Last Updated :
28 January 2024, 10:25 PM IST
Entertainment News: ਰਿਤਿਕ ਰੋਸ਼ਨ, ਦੀਪਿਕਾ ਪਾਦੁਕੋਣ ਅਤੇ ਅਨਿਲ ਕਪੂਰ ਦੀ ਫਿਲਮ ਫਾਈਟਰ ਸਿਨੇਮਾਘਰਾਂ ਵਿੱਚ ਚੰਗੀ ਕਮਾਈ ਕਰ ਰਹੀ ਹੈ। ਫਿਲਮ ਦਾ ਨਿਰਦੇਸ਼ਨ ਸਿਧਾਰਥ ਆਨੰਦ ਨੇ ਕੀਤਾ ਹੈ। ਇਸ ਨੂੰ ਪ੍ਰਸ਼ੰਸਕਾਂ ਦਾ ਭਰਪੂਰ ਪਿਆਰ ਮਿਲ ਰਿਹਾ ਹੈ, ਜਿਸ ਕਾਰਨ ਫਾਈਟਰ ਹਰ ਰੋਜ਼ ਰਿਕਾਰਡ ਤੋੜ ਕਮਾਈ ਕਰ ਰਿਹਾ ਹੈ। ਭਾਰਤ 'ਚ ਇਹ ਫਿਲਮ 100 ਕਰੋੜ ਰੁਪਏ ਦੀ ਕਮਾਈ ਨੂੰ ਪਾਰ ਕਰਨ ਤੋਂ ਕੁਝ ਹੀ ਕਦਮ ਦੂਰ ਹੈ। ਬਾਕਸ ਆਫਿਸ ਟ੍ਰੈਕਰ ਦੇ ਸ਼ੁਰੂਆਤੀ ਅੰਕੜਿਆਂ ਮੁਤਾਬਕ ਫਾਈਟਰ ਨੇ ਤੀਜੇ ਦਿਨ 28 ਕਰੋੜ ਰੁਪਏ ਕਮਾ ਲਏ ਹਨ, ਜਿਸ ਤੋਂ ਬਾਅਦ ਭਾਰਤ 'ਚ ਫਿਲਮ ਦਾ ਕਲੈਕਸ਼ਨ 90 ਕਰੋੜ 'ਤੇ ਆ ਗਿਆ ਹੈ। ਵਿਸ਼ਵ ਭਰ ਵਿੱਚ ਇਸਦਾ ਕਲੈਕਸ਼ਨ 125 ਕਰੋੜ ਰੁਪਏ ਨੂੰ ਪਾਰ ਕਰ ਗਿਆ ਹੈ।
ਦੋ ਦਿਨਾਂ ਦੀ ਕਮਾਈ 'ਤੇ ਨਜ਼ਰ ਮਾਰੀਏ ਤਾਂ ਭਾਰਤ 'ਚ ਪਹਿਲੇ ਦਿਨ ਇਸ ਨੇ 22.5 ਕਰੋੜ ਰੁਪਏ ਦੀ ਓਪਨਿੰਗ ਕੀਤੀ ਸੀ। ਜਦੋਂ ਕਿ ਦੁਨੀਆ ਭਰ ਵਿੱਚ ਇਹ ਅੰਕੜਾ 36.04 ਕਰੋੜ ਤੱਕ ਪਹੁੰਚ ਗਿਆ ਹੈ। ਦੂਜੇ ਦਿਨ ਫਿਲਮ ਨੇ ਭਾਰਤ 'ਚ 39 ਕਰੋੜ ਰੁਪਏ ਦੀ ਕਮਾਈ ਕੀਤੀ, ਜਿਸ ਤੋਂ ਬਾਅਦ ਦੁਨੀਆ ਭਰ 'ਚ ਇਹ ਅੰਕੜਾ 96 ਕਰੋੜ ਰੁਪਏ ਤੱਕ ਪਹੁੰਚ ਗਿਆ। ਧਿਆਨਯੋਗ ਹੈ ਕਿ ਫਾਈਟਰ ਤੋਂ ਇਲਾਵਾ ਦੱਖਣ ਦੀ ਮਲਾਇਕੋਟਾਈ ਵਾਲਿਬਨ ਅਤੇ ਸਿੰਗਾਪੁਰ ਸੈਲੂਨ ਵੀ ਬਾਕਸ ਆਫਿਸ 'ਤੇ ਰਿਲੀਜ਼ ਹੋਈਆਂ ਸਨ। ਹਾਲਾਂਕਿ ਦੋਵੇਂ ਫਿਲਮਾਂ ਫਾਈਟਰ ਤੋਂ ਕਾਫੀ ਪਿੱਛੇ ਹਨ। ਪਰ ਇਹ ਬਾਕਸ ਆਫਿਸ 'ਤੇ ਲਗਾਤਾਰ ਕਮਾਈ ਕਰ ਰਹੀ ਹੈ। ਇਨ੍ਹਾਂ ਤੋਂ ਇਲਾਵਾ ਸਲਾਰ, ਡੰਕੀ, ਗੁੰਟੂਰ ਕਰਮ, ਹਨੂ ਮੈਨ ਅਤੇ ਕੈਪਟਨ ਮਿਲਰ ਵਰਗੀਆਂ ਫਿਲਮਾਂ ਵੀ ਚੰਗੀ ਕਮਾਈ ਕਰਦੀਆਂ ਨਜ਼ਰ ਆ ਰਹੀਆਂ ਹਨ।
