Last Updated :
19 January 2024, 01:58 PM IST
'ਪੁਸ਼ਪਾ: ਦ ਰਾਈਜ਼' ਦੇ ਜ਼ਬਰਦਸਤ ਹਿੱਟ ਹੋਣ ਤੋਂ ਬਾਅਦ ਹੁਣ ਦਰਸ਼ਕਾਂ ਨੂੰ ਇਸਦੇ ਦੂਸਰੇ ਭਾਗ 'ਪੁਸ਼ਪਾ 2: ਦ ਰੂਲ' ਦਾ ਬੇਸਬਰੀ ਨਾਲ ਇੰਤਜ਼ਾਰ ਹੈ। ਇਸ ਫਿਲਮ ਬਾਰੇ ਕਈ ਗੱਲਾਂ ਸਾਹਮਣੇ ਆ ਰਹੀਆਂ ਹਨ। ਹੁਣ ਫਿਲਮ ਦੀ ਅਦਾਕਾਰਾ ਰਸ਼ਮੀਕਾ ਮੰਦਾਨਾ ਨੇ ਫਿਲਮ ਬਾਰੇ ਕਈ ਰੋਚਕ ਜਾਣਕਾਰੀਆਂ ਸਾਂਝੀਆਂ ਕੀਤੀਆਂ ਹਨ। ਰਸ਼ਮੀਕਾ ਨੇ ਦੱਸਿਆ ਕਿ ਇਹ ਫਿਲਮ ਆਪਣੇ ਪਹਿਲੇ ਪਾਰਟ ਤੋਂ ਵੀ ਵੱਡੀ ਹੋਣ ਜਾ ਰਹੀ ਹੈ। ਉਹ ਇਸ ਫਿਲਮ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹੈ।
ਇੱਕ ਗੀਤ ਸ਼ੂਟ
ਉਨ੍ਹਾ ਦਾ ਕਹਿਣਾ ਹੈ ਕਿ 'ਮੈਂ ਤੁਹਾਡੇ ਨਾਲ ਵਾਅਦਾ ਕਰ ਸਕਦੀ ਹਾਂ ਕਿ 'ਪੁਸ਼ਪਾ 2' ਬਹੁਤ ਵੱਡੀ ਹੋਣ ਵਾਲੀ ਹੈ। ਸਾਰੇ ਜਾਣਦੇ ਹਨ ਕਿ ਲੋਕਾਂ ਨੂੰ ਫਿਲਮ ਤੋਂ ਬਹੁਤ ਉਮੀਦਾਂ ਹਨ। ਉਸਨੇ ਫਿਲਮ ਲਈ ਇੱਕ ਗੀਤ ਸ਼ੂਟ ਕੀਤਾ ਹੈ। ਇਹ ਇੱਕ ਅਜਿਹੀ ਕਹਾਣੀ ਹੈ ਜਿਸਦਾ ਕੋਈ ਅੰਤ ਨਹੀਂ ਹੈ। ਇਹ ਫਿਲਮ ਕਾਫੀ ਮਜ਼ੇਦਾਰ ਹੋਣ ਵਾਲੀ ਹੈ'। ਅਭਿਨੇਤਰੀ ਤੋਂ ਪੁੱਛਿਆ ਗਿਆ ਕਿ ਕੀ ਇਸ ਦਾ ਸੀਕਵਲ ਸਿਨੇਮਾਘਰਾਂ 'ਚ ਆਉਣ ਤੋਂ ਪਹਿਲਾਂ ਕੀ ਟੀਮ 'ਤੇ ਕੋਈ ਦਬਾਅ ਸੀ। ਇਸ 'ਤੇ ਰਸ਼ਮਿਕਾ ਨੇ ਕਿਹਾ, 'ਕੋਈ ਦਬਾਅ ਨਹੀਂ ਹੈ। ਜਦੋਂ ਮੈਂ ਪਹਿਲੀ ਫਿਲਮ ਦੇਖਦੀ ਹਾਂ, ਤਾਂ ਮੈਨੂੰ ਲੱਗਦਾ ਹੈ ਕਿ ਮੈਨੂੰ ਕਮਰ ਕੱਸ ਲੈਣੀ ਚਾਹੀਦਾ ਹੈ। 'ਪੁਸ਼ਪਾ 2' 'ਚ ਮੇਰੇ ਕਿਰਦਾਰ ਨੂੰ ਲੈ ਕੇ ਕਾਫੀ ਸੋਚਿਆ ਗਿਆ ਹੈ। ਮੈਂ ਇਸ ਲਈ ਉਤਸ਼ਾਹਿਤ ਹਾਂ, ਪਰ ਘਬਰਾਈ ਹੋਈ ਨਹੀਂ ਹਾਂ।
OTT 'ਤੇ ਵੀ ਹੋਵੇਗੀ ਰਿਲੀਜ਼
ਹਾਲ ਹੀ ਵਿੱਚ ਇਹ ਖਬਰ ਆਈ ਸੀ ਕਿ ਅੱਲੂ ਅਰਜੁਨ ਅਤੇ ਰਸ਼ਮਿਕਾ ਮੰਡਾਨਾ ਸਟਾਰਰ ਫਿਲਮ 'ਪੁਸ਼ਪਾ 2: ਦ ਰੂਲ' ਆਪਣੀ ਥੀਏਟਰਿਕ ਰਿਲੀਜ਼ ਤੋਂ ਬਾਅਦ OTT ਪਲੇਟਫਾਰਮ Netflix 'ਤੇ ਸਟ੍ਰੀਮ ਹੋਣ ਜਾ ਰਹੀ ਹੈ। ਹੁਣ ਨੈੱਟਫਲਿਕਸ ਨੇ ਖੁਦ ਆਪਣੇ ਸੋਸ਼ਲ ਮੀਡੀਆ ਹੈਂਡਲ 'ਤੇ ਇਹ ਜਾਣਕਾਰੀ ਸਾਂਝੀ ਕੀਤੀ ਹੈ।
