Last Updated :
01 August 2026, 12:53 PM IST
Courtesy: X@BeingSalmanKhan
ਮੁੰਬਈ: ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾਨ ਇਨ੍ਹੀਂ ਦਿਨਾਂ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਐਕਟਿਵ ਨਜ਼ਰ ਆ ਰਹੇ ਹਨ। ਉਹ ਅਕਸਰ ਆਪਣੀਆਂ ਤਸਵੀਰਾਂ ਅਤੇ ਨਿੱਜੀ ਪਲਾਂ ਨੂੰ ਪ੍ਰਸ਼ੰਸਕਾਂ ਨਾਲ ਸਾਂਝਾ ਕਰਦੇ ਰਹਿੰਦੇ ਹਨ। ਹਾਲ ਹੀ ਵਿੱਚ ਉਨ੍ਹਾਂ ਨੇ ਇੱਕ ਅਜਿਹੀ ਪੋਸਟ ਕੀਤੀ, ਜਿਸ ਨੇ ਫੈਨਜ਼ ਦਾ ਦਿਲ ਜਿੱਤ ਲਿਆ। ਇਸ ਪੋਸਟ ਵਿੱਚ ਉਨ੍ਹਾਂ ਨੇ ਅਦਾਕਾਰ ਸੰਜੇ ਦੱਤ ਲਈ ਆਪਣਾ ਪਿਆਰ ਜ਼ਾਹਿਰ ਕੀਤਾ। ਉਨ੍ਹਾਂ ਦੇ ਇਸ ਪੋਸਟ ਨੂੰ ਫੈਨਜ਼ ਦੇ ਖੂਬ ਲਾਈਕ ਮਿਲ ਰਹੇ ਹਨ।
ਸਲਮਾਨ ਖਾਨ ਨੇ ਅੱਧੀ ਰਾਤ ਨੂੰ ਆਪਣੇ ਐਕਸ ਹੈਂਡਲ ‘ਤੇ ਜੋ ਤਸਵੀਰ ਸਾਂਝਾ ਕੀਤੀ, ਉਸ ਵਿੱਚ ਉਹ ਸੰਜੇ ਦੱਤ ਨਾਲ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਦੋਵੇਂ ਇੱਕ-ਦੂਜੇ ਨੂੰ ਘੁੱਟ ਕੇ ਗਲੇ ਲਗਾਉਂਦੇ ਹੋਏ ਦਿਖਾਈ ਦੇ ਰਹੇ ਹਨ ਅਤੇ ਦੋਵੇਂ ਕਾਲੇ ਰੰਗ ਦੇ ਲਿਬਾਸ ਵਿੱਚ ਨਜ਼ਰ ਆ ਰਹੇ ਹਨ।
Babaaaa for ever baba aur baba ,baba hota hai. Sanju baba hai hum sab ka baba n Sanju baba now apne bacchon ka baba , mera bada bhai Sanjay Dutt, Allah,Bhagwan Jesus sab iss Aadhmi ko khush rakhain, I love you Baba. pic.twitter.com/chd2ZBdnFJ
— Salman Khan (@BeingSalmanKhan) July 31, 2026
ਤਸਵੀਰ ਦੇ ਨਾਲ ਸਲਮਾਨ ਖਾਨ ਨੇ ਇੱਕ ਦਿਲ ਛੂਹ ਲੈਣ ਵਾਲਾ ਕੈਪਸ਼ਨ ਵੀ ਲਿਖਿਆ। ਉਨ੍ਹਾਂ ਨੇ ਕਿਹਾ- "ਬਾਬਾ ਹਮੇਸ਼ਾ ਲਈ... ਬਾਬਾ ਬਾਬਾ ਹੈ। ਸੰਜੂ ਬਾਬਾ ਸਾਡੇ ਸਾਰਿਆਂ ਲਈ 'ਬਾਬਾ' ਹੈ, ਅਤੇ ਹੁਣ ਆਪਣੇ ਬੱਚਿਆਂ ਦਾ ਪਿਤਾ ਹੈ। ਮੇਰਾ ਵੱਡਾ ਭਰਾ, ਸੰਜੇ ਦੱਤ - ਅੱਲ੍ਹਾ, ਰੱਬ ਅਤੇ ਯਿਸੂ ਇਸ ਆਦਮੀ ਨੂੰ ਖੁਸ਼ ਰੱਖਣ। ਮੈਂ ਤੁਹਾਨੂੰ ਪਿਆਰ ਕਰਦਾ ਹਾਂ, ਬਾਬਾ।" ਇਸ ਫੋਟੋ ਅਤੇ ਕੈਪਸ਼ਨ ਤੋਂ ਸਪੱਸ਼ਟ ਤੌਰ 'ਤੇ ਸਲਮਾਨ ਦਾ ਸੰਜੇ ਦੱਤ ਲਈ ਪਿਆਰ ਜ਼ਾਹਿਰ ਹੋ ਰਿਹਾ ਹੈ।
ਦੂਜੇ ਪਾਸੇ ਸੰਜੇ ਦੱਤ ਵੀ ਕਈ ਮੌਕਿਆਂ ‘ਤੇ ਇਹ ਗੱਲ ਕਹਿ ਚੁੱਕੇ ਹਨ ਕਿ ਫ਼ਿਲਮ ਇੰਡਸਟਰੀ ਵਿੱਚ ਸਲਮਾਨ ਖਾਨ ਉਨ੍ਹਾਂ ਦੇ ਸਭ ਤੋਂ ਨੇੜਲੇ ਦੋਸਤਾਂ ਵਿੱਚੋਂ ਇੱਕ ਹਨ।
ਸਲਮਾਨ ਦੀ ਇਹ ਪੋਸਟ ਜਿਵੇਂ ਹੀ ਸਾਹਮਣੇ ਆਈ, ਪ੍ਰਸ਼ੰਸਕਾਂ ਨੇ ਇਸ ‘ਤੇ ਪਿਆਰ ਦੀ ਵਰਖਾ ਕਰ ਦਿੱਤੀ। ਇੱਕ ਪ੍ਰਸ਼ੰਸਕ ਨੇ ਲਿਖਿਆ- "ਭਾਈਚਾਰਾ ਆਪਣੇ ਸਿਖਰ 'ਤੇ ਹੈ," ਜਦੋਂ ਕਿ ਇੱਕ ਹੋਰ ਨੇ ਕਿਹਾ- "ਇੱਕ ਫਰੇਮ ਵਿੱਚ ਦੋ ਇੰਡਸਟਰੀ ਦੇ ਦਿੱਗਜ।" ਹੋਰਾਂ ਨੇ ਲਿਖਿਆ, "ਇਹ ਦੋਸਤੀ ਮੁਬਾਰਕ ਰਹੇ ਅਤੇ ਬੁਰੀ ਨਜ਼ਰ ਤੋਂ ਅਛੂਤੀ ਰਹੇ," ਅਤੇ "ਭਾਈਜਾਨ, ਤੁਹਾਨੂੰ ਪਿਆਰ।" ਬਹੁਤ ਸਾਰੇ ਪ੍ਰਸ਼ੰਸਕਾਂ ਨੇ ਦਿਲ ਅਤੇ ਅੱਗ ਵਾਲੇ ਇਮੋਜੀ ਵੀ ਪੋਸਟ ਕੀਤੇ।
ਸੰਜੇ ਦੱਤ ਅਤੇ ਸਲਮਾਨ ਖਾਨ ਨੇ ਕਈ ਫ਼ਿਲਮਾਂ ਵਿੱਚ ਇਕੱਠੇ ਕੰਮ ਕਰ ਚੁੱਕੇ ਹਨ। 'ਸਾਜਨ' ਅਤੇ 'ਚਲ ਮੇਰੇ ਭਾਈ' ਵਰਗੀਆਂ ਫ਼ਿਲਮਾਂ ਵਿੱਚ ਦੋਵਾਂ ਦੀ ਜੋੜੀ ਨੂੰ ਦਰਸ਼ਕਾਂ ਨੇ ਖੂਬ ਪਿਆਰ ਦਿੱਤਾ ਸੀ।
