ਇਸ ਦਿਨ ਰਿਲੀਜ਼ ਹੋ ਰਹੀ ਹੈ ਅਜੇ ਦੇਵਗਨ-ਤੱਬੂ ਸਟਾਰਰ ਦੀ ਰੋਮਾਂਟਿਕ ਫਿਲਮ, ਜਾਣੋ ਤਾਜ਼ਾ ਅਪਡੇਟਸ

ਅਜੇ ਦੇਵਗਨ ਅਤੇ ਤਬੂ ਦੀ ਜੋੜੀ ਦਰਸ਼ਕਾਂ ਨੂੰ ਪਸੰਦ ਹੈ ਤੇ ਹੁਣ ਮੁੜ ਦੋਵਾਂ ਇੱਕ ਰੋਮਾਂਟਿਕ ਫਿਲਮ ਆ ਰਹੀ ਹੈ। ਇਸ ਫਿਲਮ ਦਾ ਨਾਂਆ ਹੈ 'ਔਰੋਂ ਮੈਂ ਕਹਾਂ ਦਮ ਥਾ' ਇਹ ਫਿਲਮ ਜਦੋਂ ਰਿਲੀਜ ਹੋਵੇਗੀ ਉਸ ਤੋਂ ਬਾਅਦ ਹੀ ਪਤਾ ਲੱਗੇਗਾ ਕਿ ਫੈਂਸ ਨੇ ਇਸ ਫਿਲਮ ਨੂੰ ਕਿੰਨਾ ਕੂ ਪਿਆਰ ਦਿੱਤਾ ਹੈ। 

ਬਾਲੀਵੁੱਡ ਨਿਊਜ। ਅਜੇ ਦੇਵਗਨ ਇਸ ਸਾਲ ਆਪਣੀਆਂ ਫਿਲਮਾਂ ਨਾਲ ਧਮਾਕਾ ਕਰਨ ਜਾ ਰਹੇ ਹਨ। ਹਾਲ ਹੀ ਵਿੱਚ ਅਦਾਕਾਰਾ ਦੀ ਸ਼ੈਤਾਨ ਅਤੇ ਮੈਦਾਨ ਨੂੰ ਦਰਸ਼ਕਾਂ ਵੱਲੋਂ ਚੰਗਾ ਹੁੰਗਾਰਾ ਮਿਲਿਆ ਹੈ। ਹੁਣ ਜੇਕਰ ਤਾਜ਼ਾ ਖਬਰਾਂ ਦੀ ਮੰਨੀਏ ਤਾਂ ਅਜੇ, ਤੱਬੂ, ਜਿੰਮੀ ਸ਼ੇਰਗਿੱਲ ਅਤੇ ਸਾਈ ਮਾਂਜਰੇਕਰ ਸਟਾਰਰ ਫਿਲਮ ਔਰੋਂ ਮੈਂ ਕਹਾਂ ਦਮ ਥਾ ਇਸ ਜੁਲਾਈ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ। ਨਿਰਮਾਤਾਵਾਂ ਨੇ ਰਿਲੀਜ਼ ਨੂੰ ਲੈ ਕੇ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਹੈ। ਪਰ ਫਿਲਮ ਤਿਆਰ ਹੋਣ ਤੋਂ ਬਾਅਦ ਜੁਲਾਈ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ।

'ਔਰੋਂ ਮੈਂ ਕਹਾਂ ਦਮ ਥਾ'

ਐੱਮਐੱਸ ਧੋਨੀ: ਦ ਅਨਟੋਲਡ ਸਟੋਰੀ ਵਰਗੀਆਂ ਫਿਲਮਾਂ ਬਣਾਉਣ ਵਾਲੇ ਨੀਰਜ ਪਾਂਡੇ ਨੇ ਅਜੇ ਦੇਵਗਨ ਦੀ ਫਿਲਮ ਔਰੋਂ ਮੇਂ ਕਹਾਂ ਦਮ ਥਾ ਦਾ ਨਿਰਦੇਸ਼ਨ ਕੀਤਾ ਹੈ। ਇਹ ਇਕ ਰੋਮਾਂਟਿਕ ਫਿਲਮ ਹੋਣ ਜਾ ਰਹੀ ਹੈ ਜਿਸ ਦੀ ਕਹਾਣੀ ਅੱਜ ਦੇ ਸਮੇਂ 'ਤੇ ਆਧਾਰਿਤ ਹੈ। ਇਸ ਤੋਂ ਪਹਿਲਾਂ ਖਬਰਾਂ ਸਨ ਕਿ ਇਹ 26 ਅਪ੍ਰੈਲ 2024 ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਪਰ ਹੁਣ ਇਸ ਦੀ ਰਿਲੀਜ਼ ਡੇਟ ਵਧਾ ਕੇ 5 ਜੁਲਾਈ ਕੀਤੇ ਜਾਣ ਦੀ ਖਬਰ ਹੈ।

ਸਿੰਘਮ ਅਗੇਨ ਦੀ ਰਿਲੀਜ 'ਤੇ ਫਿਰ ਤੋਂ ਵਿਚਾਰ 

ਇਸ ਦੌਰਾਨ ਅਜਿਹੀਆਂ ਖਬਰਾਂ ਵੀ ਆ ਰਹੀਆਂ ਹਨ ਕਿ ਸਿੰਘਮ ਅਗੇਨ ਦੇ ਨਿਰਮਾਤਾ ਰਿਲੀਜ਼ ਨੂੰ ਟਾਲ ਸਕਦੇ ਹਨ। ਹਾਲਾਂਕਿ ਅਜੇ ਤੱਕ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ ਹੈ। ਪਰ ਦੱਸਿਆ ਜਾ ਰਿਹਾ ਹੈ ਕਿ ਰੋਹਿਤ ਸ਼ੈਟੀ ਦੇ ਨਿਰਦੇਸ਼ਨ 'ਚ ਬਣ ਰਹੀ 'ਸਿੰਘਮ ਅਗੇਨ' ਦੇ ਆਖਰੀ ਸ਼ੈਡਿਊਲ ਅਤੇ ਗੀਤ ਦੀ ਸ਼ੂਟਿੰਗ ਅਜੇ ਚੱਲ ਰਹੀ ਹੈ। ਸ਼ੂਟਿੰਗ ਤੋਂ ਬਾਅਦ ਫਿਲਮ ਨੂੰ ਪੋਸਟ ਪ੍ਰੋਡਕਸ਼ਨ ਲਈ ਕਿੰਨਾ ਸਮਾਂ ਮਿਲੇਗਾ ਇਸ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ। ਨਾਲ ਹੀ 15 ਅਗਸਤ ਦੇ ਮੌਕੇ 'ਤੇ ਅੱਲੂ ਅਰਜੁਨ ਦੀ ਪੁਸ਼ਪਾ ਤੋਂ ਬਚਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ ਤਾਂ ਜੋ ਦੋਵਾਂ ਫਿਲਮਾਂ ਦੇ ਕਾਰੋਬਾਰ 'ਤੇ ਕੋਈ ਖਾਸ ਅਸਰ ਨਾ ਪਵੇ।

ਆਉਣ ਵਾਲੀਆਂ ਫਿਲਮਾਂ 

ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਅਜੇ ਦੇਵਗਨ ਨੇ ਹਾਲ ਹੀ ਵਿੱਚ ਰਿਲੀਜ਼ ਹੋਈ ਡਰਾਉਣੀ ਫਿਲਮ ਸ਼ੈਤਾਨ ਅਤੇ ਸਪੋਰਟਸ ਡਰਾਮਾ ਮੈਦਾਨ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕੀਤਾ ਹੈ। ਆਉਣ ਵਾਲੇ ਦਿਨਾਂ 'ਚ ਅਭਿਨੇਤਾ ਸਿੰਘਮ ਅਗੇਨ, ਰੇਡ 2 ਵਰਗੀਆਂ ਫਿਲਮਾਂ 'ਚ ਨਜ਼ਰ ਆਉਣ ਵਾਲੇ ਹਨ। 'ਸਿੰਘਮ ਅਗੇਨ' ਦੀ ਰਿਲੀਜ਼ ਡੇਟ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ।