Raj Kundra ਦੇ ਅਜਿਹੇ 'ਪਾਪ' ਜਿਨ੍ਹਾਂ ਦੀ ਸਜਾ ਸ਼ਿਲਪਾ ਸ਼ੈਟੀ ਨੂੰ ਮਿਲੀ, ਕਿਉਂ ਜ਼ਬਤ ਹੋ ਗਿਆ ਫਲੈਟ ਅਤੇ ਬੰਗਲਾ ?

ED ਨੇ ਸ਼ਿਲਪਾ ਸ਼ੈੱਟੀ ਦੇ ਪਤੀ ਅਤੇ ਕਾਰੋਬਾਰੀ ਰਾਜ ਕੁੰਦਰਾ ਖਿਲਾਫ ਵੱਡੀ ਕਾਰਵਾਈ ਕੀਤੀ ਹੈ। ਉਨ੍ਹਾਂ ਦੀ 97 ਕਰੋੜ ਰੁਪਏ ਦੀ ਜਾਇਦਾਦ ਕੁਰਕ ਕੀਤੀ ਗਈ ਹੈ। ਰਾਜ ਕੁੰਦਰਾ 'ਤੇ ਇਸ ਤੋਂ ਪਹਿਲਾਂ ਵੀ ਇਲਜ਼ਾਮ ਲੱਗ ਚੁੱਕੇ ਹਨ, IPL 'ਚ ਸੱਟੇਬਾਜ਼ੀ ਤੋਂ ਲੈ ਕੇ ਸਾਫਟ ਪੋਰਨੋਗ੍ਰਾਫੀ ਵੀਡੀਓ ਤੱਕ ਦੇ ਮਾਮਲਿਆਂ 'ਚ ਉਨ੍ਹਾਂ ਦਾ ਨਾਂ ਸਾਹਮਣੇ ਆ ਚੁੱਕਾ ਹੈ।

Entertainment News: ਈਡੀ ਨੇ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਦੇ ਪਤੀ ਕਾਰੋਬਾਰੀ ਰਾਜ ਕੁੰਦਰਾ ਖ਼ਿਲਾਫ਼ ਕਾਰਵਾਈ ਕੀਤੀ ਹੈ। ਰਾਜ ਕੁੰਦਰਾ ਦੀ 97 ਕਰੋੜ ਰੁਪਏ ਦੀ ਜਾਇਦਾਦ ਕੁਰਕ ਕੀਤੀ ਗਈ ਹੈ। ਇਹ ਕਾਰਵਾਈ ਪੋਰਨੋਗ੍ਰਾਫੀ ਅਤੇ ਮਨੀ ਲਾਂਡਰਿੰਗ ਮਾਮਲੇ 'ਚ ਕੀਤੀ ਗਈ ਹੈ। ਉਸ ਦੇ ਖਿਲਾਫ ਮਨੀ ਲਾਂਡਰਿੰਗ ਦੇ ਮਾਮਲੇ ਵੀ ਦਰਜ ਹਨ। ਇਨਫੋਰਸਮੈਂਟ ਡਾਇਰੈਕਟੋਰੇਟ ਨੇ ਵੀਰਵਾਰ ਨੂੰ ਕਿਹਾ ਕਿ ਕੁੰਦਰਾ ਦੀ ਸਿੰਗਾਪੁਰ ਸਥਿਤ ਫਰਮ ਵੇਰੀਏਬਲ ਟੇਕ ਪ੍ਰਾਈਵੇਟ ਲਿਮਟਿਡ ਦੁਆਰਾ ਕੀਤੇ ਗਏ ਕਥਿਤ 6,600 ਕਰੋੜ ਰੁਪਏ ਦੇ ਬਿਟਕੁਆਇਨ-ਅਧਾਰਤ ਪੋਂਜੀ ਘੁਟਾਲੇ ਨਾਲ ਸਬੰਧਤ ਉਸਦੀ ਮਨੀ-ਲਾਂਡਰਿੰਗ ਜਾਂਚ ਵਿੱਚ 97.79 ਕਰੋੜ ਰੁਪਏ ਦੀ ਜਾਇਦਾਦ ਜ਼ਬਤ ਕੀਤੀ ਗਈ ਹੈ।

ਈਡੀ ਨੇ ਸ਼ਿਲਪਾ ਸ਼ੈੱਟੀ ਦਾ ਜੁਹੂ ਸਥਿਤ ਬੰਗਲਾ ਵੀ ਅਟੈਚ ਕਰ ਲਿਆ ਹੈ। ਈਡੀ ਦਾ ਦੋਸ਼ ਹੈ ਕਿ ਵੇਰੀਏਬਲ ਟੈਕ ਨੇ ਉੱਚ ਰਿਟਰਨ ਦਾ ਵਾਅਦਾ ਕਰਕੇ ਦੇਸ਼ ਭਰ ਦੇ ਨਿਵੇਸ਼ਕਾਂ ਤੋਂ 80,000 ਬਿਟਕੋਇਨ ਜਮ੍ਹਾ ਕੀਤੇ ਅਤੇ 6,606 ਕਰੋੜ ਰੁਪਏ ਦੇ ਫੰਡ 9 ਕੰਪਨੀਆਂ ਰਾਹੀਂ ਵਿਦੇਸ਼ਾਂ ਵਿੱਚ ਜਾਇਦਾਦਾਂ ਖਰੀਦਣ ਲਈ ਡਾਇਵਰਟ ਕੀਤੇ ਗਏ। ਰਾਜ ਕੁੰਦਰਾ 'ਤੇ ਇਸ ਤੋਂ ਪਹਿਲਾਂ ਵੀ ਇਲਜ਼ਾਮ ਲੱਗ ਚੁੱਕੇ ਹਨ, IPL 'ਚ ਸੱਟੇਬਾਜ਼ੀ ਤੋਂ ਲੈ ਕੇ ਸਾਫਟ ਪੋਰਨੋਗ੍ਰਾਫੀ ਵੀਡੀਓ ਤੱਕ ਦੇ ਮਾਮਲਿਆਂ 'ਚ ਉਨ੍ਹਾਂ ਦਾ ਨਾਂ ਸਾਹਮਣੇ ਆ ਚੁੱਕਾ ਹੈ।

ਈਡੀ ਦੀ ਕਾਰਵਾਈ ਦੀ ਪੂਰੀ ਕਹਾਣੀ

1. 19 ਜੁਲਾਈ 2021 ਨੂੰ ਕ੍ਰਾਈਮ ਬ੍ਰਾਂਚ ਨੇ ਕੁੰਦਰਾ ਨੂੰ ਗ੍ਰਿਫਤਾਰ ਕੀਤਾ ਸੀ। ਰਾਜ 'ਤੇ ਅਸ਼ਲੀਲ ਫਿਲਮਾਂ ਬਣਾਉਣ ਅਤੇ ਕੁਝ ਐਪਸ 'ਤੇ ਦਿਖਾਉਣ ਦਾ ਦੋਸ਼ ਹੈ।
2. ਰਾਜ ਕੁੰਦਰਾ ਨੂੰ ਕ੍ਰਾਈਮ ਬ੍ਰਾਂਚ ਨੇ ਪੁੱਛਗਿੱਛ ਲਈ ਬੁਲਾਇਆ ਸੀ। ਰਾਜ ਕੁੰਦਰਾ ਨੂੰ ਕਈ ਘੰਟੇ ਪੁੱਛਗਿੱਛ ਕਰਨ ਤੋਂ ਬਾਅਦ ਗ੍ਰਿਫਤਾਰ ਕੀਤਾ ਗਿਆ ਹੈ।
3. ਰਾਜ ਕੁੰਦਰਾ ਖਿਲਾਫ ਫਰਵਰੀ 2021 'ਚ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ। ਹਾਲਾਂਕਿ ਬਾਅਦ 'ਚ ਉਸ ਨੂੰ ਜ਼ਮਾਨਤ ਮਿਲ ਗਈ ਸੀ।
4.  ਅਦਾਕਾਰਾ ਪੂਨਮ ਪਾਂਡੇ ਨੇ ਵੀ ਰਾਜ ਕੁੰਦਰਾ 'ਤੇ ਦੋਸ਼ ਲਾਏ ਸਨ। ਪੂਨਮ ਨੇ ਉਸ 'ਤੇ ਆਪਣੀਆਂ ਤਸਵੀਰਾਂ ਦੀ ਦੁਰਵਰਤੋਂ ਦਾ ਦੋਸ਼ ਲਗਾਇਆ ਸੀ।
5. ਰਾਜ ਕੁੰਦਰਾ ਰਾਜਸਥਾਨ ਰਾਇਲਜ਼ ਟੀਮ ਦੇ ਸਹਿ-ਮਾਲਕ ਸਨ। ਉਸ 'ਤੇ ਆਈਪੀਐਲ 'ਚ ਮੈਚ ਫਿਕਸਿੰਗ ਅਤੇ ਸੱਟੇਬਾਜ਼ੀ ਦਾ ਵੀ ਦੋਸ਼ ਹੈ।
6. ਲੋਢਾ ਕਮੇਟੀ ਨੇ ਉਸ ਨੂੰ ਸੱਟੇਬਾਜ਼ੀ ਦਾ ਦੋਸ਼ੀ ਪਾਇਆ ਸੀ ਅਤੇ ਉਸ ਨੂੰ ਕ੍ਰਿਕਟ ਨਾਲ ਸਬੰਧਤ ਗਤੀਵਿਧੀਆਂ ਵਿਚ ਹਿੱਸਾ ਨਾ ਲੈਣ ਦਾ ਹੁਕਮ ਦਿੱਤਾ ਗਿਆ ਸੀ।
7. 2017 ਵਿੱਚ, ਮਹਾਰਾਸ਼ਟਰ ਪੁਲਿਸ ਨੇ ਰਾਜ ਕੁੰਦਰਾ ਵਿਰੁੱਧ ਇੱਕ ਟੈਕਸਟਾਈਲ ਕੰਪਨੀ ਨਾਲ 24 ਲੱਖ ਰੁਪਏ ਦੀ ਧੋਖਾਧੜੀ ਕਰਨ ਦੇ ਦੋਸ਼ ਵਿੱਚ ਐਫਆਈਆਰ ਦਰਜ ਕੀਤੀ ਸੀ।
8. ਰਾਜ ਕੁੰਦਰਾ ਨੇ ਨਵੰਬਰ 2009 ਵਿੱਚ ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ਿੱਟੀ ਨਾਲ ਵਿਆਹ ਕੀਤਾ ਸੀ। ਸ਼ਿਲਪਾ ਉਨ੍ਹਾਂ ਦੀ ਦੂਜੀ ਪਤਨੀ ਹੈ।