Last Updated :
12 October 2023, 05:23 PM IST
ਆਪਣੀ ਫਿਲਮ ਕੁਛ ਕੁਛ ਹੋਤਾ ਹੈ ਦੀ 25ਵੀਂ ਵਰ੍ਹੇਗੰਢ ਤੋਂ ਪਹਿਲਾਂ ਫਿਲਮ ਨਿਰਮਾਤਾ ਕਰਨ ਜੌਹਰ ਨੇ ਗੀਤ “ਤੁਝੇ ਯਾਦ ਨਾ ਮੇਰੀ ਆਈ” ਦੇ ਰੀਮੇਕ ਦਾ ਐਲਾਨ ਕੀਤਾ ਹੈ। ਸੋਨੀ ਮਿਊਜ਼ਿਕ ਨੇ ਇਸ ਸੈਡ ਗੀਤ ਨੂੰ ਦੁਬਾਰਾ ਰੀਕ੍ਰਿਏਟ ਕੀਤਾ ਹੈ। ਬੀ ਪਰਾਕ ਗੀਤ ਗਾਉਣ ਲਈ ਤਿਆਰ ਹੈ। ਕਰਨ ਜੌਹਰ ਨੇ ਇਹ ਖਬਰ ਆਪਣੇ ਇੰਸਟਾਗ੍ਰਾਮ ਸਟੋਰੀਜ਼ ਤੇ ਸ਼ੇਅਰ ਕੀਤੀ ਹੈ। ਉਸਨੇ ਲਿਖਿਆ ਕਿ ਜੇ ਤੁਸੀਂ ਕੋਈ ਸੁਪਨਾ ਆਪਣੇ ਪੂਰੇ ਦਿਲ ਨਾਲ ਦੇਖਦੇ ਹੋ, ਤਾਂ ਸੁਪਨਾ ਸੱਚ ਹੋਣਾ ਸ਼ੁਰੂ ਹੋ ਜਾਂਦਾ ਹੈ ਅਤੇ ਉਹ ਸੱਚ ਹੁੰਦਾ ਹੈ। ਮੈਨੂੰ ਇਹ ਐਲਾਨ ਕਰਦੇ ਹੋਏ ਬਹੁਤ ਖੁਸ਼ੀ ਹੋ ਰਹੀ ਹੈ ਕਿ ਮੈਨੂੰ “ਕੁਛ ਕੁਛ ਹੋਤਾ ਹੈ” ਦੇ ਗੀਤ ਦਾ ਰੀਮੇਕ ਬਣਾਉਣ ਦਾ ਲਈ ਸਨਮਾਨ ਮਿਲਿਆ ਹੈ। ਮੈਨੂੰ ਉਮੀਦ ਹੈ ਕਿ ਤੁਹਾਨੂੰ ਸਾਡੀਆਂ ਕੋਸ਼ਿਸ਼ਾਂ ਪਸੰਦ ਆਉਣਗੀਆਂ। ਮੇਰਾ ਇੱਕੋ ਇੱਕ ਸੁਪਨਾ ਹੈ ਕਿ ਇਸ ਜਾਦੂਈ ਗੀਤ ਨੂੰ ਆਪਣੀ ਸ਼ੈਲੀ ਵਿੱਚ ਗਾਉਣਾ ਅਤੇ ਦੁਬਾਰਾ ਬਣਾਉਣਾ। ਉਸਨੇ ਅੱਗੇ ਕਿਹਾ ਕਿ ਮੇਰੀ ਬੇਨਤੀ ਨੂੰ ਸਵੀਕਾਰ ਕਰਨ ਅਤੇ ਸਾਡੇ ਤੇ ਭਰੋਸਾ ਕਰਨ ਲਈ ਧੰਨਵਾਦ। ਇਹ ਗੀਤ ਅਸਲ ਵਿੱਚ ਅਲਕਾ ਯਾਗਨਿਕ, ਮਨਪ੍ਰੀਤ ਅਖ਼ਤਰ ਅਤੇ ਉਦਿਤ ਨਰਾਇਣ ਦੁਆਰਾ ਗਾਇਆ ਗਿਆ ਸੀ। “ਕੁਛ ਕੁਛ ਹੋਤਾ ਹੈ” ਦੇ ਗੀਤ ਜਤਿਨ-ਲਲਿਤ ਦੁਆਰਾ ਤਿਆਰ ਕੀਤੇ ਗਏ ਸਨ ਅਤੇ ਗੀਤ ਸਮੀਰ ਦੁਆਰਾ ਲਿਖੇ ਗਏ ਸਨ। ਸਾਰੇ ਗੀਤ 1998 ਵਿੱਚ ਚਾਰਟ ਵਿੱਚ ਸਿਖਰ ਤੇ ਸੀ। “ਤੁਝੇ ਯਾਦ ਨਾ ਮੇਰੀ ਆਈ” ਸਾਰੀ ਐਲਬਮ ਵਿੱਚ ਇੱਕੋ ਇੱਕ ਉਦਾਸ ਗੀਤ ਸੀ।
ਸ਼ਾਹਰੁਖ ਖਾਨ, ਰਾਣੀ ਮੁਖਰਜੀ, ਅਤੇ ਕਾਜੋਲ ਦੀ ਇਹ ਫ਼ਿਲਮ ਨੂੰ 16 ਅਕਤੂਬਰ ਨੂੰ 25 ਸਾਲ ਦੀ ਹੋ ਗਈ ਹੈ। ਇਸਨੇ ਕਈ ਪੁਰਸਕਾਰ ਜਿੱਤੇ ਅਤੇ ਦਰਸ਼ਕਾਂ ਅਤੇ ਆਲੋਚਕਾਂ ਵੱਲੋਂ ਵੀ ਇਸ ਨੂੰ ਬਹੁਤ ਵਧੀਆ ਹੁੰਗਾਰਾ ਮਿਲਿਆ। ਫ਼ਿਲਮ ਵਿੱਚ ਸਲਮਾਨ ਖਾਨ, ਅਨੁਪਮ ਖੇਰ, ਜੌਨੀ ਲੀਵਰ ਅਤੇ ਅਰਚਨਾ ਪੂਰਨ ਸਿੰਘ ਦੀਆਂ ਵੀ ਅਹਿਮ ਭੂਮਿਕਾਵਾਂ ਸਨ। ਜ਼ਿਆਦਾਤਰ ਪ੍ਰਸ਼ੰਸਕ ਗੀਤ ਨੇ ਨਵੇਂ ਸੰਸਕਰਣ ਨੂੰ ਲੈ ਕੇ ਉਤਸ਼ਾਹਿਤ ਹਨ। ਉਨ੍ਹਾਂ ਵਿੱਚੋਂ ਇੱਕ ਨੇ ਲਿਖਿਆ ਤੁਝੇ ਯਾਦ ਬਚਪਨ ਤੋਂ ਹੀ ਮੇਰੀ ਪਸੰਦੀਦਾ ਰਿਹਾ ਹੈ। ਇਸ ਲਈ ਉਤਸ਼ਾਹਿਤ ਹਾਂ। ਇੱਕ ਹੋਰ ਨੇ ਟਿੱਪਣੀ ਕੀਤੀ ਮੇਰੇ ਦਿਮਾਗ ਵਿੱਚ ਯਾਦਾਂ ਦੀ ਚਮਕ ਤਾਜ਼ੀ ਹੋ ਉਠੀ ਹੈ। ਇਕ ਹੋਰ ਨੇ ਲਿਖਿਆ ਇਹ ਬਹੁਤ ਸਾਰੀਆਂ ਯਾਦਾਂ ਵਾਪਸ ਲਿਆਉਣ ਵਾਲਾ ਹੈ। ਕੇਵਲ ਪ੍ਰਾਕ ਹੀ ਇਸ ਦਿਲ ਨੂੰ ਹਿਲਾ ਦੇਣ ਵਾਲੇ ਗੀਤ ਨੂੰ ਗਾ ਸਕਦਾ ਹੈ ਅਤੇ ਇਸ ਨੂੰ ਰੂਹ ਨੂੰ ਹਿਲਾ ਦੇਣ ਵਾਲਾ ਸਮਾਂ ਬਣਾ ਸਕਦਾ ਹੈ। ਹਾਲਾਂਕਿ ਉਨ੍ਹਾਂ ਵਿੱਚੋਂ ਕੁਝ ਜ਼ਿਆਦਾ ਉਤਸ਼ਾਹਿਤ ਨਹੀਂ ਸਨ। ਜੋ ਲਿੱਖਦੇ ਹਨ ਕਿ ਰੱਬ ਦੀ ਖ਼ਾਤਰ ਇਸ ਸੁੰਦਰ ਗੀਤ ਨੂੰ ਖਰਾਬ ਨਾ ਕਰੋ।
