Ola ਦੀ ਇਲੈਕਟ੍ਰਿਕ ਬਾਈਕ ਨੇ ਕੀਤੀ ਐਂਟਰੀ, ਡਿਜ਼ਾਈਨ ਦੇਖ ਕੇ ਹੋ ਜਾਓਗੇ ਹੈਰਾਨ

Ola Roadster Pro ਨੂੰ ਭਾਰਤ ਚ ਲਾਂਚ ਕਰ ਦਿੱਤੀ ਗਿਆ ਹੈ। ਇਸ ਬਾਈਕ ਦੀ ਕੀਮਤ 2 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਸ ਨੂੰ 15 ਅਗਸਤ ਤੋਂ ਰਿਜ਼ਰਵੇਸ਼ਨ ਲਈ ਉਪਲਬਧ ਕਰਾਇਆ ਗਿਆ ਹੈ ਪਰ ਇਸਦੀ ਡਿਲੀਵਰੀ ਵਿੱਤੀ ਸਾਲ 2026 ਦੀ ਚੌਥੀ ਤਿਮਾਹੀ ਵਿੱਚ ਹੋਵੇਗੀ। ਇਸ ਦੀ ਕੀਮਤ ਕੀ ਹੈ ਅਤੇ ਇਸ ਦੇ ਫੀਚਰਸ ਕੀ ਹਨ, ਆਓ ਜਾਣਦੇ ਹਾਂ।

ਆਟੋ ਨਿਊਜ। Ola Electric ਨੇ ਭਾਰਤ ਵਿੱਚ Roadster Pro ਇਲੈਕਟ੍ਰਿਕ ਮੋਟਰਸਾਈਕਲ ਲਾਂਚ ਕੀਤਾ ਗਿਆ ਹੈ। Ola Roadster Pro ਦੋ ਵੇਰੀਐਂਟਸ 8kWh ਅਤੇ 16kWh ਵਿੱਚ ਉਪਲਬਧ ਹੈ। ਕੀਮਤ ਦੀ ਗੱਲ ਕਰੀਏ ਤਾਂ 8kWh ਦੀ ਕੀਮਤ ਕਰੀਬ 2 ਲੱਖ ਰੁਪਏ ਹੈ। ਜਦਕਿ 16kWh ਦੀ ਕੀਮਤ 2.5 ਲੱਖ ਰੁਪਏ ਹੈ। ਇਹ ਐਕਸ-ਸ਼ੋਰੂਮ ਕੀਮਤ ਹੈ। Ola Roadster Pro ਵਿੱਚ 52kW ਦੀ ਇਲੈਕਟ੍ਰਿਕ ਮੋਟਰ ਹੈ ਜੋ 105Nm ਦਾ ਪੀਕ ਟਾਰਕ ਜਨਰੇਟ ਕਰਦੀ ਹੈ।

ਕੰਪਨੀ ਨੇ ਕਿਹਾ ਕਿ 16kWh ਦੀ ਬੈਟਰੀ ਨਾਲ ਲੈਸ ਰੋਡਸਟਰ ਪ੍ਰੋ 1.9 ਸੈਕਿੰਡ 'ਚ 0-60kmph ਦੀ ਰਫਤਾਰ ਫੜ ਸਕਦਾ ਹੈ। ਇਸ ਦੇ ਨਾਲ ਹੀ 194 kmph ਦੀ ਟਾਪ ਸਪੀਡ ਦਾ ਵੀ ਦਾਅਵਾ ਕੀਤਾ ਗਿਆ ਹੈ। ਰੇਂਜ ਦੀ ਗੱਲ ਕਰੀਏ ਤਾਂ ਰੋਡਸਟਰ ਪ੍ਰੋ ਦੀ 16kWh ਦੀ ਬੈਟਰੀ ਸਿੰਗਲ ਚਾਰਜ 'ਤੇ 579 ਕਿਲੋਮੀਟਰ ਦੀ ਦੂਰੀ ਤੈਅ ਕਰ ਸਕਦੀ ਹੈ।

Roadster Pro ਦੀਆਂ ਇਹ ਹਨ ਖਾਸੀਅਤਾਂ 

ਰੋਡਸਟਰ ਪ੍ਰੋ ਵਿੱਚ, ਬੈਟਰੀ ਰੱਖੀ ਜਾਂਦੀ ਹੈ ਜਿੱਥੇ ਆਮ ਤੌਰ 'ਤੇ ICE ਹੁੰਦਾ ਹੈ। ਬਾਈਕ ਨੂੰ ਸਟੀਲ ਫ੍ਰੇਮ ਨਾਲ ਬਣਾਇਆ ਗਿਆ ਹੈ ਜੋ USD ਫੋਰਕ ਅਤੇ ਮੋਨੋਸ਼ੌਕ ਨਾਲ ਉਪਲਬਧ ਹੈ। ਪਾਵਰ ਨੂੰ ਰੋਕਣ ਲਈ, ਇਹ ਅਗਲੇ ਪਾਸੇ ਦੋ ਡਿਸਕ ਬ੍ਰੇਕ ਅਤੇ ਪਿਛਲੇ ਪਾਸੇ ਇੱਕ ਡਿਸਕ ਬ੍ਰੇਕ ਦੀ ਵਰਤੋਂ ਕਰਦਾ ਹੈ। ਸਕਿਡਿੰਗ ਨੂੰ ਰੋਕਣ ਵਿੱਚ ਮਦਦ ਲਈ ਇਸ ਵਿੱਚ ABS ਫੀਚਰ ਵੀ ਦਿੱਤਾ ਗਿਆ ਹੈ।

ਰੋਡਸਟਰ ਪ੍ਰੋ 'ਚ ਓਲਾ ਦੇ ਕਈ ਫੀਚਰਸ ਹਨ

ਜਿਸ 'ਚ ਨਵੀਂ 10-ਇੰਚ ਦੀ TFT ਟੱਚਸਕ੍ਰੀਨ ਡਿਸਪਲੇ ਵੀ ਸ਼ਾਮਲ ਹੈ। ਇਸ ਬਾਈਕ 'ਚ ਚਾਰ ਰਾਈਡ ਮੋਡ ਹਨ ਜਿਨ੍ਹਾਂ 'ਚ ਹਾਈਪਰ, ਸਪੋਰਟ, ਨਾਰਮਲ ਅਤੇ ਈਕੋ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਦੋ ਕਸਟਮਾਈਜੇਬਲ ਮੋਡ ਵੀ ਹਨ। ਕੰਪਨੀ ਨੇ ਕਿਹਾ ਕਿ ਭਵਿੱਖ ਵਿੱਚ MoveOS 5 ਸਾਫਟਵੇਅਰ ਅੱਪਡੇਟ ਦੀ ਸ਼ੁਰੂਆਤ ਦੇ ਨਾਲ, Roadster Pro ਨੂੰ ਤਿੰਨ-ਸਟੈਪ ਟ੍ਰੈਕਸ਼ਨ ਕੰਟਰੋਲ, ਐਂਟੀ-ਵ੍ਹੀਲੀ, ਜੀਓਫੈਂਸਿੰਗ ਅਤੇ ADAS ਵੀ ਮਿਲੇਗਾ। 8kWh ਬੈਟਰੀ ਵਾਲੇ Ola Roadster Pro ਲਈ ਰਿਜ਼ਰਵੇਸ਼ਨ 15 ਅਗਸਤ ਤੋਂ ਸ਼ੁਰੂ ਹੋਵੇਗੀ ਅਤੇ ਡਿਲੀਵਰੀ ਵਿੱਤੀ ਸਾਲ 2026 ਦੀ ਚੌਥੀ ਤਿਮਾਹੀ ਵਿੱਚ ਹੋਵੇਗੀ।