Last Updated :
30 November 2023, 11:27 PM IST
ਇਜ਼ਰਾਈਲੀ ਰੱਖਿਆ ਬਲਾਂ ਨੇ ਦੱਸਿਆ ਹੈ ਕਿ ਹਮਾਸ ਨੇ 14 ਇਜ਼ਰਾਈਲੀ ਬੰਧਕਾਂ ਅਤੇ ਤਿੰਨ ਵਿਦੇਸ਼ੀ ਨਾਗਰਿਕਾਂ ਨੂੰ ਰਿਹਾਅ ਕਰਦੇ ਹੋਏ ਰੈੱਡ ਕਰਾਸ ਦੀ ਅੰਤਰਰਾਸ਼ਟਰੀ ਕਮੇਟੀ ਨੂੰ ਸੌਂਪ ਦਿੱਤਾ ਹੈ। ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਜੰਗਬੰਦੀ ਤੋਂ ਬਾਅਦ ਵਿਵਸਥਾ ਪਟੜੀ 'ਤੇ ਵਾਪਸ ਆਉਂਦੀ ਦਿਖਾਈ ਦੇ ਰਹੀ ਹੈ। ਹਮਾਸ ਨੇ ਨੌਂ ਬੱਚਿਆਂ, ਚਾਰ ਔਰਤਾਂ ਅਤੇ ਇੱਕ ਰੂਸੀ-ਇਜ਼ਰਾਈਲੀ ਬੰਧਕ ਨੂੰ ਰਿਹਾਅ ਕੀਤਾ ਹੈ। ਹੁਣ ਰਿਹਾਅ ਕੀਤੇ ਗਏ ਬੰਧਕਾਂ ਦੀ ਕੁੱਲ ਗਿਣਤੀ 63 ਹੋ ਗਈ ਹੈ। ਦੱਸ ਦੇਈਏ ਕਿ 7 ਅਕਤੂਬਰ ਨੂੰ ਇਜ਼ਰਾਈਲ 'ਤੇ ਹਮਾਸ ਦੇ ਅਚਾਨਕ ਹਮਲਿਆਂ ਤੋਂ ਬਾਅਦ ਗਾਜ਼ਾ 'ਚ ਸੈਂਕੜੇ ਲੋਕਾਂ ਨੂੰ ਬੰਧਕ ਬਣਾ ਲਿਆ ਗਿਆ ਸੀ।
ਤਿੰਨ ਥਾਈ ਨਾਗਰਿਕ ਵੀ ਰਿਹਾ
ਹਮਾਸ ਨੇ ਕਿਹਾ ਕਿ ਰਿਹਾਅ ਕੀਤੇ ਗਏ ਲੋਕ ਰੂਸ-ਇਜ਼ਰਾਈਲ ਜੰਗਬੰਦੀ ਸਮਝੌਤੇ ਦਾ ਹਿੱਸਾ ਨਹੀਂ ਸਨ। ਇਨ੍ਹਾਂ ਨੂੰ "ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦੇ ਯਤਨਾਂ ਦੇ ਜਵਾਬ ਵਿੱਚ" ਰਿਹਾਅ ਕੀਤਾ ਗਿਆ ਹੈ। ਫਲਸਤੀਨੀ ਹਮਾਸ ਸਮੂਹ ਨੇ ਤਿੰਨ ਥਾਈ ਨਾਗਰਿਕਾਂ ਨੂੰ ਵੀ ਰਿਹਾਅ ਕੀਤਾ ਹੈ। ਇਸ ਸਮਝੌਤੇ ਤੋਂ ਬਾਅਦ ਹਮਾਸ ਵੱਲੋਂ ਇਸ ਤੋਂ ਪਹਿਲਾਂ ਚੌਦਾਂ ਥਾਈ ਅਤੇ ਇੱਕ ਫਿਲਪੀਨੋ ਨੂੰ ਰਿਹਾ ਕੀਤਾ ਗਿਆ ਸੀ।
