Last Updated :
01 February 2024, 04:26 PM IST
ਸਨਾਤਨ ਧਰਮ ਵਿਚ ਇਕਾਦਸ਼ੀ ਦਾ ਵਿਸ਼ੇਸ਼ ਮਹੱਤਵ ਹੁੰਦਾ ਹੈ। ਇਨ੍ਹਾਂ ਇਕਾਦਸ਼ੀਆਂ ਵਿਚੋਂ ਸ਼ਟਤਿਲਾ ਇਕਾਦਸ਼ੀ ਦਾ ਵੀ ਬਹੁਤ ਮਹੱਤਵ ਹੈ।ਇਹ ਇਕਾਦਸ਼ੀ ਹਰ ਸਾਲ ਮਾਘ ਮਹੀਨੇ ਦੇ ਕ੍ਰਿਸ਼ਨ ਪੱਖ ਦੀ ਇਕਾਦਸ਼ੀ ਨੂੰ ਮਨਾਈ ਜਾਂਦੀ ਹੈ। ਸ਼ਟਤਿਲਾ ਇਕਾਦਸ਼ੀ ਦਾ ਵਰਤ 6 ਫਰਵਰੀ 2024 ਨੂੰ ਰੱਖਿਆ ਜਾਵੇਗਾ। ਸ਼ਟਤਿਲਾ ਇਕਾਦਸ਼ੀ ਦੇ ਦਿਨ ਭਗਵਾਨ ਵਿਸ਼ਨੂੰ ਦੀ ਵਿਸ਼ੇਸ਼ ਤੌਰ 'ਤੇ ਪੂਜਾ ਕੀਤੀ ਜਾਂਦੀ ਹੈ। ਇਸ ਦਿਨ ਸੱਚੇ ਮਨ ਨਾਲ ਪੂਜਾ ਕਰਨ ਵਾਲੇ ਨੂੰ ਪਾਪਾਂ ਤੋਂ ਮੁਕਤੀ ਮਿਲਦੀ ਹੈ। ਜੋ ਵਿਅਕਤੀ ਇਸ ਇਕਾਦਸ਼ੀ ਦਾ ਵਰਤ ਰੱਖਦਾ ਹੈ, ਉਸ ਨੂੰ ਜੀਵਨ ਵਿੱਚ ਹਰ ਤਰ੍ਹਾਂ ਦੀਆਂ ਪ੍ਰੇਸ਼ਾਨੀਆਂ ਅਤੇ ਰੋਗਾਂ ਤੋਂ ਮੁਕਤੀ ਮਿਲਦੀ ਹੈ। ਇਸ ਦਿਨ ਤਿਲ ਦਾ ਸੇਵਨ ਕਰਨ ਨਾਲ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਤੋਂ ਛੁਟਕਾਰਾ ਮਿਲ ਸਕਦਾ ਹੈ। ਇਸ ਵਰਤ ਨੂੰ ਰੱਖਣ ਨਾਲ ਜਿੱਥੇ ਸਰੀਰਕ ਸ਼ੁੱਧਤਾ ਅਤੇ ਸਿਹਤ ਮਿਲਦੀ ਹੈ, ਉੱਥੇ ਹੀ ਅੰਨ, ਤਿਲ ਆਦਿ ਦਾ ਦਾਨ ਕਰਨ ਨਾਲ ਧਨ ਵਿੱਚ ਵਾਧਾ ਹੁੰਦਾ ਹੈ।
ਸ਼ਟਤਿਲਾ ਇਕਾਦਸ਼ੀ ਮੁਹੂਰਤ
ਪੰਚਾਂਗ ਦੇ ਅਨੁਸਾਰ, ਮਾਘ ਕ੍ਰਿਸ਼ਨ ਪੱਖ ਦੀ ਇਕਾਦਸ਼ੀ 5 ਫਰਵਰੀ 2024 ਨੂੰ ਸ਼ਾਮ 05:24 ਵਜੇ ਸ਼ੁਰੂ ਹੋਵੇਗੀ ਅਤੇ 6 ਫਰਵਰੀ 2024 ਨੂੰ ਸ਼ਾਮ 4:07 ਵਜੇ ਸਮਾਪਤ ਹੋਵੇਗੀ। ਪੂਜਾ ਦਾ ਸਮਾਂ ਸਵੇਰੇ 09.51 ਵਜੇ ਤੋਂ ਦੁਪਹਿਰ 01.57 ਵਜੇ ਤੱਕ ਰਹੇਗਾ।
ਇਕਾਦਸ਼ੀ ਪੂਜਾ ਵਿਧੀ
-ਇਕਾਦਸ਼ੀ ਦੇ ਦਿਨ ਸਵੇਰੇ ਇਸ਼ਨਾਨ ਕਰਕੇ ਭਗਵਾਨ ਵਿਸ਼ਨੂੰ ਦੀ ਪੂਜਾ ਕਰੋ।
-ਇਸ ਤੋਂ ਬਾਅਦ ਫੁੱਲ ਅਤੇ ਧੂਪ ਚੜ੍ਹਾਓ ਅਤੇ ਵਰਤ ਰੱਖਣ ਦਾ ਪ੍ਰਣ ਲਓ।
-ਅਗਲੇ ਦਿਨ ਦ੍ਵਾਦਸ਼ੀ ਨੂੰ ਸਵੇਰੇ ਉੱਠ ਕੇ ਇਸ਼ਨਾਨ ਕਰੋ।
-ਇਸ ਤੋਂ ਬਾਅਦ ਭਗਵਾਨ ਵਿਸ਼ਨੂੰ ਨੂੰ ਭੋਜਨ ਚੜ੍ਹਾਓ ਅਤੇ ਪੰਡਤਾਂ ਨੂੰ ਭੋਜਨ ਦਿਓ।
-ਇਕਾਦਸ਼ੀ ਦਾ ਵਰਤ ਰੱਖਣ ਨਾਲ ਵਿਅਕਤੀ ਨੂੰ ਧਨ-ਦੌਲਤ, ਸੁੱਖ ਅਤੇ ਖੁਸ਼ਹਾਲੀ ਦੀ ਪ੍ਰਾਪਤੀ ਹੁੰਦੀ ਹੈ।
ਇਕਾਦਸ਼ੀ 'ਤੇ ਕਰੋ ਇਹ ਕੰਮ
-ਇਕਾਦਸ਼ੀ ਦੇ ਦਿਨ ਪੁਸ਼ਯ ਨਕਸ਼ਤਰ 'ਚ ਗੋਬਰ, ਕਪਾਹ ਅਤੇ ਤਿਲ ਮਿਲਾ ਕੇ ਪਾਥੀ ਬਣਾਓ ਅਤੇ ਹਵਨ ਕਰੋ।
-ਇਕਾਦਸ਼ੀ ਦੇ ਦਿਨ ਰਾਤ ਨੂੰ ਜਾਗਦੇ ਹੋਏ ਭਗਵਾਨ ਦੀ ਪੂਜਾ ਅਤੇ ਸਿਮਰਨ ਕਰੋ।
-ਇਕਾਦਸ਼ੀ ਦੇ ਦਿਨ ਮਠਿਆਈ, ਨਾਰੀਅਲ ਅਤੇ ਸੁਪਾਰੀ ਦੇ ਨਾਲ ਅਰਘਿਆ ਦੇ ਕੇ ਭਗਵਾਨ ਵਿਸ਼ਨੂੰ ਦਾ ਗੁਣਗਾਨ ਕਰੋ।
-ਅਗਲੇ ਦਿਨ ਧੂਪ, ਦੀਵੇ, ਨਵੇਦਿਆ ਨਾਲ ਭਗਵਾਨ ਵਿਸ਼ਨੂੰ ਦੀ ਪੂਜਾ ਕਰੋ ਅਤੇ ਖਿਚੜੀ ਚੜ੍ਹਾਓ।
