈਨੂੰ ਲੱਗਦਾ ਹੈ ਕਿ ਸਾਨੂੰ ਫਾਈਨਲ ਖੇਡਣ ਤੋਂ ਪਹਿਲਾਂ ਲਗਭਗ 10 ਦਿਨ ਮਿਲਣਗੇ। ਇਹ ਸਾਡੇ ਲਈ ਉਸ ਮਹੱਤਵਪੂਰਨ ਮੈਚ ਦੀ ਤਿਆਰੀ ਲਈ ਕਾਫੀ ਚੰਗਾ ਹੋਵੇਗਾ। ਮੇਰੇ ਲਈ, ਇਹ ਤਿਆਰੀ ਤਕਨੀਕੀ ਜਾਂ ਸਰੀਰਕ ਪੱਖ ਦੀ ਬਜਾਏ ਮਾਨਸਿਕ ਹੋਵੇਗੀ। ਅਸੀਂ ਪਿਛਲੇ ਕੁਝ ਸਾਲਾਂ ਦੌਰਾਨ ਇੱਕ ਟੀਮ ਦੇ ਰੂਪ ਵਿੱਚ ਨਿਊਜ਼ੀਲੈਂਡ ਦੇ ਖਿਲਾਫ ਸਾਉਥੈਂਪਟਨ ਵਿੱਚ ਆਖਰੀ ਡਬਲਯੂਟੀਸੀ ਫਾਈਨਲ ਖੇਡ ਕੇ ਸੱਚਮੁੱਚ ਸਖ਼ਤ ਮਿਹਨਤ ਕੀਤੀ ਅਤੇ ਇਸ ਦੇ ਨਤੀਜਾ ਨੇ ਅੜਿਕਾ ਬਣਨ ਦੀ ਬਜਾਏ ਸਾਨੂੰ ਪ੍ਰੇਰਨਾ ਹੀ ਦਿੱਤੀ। ਹੁਣ ਮੈਂ ਇੰਗਲੈਂਡ ਜਾ ਕੇ ਆਸਟ੍ਰੇਲੀਆ ਦੇ ਖਿਲਾਫ ਖੇਡਣ ਦਾ ਇੰਤਜ਼ਾਰ ਕਰ ਰਿਹਾ ਹਾਂ।
