Last Updated :
29 March 2024, 01:17 PM IST
New EV Car : ਦੱਖਣੀ ਕੋਰੀਆ ਦੀ ਕਾਰ ਨਿਰਮਾਤਾ ਕੰਪਨੀ ਹੁੰਡਈ ਆਪਣੀ ਸਭ ਤੋਂ ਮਸ਼ਹੂਰ ਕਾਰ ਕ੍ਰੇਟਾ ਦਾ ਇਲੈਕਟ੍ਰਿਕ ਮਾਡਲ ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਹੁੰਡਈ ਦੀ ਇਲੈਕਟ੍ਰਿਕ ਕ੍ਰੇਟਾ ਕਾਰ ਨੂੰ ਹਾਲ ਹੀ 'ਚ ਚਾਰਜਿੰਗ ਸਟੇਸ਼ਨ 'ਤੇ ਦੇਖਿਆ ਗਿਆ ਹੈ। ਫਿਲਹਾਲ ਇਸ ਕਾਰ ਦੀ ਟੈਸਟਿੰਗ ਚੱਲ ਰਹੀ ਹੈ। ਵਰਤਮਾਨ ਵਿੱਚ, ਨਵੀਂ ਹੁੰਡਈ ਕ੍ਰੇਟਾ ਦੇ ਮਾਰਕੀਟ ਵਿੱਚ ਦੋ ਵੇਰੀਐਂਟ ਹਨ, ਸਟੈਂਡਰਡ ਅਤੇ ਐਨ ਲਾਈਨ। ਹੁਣ Creta ਦੇ ਇਲੈਕਟ੍ਰਿਕ ਵੇਰੀਐਂਟ ਬਾਜ਼ਾਰ 'ਚ ਲਾਂਚ ਹੋਣ ਵਾਲੇ ਹਨ। ਇਸ ਨੂੰ ਚਾਰਜਿੰਗ ਸਟੇਸ਼ਨ 'ਤੇ ਦੇਖਿਆ ਗਿਆ ਹੈ। Hyundai ਕੰਪਨੀ ਆਪਣੀ Creta ਕਾਰ ਦੇ EV ਵੇਰੀਐਂਟ ਫੇਸਲਿਫਟ 'ਤੇ ਆਧਾਰਿਤ ਹੋਵੇਗੀ।
ਇਨ੍ਹਾਂ ਫੀਚਰਾਂ ਨਾਲ ਹੋਵੇਗੀ ਲੈਸ
ਕ੍ਰੇਟਾ ਇਲੈਕਟ੍ਰਿਕ ਦੇ ਵੇਰੀਐਂਟ ਜਿਸਨੂੰ ਨੂੰ ਦੱਖਣੀ ਕੋਰੀਆ ਵਿੱਚ ਟੈਸਟ ਕਰਦੇ ਦੇਖਿਆ ਗਿਆ ਹੈ, ਵਿੱਚ ਫਰੰਟ ਫੈਂਡਰ ਮਾਊਂਟਡ ਚਾਰਜਿੰਗ ਪੋਰਟ ਦੇ ਨਾਲ-ਨਾਲ ਲੋਗੋ ਦੀ ਸਥਿਤੀ ਬਦਲੀ ਗਈ ਹੈ ਅਤੇ ਅੱਗੇ ਅਤੇ ਪਿੱਛੇ ਗਰਿੱਲ ਨੂੰ ਖਾਲੀ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਇਸ ਕਾਰ 'ਚ 17 ਇੰਚ ਦੇ ਅਲਾਏ ਵ੍ਹੀਲ ਦਿੱਤੇ ਗਏ ਹਨ।
ਇਸ SUV ਦਾ ਫੇਸਲਿਫਟ ਵਰਜ਼ਨ ਹੁਣੇ ਭਾਰਤ 'ਚ ਲਾਂਚ ਹੋਇਆ ਹੈ। ਜੋ ਫੀਚਰਸ ਇਸ ਦੇ ICE ਵੇਰੀਐਂਟ 'ਚ ਦਿੱਤੇ ਜਾ ਰਹੇ ਹਨ, ਉਹੀ ਫੀਚਰਸ ਇਲੈਕਟ੍ਰਿਕ ਵੇਰੀਐਂਟ 'ਚ ਵੀ ਦਿੱਤੇ ਜਾ ਸਕਦੇ ਹਨ। ਇਸ 'ਚ 360 ਡਿਗਰੀ ਕੈਮਰਾ, ADS, ਪੈਨੋਰਾਮਿਕ ਸਨਰੂਫ ਆਦਿ ਫੀਚਰਸ ਦਿੱਤੇ ਜਾ ਰਹੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਕਾਰ ਸਿੰਗਲ ਚਾਰਜ 'ਚ 500 ਕਿਲੋਮੀਟਰ ਤੱਕ ਚੱਲੇਗੀ। ਇਸ ਦੇ ਨਾਲ ਹੀ ਇਸ 'ਚ 55 ਤੋਂ 60 kwh ਸਮਰੱਥਾ ਦੀ ਬੈਟਰੀ ਦਿੱਤੀ ਜਾ ਸਕਦੀ ਹੈ।
