Last Updated :
08 April 2024, 12:54 PM IST
Market Update: ਹਫਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਸਟਾਕ ਮਾਰਕੀਟ ਦੇ ਕੰਮਕਾਜ ਦੀ ਸ਼ੁਰੂਆਤ ਸਕਾਰਾਤਮਕ ਸਥਿਤੀ ਨਾਲ ਹੋਈ ਹੈ। ਬੀਐੱਸਈ ਦਾ ਸੈਂਸੈਕਸ 218 ਅੰਕਾਂ ਦੇ ਵਾਧੇ ਨਾਲ 74466 ਅੰਕਾਂ ਦੇ ਪੱਧਰ 'ਤੇ ਖੁੱਲ੍ਹਿਆ, ਜਦਕਿ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 64 ਅੰਕਾਂ ਦੇ ਵਾਧੇ ਨਾਲ 22578 ਅੰਕਾਂ ਦੇ ਪੱਧਰ 'ਤੇ ਖੁੱਲ੍ਹਿਆ ਹੈ। ਸਟਾਕ ਮਾਰਕੀਟ ਦੇ ਸ਼ੁਰੂਆਤੀ ਘੰਟਿਆਂ ਵਿੱਚ, ਨਿਫਟੀ ਮਿਡਕੈਪ 100, ਬੀਐਸਈ ਸਮਾਲ ਕੈਪ, ਨਿਫਟੀ ਆਈਟੀ, ਨਿਫਟੀ ਬੈਂਕ, ਨਿਫਟੀ ਆਟੋ, ਨਿਫਟੀ ਫਾਰਮਾ, ਨਿਫਟੀ ਐਫਐਮਸੀਜੀ ਅਤੇ ਨਿਫਟੀ ਫਾਈਨੈਂਸ਼ੀਅਲ ਸਰਵਿਸਿਜ਼ ਸੂਚਕਾਂਕ ਵਿੱਚ ਵਾਧਾ ਦਰਜ ਕੀਤਾ ਗਿਆ ਹੈ।
ਸ਼ੇਅਰ ਬਾਜ਼ਾਰ ਦੇ ਸਭ ਤੋਂ ਵੱਧ ਲਾਭ ਲੈਣ ਵਾਲਿਆਂ ਦੀ ਗੱਲ ਕਰੀਏ ਤਾਂ ਸੂਚੀ ਵਿੱਚ ਕੋਟਕ ਬੈਂਕ, ਐਸਬੀਆਈ ਲਾਈਫ, ਐਚਡੀਐਫਸੀ ਬੈਂਕ ਅਤੇ ਬਜਾਜ ਫਿਨਸਰਵ ਦੇ ਸ਼ੇਅਰ ਸ਼ਾਮਲ ਹਨ, ਜਦੋਂ ਕਿ ਸਭ ਤੋਂ ਵੱਧ ਨੁਕਸਾਨ ਕਰਨ ਵਾਲਿਆਂ ਦੀ ਸੂਚੀ ਵਿੱਚ ਭਾਰਤੀ ਏਅਰਟੈੱਲ, ਅਪੋਲੋ ਹਸਪਤਾਲ, ਆਈਸੀਆਈਸੀਆਈ ਬੈਂਕ, ਡਿਵੀਜ਼ ਲੈਬ, ਆਈਸ਼ਰ ਮੋਟਰਜ਼, ਅਡਾਨੀ ਪੋਰਟਸ ਸ਼ਾਮਲ ਹਨ। ਸ਼ੇਅਰ ਬਾਜ਼ਾਰ ਦੇ ਨਿਵੇਸ਼ਕਾਂ ਨੂੰ ਮਲਟੀਬੈਗਰ ਰਿਟਰਨ ਦੇਣ ਵਾਲੀਆਂ ਕੰਪਨੀਆਂ ਦੀ ਗੱਲ ਕਰੀਏ ਤਾਂ ਹਿੰਦੁਸਤਾਨ ਜ਼ਿੰਕ, ਐਕਸਿਸ ਬੈਂਕ, ਏਸ਼ੀਅਨ ਪੇਂਟਸ, ਟਾਟਾ ਕੰਜ਼ਿਊਮਰ, ਇਨਫੋਸਿਸ ਲਿਮਟਿਡ, ਕੋਟਕ ਮਹਿੰਦਰਾ ਬੈਂਕ, ਐਨਟੀਪੀਸੀ ਲਿਮਟਿਡ, ਟਾਟਾ ਕੰਸਲਟੈਂਸੀ ਸਰਵਿਸਿਜ਼, ਓਐਨਜੀਸੀ ਅਤੇ ਐਚਸੀਐਲ ਟੈਕ ਦੇ ਸ਼ੇਅਰ ਚੜ੍ਹੇ ਹਨ। ਵਿਪਰੋ ਲਿਮਟਿਡ ਕਮਜ਼ੋਰੀ 'ਤੇ ਕਾਰੋਬਾਰ ਕਰ ਰਿਹਾ ਸੀ।
ਸ਼ੇਅਰ ਬਾਜ਼ਾਰ 'ਚ ਤੇਜ਼ੀ ਦੇ ਵਿਚਕਾਰ ਗੌਤਮ ਅਡਾਨੀ ਸਮੂਹ ਦੀਆਂ 9 ਸੂਚੀਬੱਧ ਕੰਪਨੀਆਂ ਦੇ ਸ਼ੇਅਰਾਂ 'ਚ ਤੇਜ਼ੀ ਦੇਖਣ ਨੂੰ ਮਿਲੀ, ਜਦਕਿ ਅਡਾਨੀ ਪੋਰਟਸ ਦੇ ਸ਼ੇਅਰ ਸ਼ੁਰੂਆਤੀ ਕਾਰੋਬਾਰ 'ਚ ਮਾਮੂਲੀ ਕਮਜ਼ੋਰੀ ਨਾਲ ਕਾਰੋਬਾਰ ਕਰ ਰਹੇ ਸਨ। ਸ਼ੇਅਰ ਬਾਜ਼ਾਰ ਦਾ ਕਾਰੋਬਾਰ ਸੋਮਵਾਰ ਨੂੰ ਸਕਾਰਾਤਮਕ ਨੋਟ 'ਤੇ ਸ਼ੁਰੂ ਹੋਣ ਦੀ ਉਮੀਦ ਸੀ। ਇਸ ਤੋਂ ਪਹਿਲਾਂ ਬੀਐੱਸਈ ਸੈਂਸੈਕਸ 346 ਅੰਕਾਂ ਦੇ ਵਾਧੇ ਨਾਲ 74594 ਅੰਕਾਂ ਦੇ ਪੱਧਰ 'ਤੇ ਕੰਮ ਕਰ ਰਿਹਾ ਸੀ, ਜਦਕਿ ਨਿਫਟੀ 68 ਅੰਕਾਂ ਦੇ ਵਾਧੇ ਨਾਲ 22581 ਅੰਕਾਂ ਦੇ ਪੱਧਰ 'ਤੇ ਕੰਮ ਕਰ ਰਿਹਾ ਸੀ।
