Last Updated :
07 June 2026, 09:51 AM IST
Courtesy: @vdsatheesan
ਦਿਲੀ ਮਨੋਰੰਜਨ ਜਗਤ ਤੋਂ ਹਾਲ ਹੀ 'ਚ ਇੱਕ ਬੇਹਦ ਦੁੱਖਦ ਖ਼ਬਰ ਸਾਹਮਣੇ ਆਈ ਹੈ। ਮਸ਼ਹੂਰ ਅਦਾਕਾਰ ਸਲੀਮ ਕੁਮਾਰ ਹੁਣ ਇਸ ਦੁਨੀਆ ਵਿੱਚ ਨਹੀਂ ਰਹੇ। ਉਹਨਾਂ ਦਾ 56 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਉਹਨਾਂ ਦਾ ਇਸ ਦੁਨੀਆਂ ਤੋਂ ਜਾਣਾ ਫ਼ਿਲਮ ਇੰਡਸਟਰੀ ਲਈ ਇੱਕ ਵੱਡਾ ਝਟਕਾ ਹੈ। ਉਹਨਾਂ ਦੇ ਦੇਹਾਂਤ ਨਾਲ ਨਾ ਸਿਰਫ਼ ਫ਼ਿਲਮ ਇੰਡਸਟਰੀ 'ਚ ਸੋਗ ਦੀ ਲਹਿਰ ਹੈ, ਬਲਕਿ ਫੈਂਸ ਵੀ ਕਾਫੀ ਉਦਾਸ ਹੋ ਗਏ ਹਨ।
ਵੈਂਟੀਲੇਟਰ ਸਪੋਰਟ ਤੇ ਸਨ ਸਲੀਮ ਕੁਮਾਰ
ਦਰਅਸਲ, ਸਲੀਮ ਕੁਮਾਰ ਦੀ ਤਬੀਅਤ ਪਿੱਛਲੇ ਕੁੱਝ ਦਿਨਾਂ ਤੋਂ ਠੀਕ ਨਹੀਂ ਸੀ। ਫਿਰ ਅਚਾਨਕ ਸ਼ਨੀਵਾਰ ਨੂੰ ਅਦਾਕਾਰ ਦੀ ਹਾਲਤ ਜ਼ਿਆਦਾ ਖ਼ਰਾਬ ਹੋ ਗਈ ਤੇ ਉਹਨਾਂ ਨੂੰ ਕੋਚੀ ਦੇ ਇੱਕ ਪ੍ਰਾਇਵੇਟ ਹਸਪਤਾਲ ਵਿੱਚ ਭਰਤੀ ਕਰਾਇਆ ਗਿਆ, ਜਿੱਥੇ ਉਹਨਾਂ ਨੂੰ ਵੈਂਟੀਲੇਟਰ ਸਪੋਰਟ ਤੇ ਰੱਖਿਆ ਗਿਆ। ਹਾਲਾਂਕਿ, ਲੱਖ ਕੋਸ਼ਿਸ਼ਾਂ ਦੇ ਬਾਦ ਵੀ ਉਹਨਾਂ ਨੂੰ ਬਚਾਇਆ ਨਹੀਂ ਜਾ ਸਕਿਆ ਤੇ ਉਹ ਪ੍ਰਲੋਕ ਸਿਧਾਰ ਗਏ।
ਮਿਲ ਚੁੱਕਿਆ ਹੈ ਨੈਸ਼ਨਲ ਅਵਾਰਡ
ਦਸ ਦੱਈਏ ਸਲੀਮ ਕੁਮਾਰ ਨੂੰ ਸਾਲ 2010 ਵਿੱਚ ਪ੍ਰਸ਼ੰਸਾਯੋਗ ਫਿਲਮ 'ਆਦਮਿੰਤੇ ਮਕਾਨ ਅਬੂ' ਲਈ ਸਰਬੋਤਮ ਅਦਾਕਾਰ ਦਾ ਰਾਸ਼ਟਰੀ ਫਿਲਮ ਪੁਰਸਕਾਰ ਮਿਲਿਆ ਸੀ। ਉਨ੍ਹਾਂ ਨੂੰ ਚਾਰ ਵਾਰ ਕੇਰਲ ਰਾਜ ਫਿਲਮ ਪੁਰਸਕਾਰ ਨਾਲ ਵੀ ਸਨਮਾਨਿਤ ਕੀਤਾ ਗਿਆ ਸੀ। ਉਨ੍ਹਾਂ ਦਾ ਪੁੱਤਰ, ਚੰਦੂ ਸਲੀਮ ਕੁਮਾਰ, ਵੀ ਇੱਕ ਅਦਾਕਾਰ ਹੈ।
ਕਾਮੇਡੀ ਰੋਲਸ ਵਿੱਚ ਕਿੰਗ ਸਨ ਸਲੀਮ ਕੁਮਾਰ
ਸਲੀਮ ਮੁੱਖ ਤੌਰ 'ਤੇ ਇੱਕ ਕਾਮੇਡੀ ਅਦਾਕਾਰ ਸੀ ਜਿਸਨੇ ਮਲਿਆਲਮ ਸਿਨੇਮਾ ਦੀਆਂ ਕੁਝ ਸਭ ਤੋਂ ਵੱਡੀਆਂ ਕਾਮੇਡੀ ਬਲਾਕਬਸਟਰ ਫਿਲਮਾਂ ਵਿੱਚ ਅਭਿਨੈ ਕੀਤਾ ਸੀ। ਮਲਿਆਲੀ ਅੱਜ ਵੀ ਆਪਣੀ ਰੋਜ਼ਾਨਾ ਗੱਲਬਾਤ ਵਿੱਚ ਉਹਨਾਂ ਦੇ ਕਾਮਿਕ ਸੰਵਾਦਾਂ ਦੀ ਵਰਤੋਂ ਅਕਸਰ ਕਰਦੇ ਹਨ।
1997 ਵਿੱਚ ਸ਼ੁੁਰੂ ਕੀਤਾ ਸੀ ਕਰਿਅਰ
ਫਿਲਮ ਉਦਯੋਗ ਵਿੱਚ ਆਉਣ ਤੋਂ ਪਹਿਲਾਂ, ਸਲੀਮ ਕੁਮਾਰ ਨੇ ਨਾਟਕਾਂ ਵਿੱਚ ਪ੍ਰਦਰਸ਼ਨ ਕੀਤਾ ਅਤੇ ਨਕਲ ਕੀਤੀ। ਉਹਨਾਂ ਨੇ 1997 ਵਿੱਚ ਆਪਣਾ ਫਿਲਮੀ ਕਰੀਅਰ ਸ਼ੁਰੂ ਕੀਤਾ ਤੇ ਸੀ.ਆਈ.ਡੀ. ਮੂਸਾ ਅਤੇ ਪੁਲੀਵਲ ਕਲਿਆਣਮ ਵਰਗੀਆਂ ਫਿਲਮਾਂ ਨਾਲ ਵੱਡੀਆਂ ਹਿੱਟ ਫਿਲਮਾਂ ਦਿੱਤੀਆਂ। ਇਹ ਫਿਲਮਾਂ ਹਿੰਦੀ ਡਬਿੰਗ, ਯੂਟਿਊਬ ਅਤੇ ਟੈਲੀਵਿਜ਼ਨ ਰਾਹੀਂ ਉੱਤਰੀ ਭਾਰਤ ਦੇ ਦਰਸ਼ਕਾਂ ਤੱਕ ਵੀ ਪਹੁੰਚੀਆਂ।
ਦੱਸ ਦੇਈਏ, ਸਲੀਮ ਕੁਮਾਰ ਕਾਂਗਰਸ ਪਾਰਟੀ ਦੇ ਇੱਕ ਸਪੱਸ਼ਟ ਸਮਰਥਕ ਸਨ। ਨਾਜ਼ੁਕ ਹਾਲਤ ਦੇ ਬਾਵਜੂਦ ਵੀ ਉਨ੍ਹਾਂ ਨੇ ਪਿਛਲੀਆਂ ਵਿਧਾਨ ਸਭਾ ਚੋਣਾਂ ਦੌਰਾਨ ਕਾਂਗਰਸ ਦੀ ਅਗਵਾਈ ਵਾਲੀ ਯੂਡੀਐਫ ਲਈ ਸਰਗਰਮੀ ਨਾਲ ਪ੍ਰਚਾਰ ਕੀਤਾ ਸੀ। ਉਨ੍ਹਾਂ ਨੂੰ ਕਈ ਮੌਕਿਆਂ 'ਤੇ ਇਸਦੇ ਨੇਤਾਵਾਂ ਨਾਲ ਦੇਖਿਆ ਗਿਆ ਸੀ ਅਤੇ ਉਨ੍ਹਾਂ ਨੇ ਐਲਡੀਐਫ ਲੀਡਰਸ਼ਿਪ ਦੀ ਆਲੋਚਨਾ ਵੀ ਕੀਤੀ ਸੀ।
