Last Updated :
29 December 2023, 02:48 PM IST
Oppo Find X7 ਸੀਰੀਜ਼ 8 ਜਨਵਰੀ ਨੂੰ ਚੀਨ 'ਚ ਲਾਂਚ ਹੋਣ ਜਾ ਰਹੀ ਹੈ। ਕੰਪਨੀ ਇਸ ਮਸ਼ਹੂਰ ਸਮਾਰਟਫੋਨ ਸੀਰੀਜ਼ 'ਚ Oppo Find X7, Oppo Find X7 Pro ਅਤੇ Find X7 Ultra ਨੂੰ ਰਿਲੀਜ਼ ਕਰਨ ਜਾ ਰਹੀ ਹੈ। ਲਾਂਚ ਹੋਣ 'ਚ ਅਜੇ ਸਮਾਂ ਹੈ ਪਰ ਓਪੋ ਨੇ ਚੀਨ 'ਚ ਆਪਣੀ ਅਧਿਕਾਰਤ ਵੈੱਬਸਾਈਟ 'ਤੇ ਪ੍ਰੀ-ਬੁਕਿੰਗ ਲਈ ਦੋ ਸਮਾਰਟਫੋਨ ਲਿਸਟ ਕੀਤੇ ਹਨ। ਲਿਸਟਿੰਗ 'ਚ ਫੋਨ ਦੇ ਸਪੈਸੀਫਿਕੇਸ਼ਨ ਅਤੇ ਕਲਰ ਆਪਸ਼ਨ ਦੇ ਬਾਰੇ 'ਚ ਪਤਾ ਲੱਗਾ ਹੈ। ਕੰਪਨੀ Find X7 ਨੂੰ ਚਾਰ ਰੰਗਾਂ ਦੀ ਪੇਸ਼ਕਸ਼ ਕਰਨ ਜਾ ਰਹੀ ਹੈ ਜਿਸ ਵਿੱਚ Starry Sky Black, Sea and Sky, Desert Moon Silver, ਅਤੇ Smokey Purple ਸ਼ਾਮਲ ਹੋਣਗੇ। ਜਦੋਂ ਕਿ, ਅਲਟਰਾ ਮਾਡਲ ਪਾਈਨ ਸ਼ੈਡੋ ਇੰਕ, ਸੀ ਅਤੇ ਸਕਾਈ, ਅਤੇ ਡੇਜ਼ਰਟ ਮੂਨ ਸਿਲਵਰ ਵਿੱਚ ਲਾਂਚ ਕੀਤਾ ਜਾਵੇਗਾ।
ਇਹ ਹੋਣਗੀਆਂ ਵਿਸ਼ੇਸ਼ਤਾਵਾਂ
Oppo Find X7 ਅਤੇ Find X7 Ultra ਦੀਆਂ ਵਿਸ਼ੇਸ਼ਤਾਵਾਂ ਅਤੇ ਰੰਗ ਵਿਕਲਪਾਂ ਦੀ ਲਾਂਚ ਤੋਂ ਪਹਿਲਾਂ ਪੁਸ਼ਟੀ ਕੀਤੀ ਗਈ ਹੈ। ਕੰਪਨੀ ਚੀਨ 'ਚ ਇਸ ਸੀਰੀਜ਼ ਨੂੰ 8 ਜਨਵਰੀ 2024 ਨੂੰ ਸਥਾਨਕ ਸਮੇਂ ਮੁਤਾਬਕ ਦੁਪਹਿਰ 2.30 ਵਜੇ ਲਾਂਚ ਕਰੇਗੀ। ਇਨ੍ਹਾਂ ਦੋਵਾਂ ਫੋਨਾਂ ਦਾ ਡਿਜ਼ਾਈਨ ਇਕ ਸਮਾਨ ਹੋਵੇਗਾ। ਡਿਸਪਲੇਅ ਵਿੱਚ ਪੰਚ ਹੋਲ ਕੱਟਆਊਟ ਹੈ। ਕਿਨਾਰੇ ਕਰਵ ਹਨ। ਦੋਵਾਂ ਫੋਨਾਂ 'ਚ ਡਿਊਲ ਟੋਨ ਬੈਕ ਪੈਨਲ ਦਿੱਤਾ ਗਿਆ ਹੈ। ਕੈਮਰਾ ਮੋਡੀਊਲ ਗੋਲਾਕਾਰ ਹੈ ਅਤੇ ਆਕਾਰ ਕਾਫ਼ੀ ਵੱਡਾ ਹੈ।
ਟ੍ਰਿਪਲ ਕੈਮਰਾ ਸਿਸਟਮ
Find X7 ਵਿੱਚ ਟ੍ਰਿਪਲ ਕੈਮਰਾ ਸਿਸਟਮ ਹੈ, ਜਦੋਂ ਕਿ Find X7 Ultra ਵਿੱਚ ਕਵਾਡ ਕੈਮਰਾ ਸਿਸਟਮ ਹੈ। Find X7 Ultra ਦੀ ਖਾਸ ਗੱਲ ਇਹ ਹੈ ਕਿ ਇਹ ਦੁਨੀਆ ਦਾ ਪਹਿਲਾ ਸਮਾਰਟਫੋਨ ਹੋਣ ਜਾ ਰਿਹਾ ਹੈ ਜਿਸ 'ਚ ਦੋ ਪੈਰਿਸਕੋਪਿਕ ਟੈਲੀਫੋਟੋ ਕੈਮਰੇ ਦੇਖਣ ਨੂੰ ਮਿਲਣਗੇ। ਦੂਜੀ ਖਾਸ ਗੱਲ ਇਹ ਹੈ ਕਿ ਇਹ ਪਹਿਲਾ ਫੋਨ ਹੋਵੇਗਾ ਜਿਸ 'ਚ Sony LYT-900 1 ਇੰਚ ਸੈਂਸਰ ਹੋਵੇਗਾ। ਇਹ 50 ਮੈਗਾਪਿਕਸਲ ਦੇ ਮੇਨ ਲੈਂਸ ਦੇ ਰੂਪ 'ਚ ਆਉਣ ਵਾਲਾ ਹੈ।
