Last Updated :
12 May 2023, 01:29 PM IST
ਬਹੁਤ ਹੀ ਸਲਾਹੀ ਗਈ ਸੀਰੀਜ਼ ‘ਸਾਸ ਬਹੂ ਔਰ ਫਲੇਮਿੰਗੋ’ ਆਪਣੇ ਦੂਜੇ ਸੀਜ਼ਨ ਦੇ ਨਾਲ ਇੱਕ ਵਾਰ ਫਿਰ ਦਰਸ਼ਕਾਂ ਨੂੰ ਮੋਹਿਤ ਕਰਨ ਲਈ ਤਿਆਰ ਹੈ। ਆਪਣੇ ਪਹਿਲੇ ਸੀਜ਼ਨ ਦੀ ਸ਼ਾਨਦਾਰ ਸਫਲਤਾ ਤੋਂ ਬਾਅਦ ਸ਼ੋਅ ਨੇ ਇੱਕ ਵਿਆਪਕ ਸ਼ਲਾਘਾ ਖੱਟੀ ਹੈ ਜਿਸ ਵਜੋਂ ਪ੍ਰਸੰਸਕ ਹੁਣ ਇਸ ਮਨਮੋਹਕ ਕਹਾਣੀ ਨੂੰ ਅੱਗੇ ਦੇਖਣ ਲਈ ਹੋਰ ਵੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ। ਲਿਖਤ ਪਹਿਲਾਂ ਤੋਂ ਹੀ ਉੱਨਤ ਪੜਾਵਾਂ ਵਿੱਚ ਹੋਣ ਕਰਕੇ ਦਰਸ਼ਕ ਇੱਕ ਰੌਚਕ ਬਿਰਤਾਂਤ ਦੀ ਉਮੀਦ ਕਰ ਰਹੇ ਹਨ ਜੋ ਕਿ ਇੱਕ ਮਜ਼ਬੂਤ ਸਿਰੜ ਵਾਲੀ ਸੱਸ ਅਤੇ ਉਸ ਦੀਆਂ ਨੂੰਹਾਂ ਵਿਚਕਾਰ ਗੁੰਝਲਦਾਰ ਕਰਨਾਮਿਆਂ ਦੀ ਛਾਣ-ਬੀਣ ਕਰਦੀ ਹੈ।
ਪ੍ਰਤਿਭਾਸ਼ਾਲੀ ਲੇਖਕ ਹੋਮੀ ਅਦਜਾਨੀਆ ਦੁਆਰਾ ਇਹ ਕਹਾਣੀ ਸੌਰਵ ਡੇ, ਨੰਦਿਨੀ ਗੁਪਤਾ ਅਤੇ ਅਮਨ ਮਨਨ ਦੇ ਨਾਲ ਉਸ ਦੀ ਤਿਕੜੀ ਦੁਆਰਾ ਬਣਾਈ ਗਈ। ਇਸ ਲੜੀ ਨੇ ਵਿਪਰੀਤ ਮਹਿਲਾ ਨਾਇਕਾਂ ਵਿਚਕਾਰ ਸਦੀਆਂ ਪੁਰਾਣੇ ਸੰਘਰਸ਼ ਨੂੰ ਤਾਜ਼ਾ ਕਰਨ ਲਈ ਆਲੋਚਨਾਤਮਕ ਸ਼ਲਾਘਾ ਪ੍ਰਾਪਤ ਕੀਤੀ ਹੈ। ਪਹਿਲੇ ਸੀਜ਼ਨ ਨੇ ਪਰੰਪਰਾ ਦੇ ਵਿਸ਼ਿਆਂ, ਸਮਾਜਕ ਉਮੀਦਾਂ ਅਤੇ ਨਿੱਜੀ ਇੱਛਾਵਾਂ ਦੀ ਪੁਣ-ਛਾਣ ਕਰਦੇ ਹੋਏ ਪਰਿਵਾਰਕ ਇਕਾਈ ਦੇ ਅੰਦਰ ਪੈਦਾ ਹੋਣ ਵਾਲੇ ਤਣਾਅ ਅਤੇ ਸੰਘਰਸ਼ ਨੂੰ ਦਿਖਾਇਆ ਹੈ।
ਇੱਕ ਸਰੋਤ ਦਾ ਕਹਿਣਾ ਹੈ, “ਪਲੇਟਫਾਰਮ ਡਿਜ਼ਨੀ + ਹੌਟਸਟਾਰ ਸਾਲ ਦੇ ਅੰਤ ਤੱਕ ਸੀਰੀਜ਼ ਨੂੰ ਪੂਰਾ ਕਰਨ ਲਈ ਉਤਸੁਕ ਹੈ। ਉਹ ਅਗਲੇ ਸਾਲ ਦੇ ਅੰਤ ਤੱਕ ਇਸਦੇ ਹੋਰ ਦੂਸਰੇ ਸੀਜ਼ਨ ਨੂੰ ਰਿਲੀਜ਼ ਕਰਨ ਲਈ ਵੀ ਪੂਰਾ ਉਤਸ਼ਾਹ ਦਿਖਾ ਰਹੇ ਹਨ। ਇਹ ਸੀਜ਼ਨ ਪਿਛਲੇ ਸਮੇਂ ਵਿੱਚ ਅਣ-ਸੁਲਝੇ ਰਹੇ ਕਈ ਸਵਾਲਾਂ ਦੇ ਜਵਾਬ ਵੀ ਦੇਵੇਗਾ। ਸਭ ਤੋਂ ਵੱਧ ਰੋਮਾਂਚ ਵਾਲੇ ਰਹੱਸਾਂ ਵਿੱਚੋਂ ਇੱਕ ਸਾਵਿਤਰੀ (ਡਿੰਪਲ ਕਪਾਡੀਆ) ਦੀ ਕਿਸਮਤ ਹੈ, ਜਿਸ ਦੀ ਸਪੱਸ਼ਟ ਮੌਤ ਨੇ ਦਰਸ਼ਕਾਂ ਨੂੰ ਸਦਮੇ ਵਿੱਚ ਪਾ ਦਿੱਤਾ। ਦੂਜੇ ਸੀਜ਼ਨ ਦੇ ਨਾਲ ਲੇਖਕ ਇਸ ਦੇ ਪਿੱਛੇ ਦੀ ਸੱਚਾਈ ਨੂੰ ਪਤਾ ਲਗਾਉਣ ਦਾ ਨਿਸ਼ਚਾ ਕਰਦੇ ਹਨ ਜੋ ਸੰਭਾਵਤ ਤੌਰ ‘ਤੇ ਅਚਾਨਕ ਹੋਈਆਂ ਇਹਨਾਂ ਘਟਨਾਵਾਂ ਨੂੰ ਦਰਸਾਉਣ ਦੇ ਨਾਲ-ਨਾਲ ਦਰਸ਼ਕਾਂ ਨੂੰ ਉਨ੍ਹਾਂ ਦੀ ਇਸ ਲੜੀ ਵਿੱਚ ਬਣਾਏ ਰੱਖਣ ਦਾ ਯਤਨ ਕਰਨਗੇ। ਇਸ ਤੋਂ ਇਲਾਵਾ, ਆਗਾਮੀ ਸੀਜ਼ਨ ਸ਼ਾਂਤਾ ਨੂੰ ਉਸ ਦੀ ਡਰੱਗ ਪਿੰਨ ਯੂਨੀਕੋਰਨ ਦੀ ਮੁੱਖ ਧਾਰਾ ਵਿੱਚ ਧੱਕਣ ਲਈ ਮੁੰਕ ਅਤੇ ਕਾਜਲ ਦੇ ਯਤਨਾਂ ਨੂੰ ਦਿਖਾਇਆ ਜਾ ਸਕਦਾ ਹੈ। ਇਸ ਉਪ-ਕਥਾ ਦੇ ਬਿਰਤਾਂਤ ਵਿੱਚ ਸਾਜ਼ਿਸ਼ ਅਤੇ ਸੰਘਰਸ਼ ਦੀ ਇੱਕ ਹੋਰ ਪਰਤ ਜੁੜਨ ਦੀ ਉਮੀਦ ਹੈ।”
ਦੂਜਾ ਸੀਜ਼ਨ ਰੋਮਾਂਚ ਨੂੰ ਹੋਰ ਵੀ ਵਧਾਉਣ ਦਾ ਵਾਅਦਾ ਕਰਦਾ ਹੈ ਕਿਉਂਕਿ ਇਸ ਵਿੱਚ ਰਿਸ਼ਤਿਆਂ ਦੇ ਵਿਕਾਸ, ਹਉਮੈ ਦੇ ਟਕਰਾਅ ਅਤੇ ਲੰਬੇ ਸਮੇਂ ਤੋਂ ਚੱਲ ਰਹੇ ਵਿਵਾਦਾਂ ਦੇ ਹੱਲ ਪਏ ਹਨ।
