Last Updated :
07 August 2026, 05:01 PM IST
Courtesy: instagram@malaikaaroraofficial
ਨਵੀਂ ਦਿੱਲੀ: ਮਲਾਇਕਾ ਅਰੋੜਾ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਹੈ, ਜੋ ਆਪਣੀ ਪੇਸ਼ੇਵਰ ਅਤੇ ਨਿੱਜੀ ਜਿੰਦਗੀ ਤੋਂ ਜ਼ਿਆਦਾ ਆਪਣੇ ਰਿਲੇਸ਼ਨਸ਼ਿਪ ਨੂੰ ਲੈ ਕੇ ਖ਼ਬਰਾਂ 'ਚ ਰਹਿੰਦੀ ਹੈ। ਅਰਬਾਜ ਖਾਨ ਤੋਂ ਤਲਾਕ ਤੋਂ ਬਾਅਦ ਉਹ ਅਰਜੁਨ ਕਪੂਰ ਨਾਲ ਕਾਫ਼ੀ ਲੰਬੇ ਸਮੇਂ ਤੱਕ ਰਿਲੇਸ਼ਨਸ਼ਿਪ 'ਚ ਰਹੀ ਅਤੇ ਆਖਿਰ ਦੋਵਾਂ ਦਾ ਤਲਾਕ ਹੋ ਗਿਆ। ਅਰਜੁਨ ਤੋਂ ਵੱਖ ਹੋਣ ਤੋਂ ਬਾਅਦ ਕਿਹਾ ਜਾ ਰਿਹਾ ਹੈ ਕਿ ਹੁਣ ਮਲਾਇਕਾ 19 ਸਾਲ ਛੋਟੇ ਹੀਰਾ ਵਪਾਰੀ ਹਰਸ਼ ਮਹਿਤਾ ਨੂੰ ਡੇਟ ਕਰ ਰਹੀ ਹੈ। ਸੋਸ਼ਲ ਮੀਡੀਆ 'ਤੇ ਕਈ ਬਾਰ ਦੋਵਾਂ ਨੂੰ ਇੱਕਠਿਆਂ ਦੇਖਿਆ ਗਿਆ ਹੈ। ਮਲਾਇਕਾ ਆਪਣੇ ਤੋਂ 19 ਸਾਲ ਛੋਟੇ ਵਪਾਰੀ ਨੂੰ ਕਿਉਂ ਡੇਟ ਕਰ ਰਹੀ ਹੈ, ਹਾਲ ਹੀ 'ਚ ਇੱਕ ਪੱਤਰਕਾਰ ਨੇ ਇਸ ਗੱਲ ਦਾ ਖੁਲਾਸਾ ਕੀਤਾ।
ਹਾਲ ਹੀ 'ਚ ਇੱਕ ਪੋਡਕਾਸਟ 'ਚ ਇੱਕ ਸੀਰੀਅਰ ਪੱਤਰਕਾਰ ਨੇ ਮਲਾਇਕਾ ਅਰੋੜਾ ਦੀ ਡੇਟਿੰਗ ਨੂੰ ਲੈ ਕੇ ਗੱਲਬਾਤ ਕੀਤੀ। ਉਨ੍ਹਾਂ ਕਿਹਾ ਕਿ ਅਜਿਹਾ ਨਹੀਂ ਹੈ ਕਿ ਸਿਰਫ਼ ਮਹਿਲਾਵਾਂ ਹੀ ਛੋਟੇ ਲੜਕਿਆਂ ਨੂੰ ਡੇਟ ਕਰਦੀਆਂ ਹਨ। ਮਰਦ ਵੀ ਆਪਣੇ ਤੋਂ 20 ਸਾਲ ਛੋਟੀ ਲੜਕੀ ਨੂੰ ਡੇਟ ਕਰਦੇ ਹਨ ਅਤੇ ਉਨ੍ਹਾਂ ਨਾਲ ਵਿਆਹ ਵੀ ਕਰਦੇ ਹਨ। ਜੋ ਪੁਰਸ਼ ਆਪਣੇ ਤੋਂ ਘੱਟ ਉਮਰ ਦੀ ਕੁੜੀਆਂ ਨੂੰ ਡੇਟ ਕਰਨਾ ਚਾਹੁੰਦੇ ਹਨ, ਉਹ ਅਸੁਰੱਖਿਤ ਹੁੰਦੇ ਹਨ।
ਉਨ੍ਹਾਂ ਕਿਹਾ ਕਿ ਮਲਾਇਕਾ ਆਪਣੀ ਉਮਰ ਤੋਂ ਵੱਡੇ ਲੋਕਾਂ ਨੂੰ ਇਸ ਲਈ ਡੇਟ ਨਹੀਂ ਕਰ ਰਹੀ, ਕਿਉਂਕਿ ਉਹ ਹੁਣ ਸਮਝਦਾਰ ਹੋ ਗਈ ਹੈ। ਉਹ ਆਪਣੀ ਦੇਖਭਾਲ ਖੁਦ ਕਰ ਸਕਦੀ ਹੈ। ਉਹ ਵਧੀਆ ਕਮਾ ਰਹੀ ਹੈ। ਜੇਕਰ ਉਨ੍ਹਾਂ ਦੀ ਉਮਰ ਤੋਂ ਕੋਈ ਵੱਡਾ ਲੜਕਾ ਹੋਵੇਗਾ ਤਾਂ ਉਨ੍ਹਾਂ ਨੂੰ ਜ਼ਿਆਦਾ ਸਵਾਲ ਜਵਾਬ ਕਰਨਾ ਪਸੰਦ ਨਹੀਂ ਹੋਵੇਗਾ। ਹੋ ਸਕਦਾ ਹੈ ਕਿ ਉਨ੍ਹਾਂ ਦੀ ਉਮਰ ਦਾ ਪੁਰਸ਼ 30 ਸਾਲ ਛੋਟੀ ਲੜਕੀ ਨੂੰ ਡੇਟ ਕਰ ਰਿਹਾ ਹੋਵੇ। ਤਾਂ ਉਹ ਕਿਉਂ ਆਪਣੀ ਉਮਰ ਤੋਂ ਵੱਡੇ ਸ਼ਖਸ ਨੂੰ ਡੇਟ ਕਰੇਗੀ।
ਪੱਤਰਕਾਰ ਨੇ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਉਨ੍ਹਾਂ ਨੂੰ ਆਪਣੇ ਲੈਵਲ ਦਾ ਬੰਦਾ ਨਹੀਂ ਮਿਲ ਰਿਹਾ,ਇਸ ਲਈ ਉਹ ਛੋਟੇ ਲੜਕਿਆਂ ਨੂੰ ਡੇਟ ਕਰ ਰਹੀ ਹੈ। ਉਹ ਇੱਕ ਆਤਮਨਿਰਭਰ ਮਹਿਲਾ ਹੈ। ਹੋ ਸਕਦਾ ਹੈ ਕਿ ਲੋਕ ਉਨ੍ਹਾਂ ਸਾਹਮਣੇ ਖੁਦ ਨੂੰ ਛੋਟਾ ਮਹਿਸੂਸ ਕਰਦੇ ਹੋਣ, ਕਿਉਂਕਿ ਪੁਰਸ਼ਾਂ ਵਿੱਚ ਵੀ ਈਗੋ ਭਾਵਨਾ ਹੁੰਦੀ ਹੈ। ਜੋ ਲੋਕ ਆਪਣੀ ਜਿੰਦਗੀ ਨੂੰ ਲੈ ਕੇ ਜ਼ਿਆਦਾ ਸੁਰੱਖਿਅਤ ਹੁੰਦੇ ਹਨ, ਉਨ੍ਹਾਂ ਨੂੰ ਮਲਾਇਕਾ ਵਰਗੀ ਲੜਕੀ ਪਸੰਦ ਆਉਂਦੀ ਹੈ। ਅਜਿਹੀ ਲੜਕੀ ਜੋ ਉਨ੍ਹਾਂ ਨਾਲੋਂ ਜ਼ਿਆਦਾ ਸਫਲ ਹੋਵੇ। ਮੈਨੂੰ ਲੱਗਦਾ ਸ਼ਾਇਦ ਮਲਾਇਕਾ ਦੇ ਕੇਸ 'ਚ ਵੀ ਅਜਿਹਾ ਹੋਵੇਗਾ।
ਹਾਲਾਂਕਿ, ਮਲਾਇਕਾ ਅਰੋੜਾ ਨੇ ਅਜੇ ਤੱਕ ਹਰਸ਼ ਮੇਹਤਾ ਦੇ ਨਾਲ ਆਪਣੇ ਰਿਸ਼ਤੇ ਦੀ ਪੁਸ਼ਟੀ ਨਹੀਂ ਕੀਤੀ ਹੈ।
ਦੱਸ ਦੇਈਏ, ਹਰਸ਼ ਮੇਹਤਾ ਇੱਕ ਬਿਜਨਸਮੈਨ ਹਨ। ਉਹ 33 ਸਾਲ ਦੇ ਹਨ ਅਤੇ ਮੁੰਬਈ ਦੇ ਇੱਕ ਅਮੀਰ ਪਰਿਵਾਰ ਤੋਂ ਤਾਲੁਕ ਰੱਖਦੇ ਹਨ। ਉਨ੍ਹਾਂ ਬਾਰੇ ਕਿਹਾ ਜਾਂਦਾ ਹੈ ਕਿ ਮੁੰਬਈ 'ਚ ਹਰਸ਼ ਦਾ ਵੱਡਾ ਹੀਰਿਆਂ ਦਾ ਕਾਰੋਬਾਰ ਹੈ। ਉਹ ਸੈਂਕਸ ਮੈਨੇਜਮੇਂਟ ਦੇ ਮੈਨੇਜਿੰਗ ਡਾਇਰੇਕਟਰ ਵੀ ਹਨ।
ਮਲਾਇਕਾ ਅਰੋੜਾ ਦੀ ਨੈਟਵਰਥ 100 ਕਰੋੜ ਰੁਪਏ ਹੈ। ਉਹ ਟੀਵੀ ਰਿਐਲਟੀ ਸ਼ੋਅ 'ਚ ਜੱਜ ਬਣਨ ਲਈ ਇੱਕ ਐਪੀਸੋਡ ਦੀ 6 ਤੋਂ 8 ਲੱਖ ਰੁਪਏ ਫੀਸ ਲੈਂਦੀ ਹੈ। ਇਸਤੋਂ ਇਲਾਵਾ ਉਹ ਫਿਲਮਾਂ 'ਚ ਆਈਟਮ ਗਾਣੇ ਲਈ 90 ਲੱਖ ਰੁਪਏ ਲੈਂਦੀ ਹੈ। ਇਸਤੋਂ ਇਲਾਵਾ, ਮਲਾਇਕਾ ਪ੍ਰਚਾਰਾਂ ਤੋਂ ਵੀ ਵਧੀਆ ਕਮਾਉਂਦੀ ਹੈ।
