Last Updated :
06 August 2026, 07:39 PM IST
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਸੁਰੱਖਿਆ ਵਿੱਚ ਇੱਕ ਵੱਡੀ ਚੂਕ ਵਾਪਰੀ ਹੈ, ਜਦੋਂ ਉਨ੍ਹਾਂ ਦਾ ਅਧਿਕਾਰਤ ਹੈਲੀਕਾਪਟਰ 'ਮਰੀਨ ਵਨ' ਇੱਕ ਕਮਰਸ਼ੀਅਲ ਯਾਤਰੀ ਜਹਾਜ਼ ਦੇ ਬਹੁਤ ਨੇੜਿਓਂ ਲੰਘਿਆ। ਇਹ ਘਟਨਾ ਮੰਗਲਵਾਰ ਨੂੰ ਵ੍ਹਾਈਟ ਹਾਊਸ ਤੋਂ ਉਡਾਣ ਭਰਨ ਦੌਰਾਨ ਵਾਪਰੀ, ਜਿੱਥੇ ਦੋਵੇਂ ਜਹਾਜ਼ ਤੈਅ ਸੁਰੱਖਿਆ ਦੂਰੀ ਤੋਂ ਕਿਤੇ ਘੱਟ ਫਾਸਲੇ 'ਤੇ ਸਨ। ਇਸ ਮਾਮਲੇ ਨੇ ਹਵਾਬਾਜ਼ੀ ਸੁਰੱਖਿਆ ਨੂੰ ਲੈ ਕੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ, ਅਤੇ ਅਮਰੀਕੀ ਹਵਾਬਾਜ਼ੀ ਨਿਯਾਮਕ (ਐੱਫ.ਏ.ਏ.) ਨੇ ਤੁਰੰਤ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਇਹ ਘਟਨਾ ਮੰਗਲਵਾਰ ਦੁਪਹਿਰ ਕਰੀਬ 2:30 ਵਜੇ ਉਸ ਸਮੇਂ ਵਾਪਰੀ ਜਦੋਂ ਰਾਸ਼ਟਰਪਤੀ ਟਰੰਪ ਵ੍ਹਾਈਟ ਹਾਊਸ ਤੋਂ ਜੌਇੰਟ ਬੇਸ ਐਂਡਰਿਊਜ਼ ਵੱਲ ਜਾ ਰਹੇ ਸਨ। ਉਸੇ ਵੇਲੇ ਰੀਗਨ ਵਾਸ਼ਿੰਗਟਨ ਨੈਸ਼ਨਲ ਏਅਰਪੋਰਟ ਤੋਂ ਐਨਵੌਏ ਏਅਰ ਦਾ ਇੱਕ ਯਾਤਰੀ ਜਹਾਜ਼ ਵੀ ਉਡਾਣ ਭਰ ਗਿਆ।
ਐੱਫ.ਏ.ਏ. ਦੀ ਮੁੱਢਲੀ ਜਾਂਚ ਤੋਂ ਪਤਾ ਲੱਗਾ ਕਿ ਦੋਵੇਂ ਜਹਾਜ਼ ਇੱਕ-ਦੂਜੇ ਦੇ ਸਭ ਤੋਂ ਨੇੜੇ ਸਿਰਫ਼ 1.3 ਕਿਲੋਮੀਟਰ ਦੀ ਦੂਰੀ 'ਤੇ ਸਨ, ਜਦੋਂ ਕਿ ਉਨ੍ਹਾਂ ਦੀ ਉੱਚਾਈ ਵਿੱਚ ਵੀ 700 ਫੁੱਟ ਦਾ ਹੀ ਅੰਤਰ ਸੀ। ਹਾਲਾਂਕਿ ਅਧਿਕਾਰੀਆਂ ਮੁਤਾਬਕ ਦੋਵੇਂ ਜਹਾਜ਼ ਟਕਰਾਅ ਵਾਲੀ ਦਿਸ਼ਾ ਵਿੱਚ ਨਹੀਂ ਸਨ, ਇਸ ਲਈ ਰਾਸ਼ਟਰਪਤੀ ਦੀ ਜਾਨ ਨੂੰ ਕੋਈ ਖ਼ਤਰਾ ਨਹੀਂ ਸੀ।
ਵਾਲ ਸਟ੍ਰੀਟ ਜਰਨਲ ਮੁਤਾਬਕ, ਆਮ ਤੌਰ 'ਤੇ ਮਰੀਨ ਵਨ ਦੀ ਉਡਾਣ ਦੌਰਾਨ ਰੀਗਨ ਏਅਰਪੋਰਟ ਤੋਂ ਕਮਰਸ਼ੀਅਲ ਉਡਾਣਾਂ ਨੂੰ ਮੁਅੱਕਲ ਕਰ ਦਿੱਤਾ ਜਾਂਦਾ ਹੈ, ਪਰ ਇਸ ਵਾਰ ਅਜਿਹਾ ਨਾ ਹੋ ਸਕਿਆ। ਏਅਰ ਟ੍ਰੈਫਿਕ ਕੰਟਰੋਲ (ਏ.ਟੀ.ਸੀ.) ਸਮੇਂ 'ਤੇ ਉਡਾਣਾਂ ਨੂੰ ਰੋਕਣ ਵਿੱਚ ਅਸਫ਼ਲ ਰਿਹਾ, ਜਿਸ ਕਾਰਨ ਯਾਤਰੀ ਜਹਾਜ਼ ਨੇ ਵੀ ਉਡਾਣ ਭਰ ਲਈ।
ਐੱਫ.ਏ.ਏ. ਹੁਣ ਜਾਂਚ ਕਰ ਰਿਹਾ ਹੈ ਕਿ ਸੁਰੱਖਿਆ ਨਿਯਮਾਂ ਦੀ ਉਲੰਘਣਾ ਕਿਉਂ ਹੋਈ ਅਤੇ ਏ.ਟੀ.ਸੀ. ਤੋਂ ਇਹ ਗ਼ਲਤੀ ਕਿਵੇਂ ਵਾਪਰੀ।
ਦ ਨਿਊਯਾਰਕ ਟਾਈਮਜ਼ ਮੁਤਾਬਕ, ਉਡਾਣ ਤੋਂ ਪਹਿਲਾਂ ਮਰੀਨ ਵਨ ਦੇ ਕਰੂ ਨੇ ਕੰਟਰੋਲ ਟਾਵਰ ਨੂੰ ਤਿੰਨ ਵਾਰ ਸੂਚਿਤ ਕੀਤਾ ਕਿ ਹੈਲੀਕਾਪਟਰ ਤਿੰਨ ਮਿੰਟਾਂ ਵਿੱਚ ਉਡਾਣ ਭਰੇਗਾ, ਪਰ ਰੇਡੀਓ 'ਤੇ ਸੰਦੇਸ਼ ਸਾਫ਼ ਨਾ ਸੁਣਾਈ ਦੇਣ ਕਾਰਨ ਕੰਟਰੋਲਰ ਵੱਲੋਂ ਕੋਈ ਸਪੱਸ਼ਟ ਜਵਾਬ ਨਾ ਮਿਲ ਸਕਿਆ।
ਹੈਲੀਕਾਪਟਰ ਨੇ ਆਪਣਾ ਰੁਟੀਨ ਕਾਰਜ ਜਾਰੀ ਰੱਖਿਆ ਅਤੇ ਉਡਾਣ ਭਰ ਲਈ। ਬਾਅਦ ਵਿੱਚ ਕੰਟਰੋਲਰ ਨੇ ਪਾਇਲਟ ਨੂੰ ਲਾਗੇ ਉੱਡਦੇ ਯਾਤਰੀ ਜਹਾਜ਼ ਬਾਰੇ ਦੱਸਿਆ, ਜਿਸ 'ਤੇ ਪਾਇਲਟ ਨੇ ਕਿਹਾ ਕਿ ਉਸ ਨੂੰ ਦੂਜਾ ਜਹਾਜ਼ ਦਿਖਾਈ ਦੇ ਰਿਹਾ ਹੈ। ਇਸ ਤੋਂ ਬਾਅਦ ਹੈਲੀਕਾਪਟਰ ਨੇ ਰੁਕ ਕੇ ਆਪਣੀ ਉਡਾਣ ਜਾਰੀ ਰੱਖੀ।
ਇਸ ਘਟਨਾ ਨੇ ਹਵਾਬਾਜ਼ੀ ਮਾਹਿਰਾਂ ਨੂੰ ਚਿੰਤਤ ਕਰ ਦਿੱਤਾ ਹੈ, ਕਿਉਂਕਿ ਰਾਸ਼ਟਰਪਤੀ ਦੇ ਆਵਾਗਮਨ ਲਈ ਵਰਤੇ ਜਾਣ ਵਾਲੇ ਹੈਲੀਕਾਪਟਰ ਦੇ ਆਸਪਾਸ ਸਖ਼ਤ ਹਵਾਈ ਸੁਰੱਖਿਆ ਘੇਰਾ (ਏਅਰ ਫੋਰਸ) ਬਣਾਇਆ ਜਾਂਦਾ ਹੈ। ਇਸ ਤਰ੍ਹਾਂ ਦੀ ਚੂਕ ਸੁਰੱਖਿਆ ਪ੍ਰਣਾਲੀ ਵਿੱਚ ਕਮੀਆਂ ਵੱਲ ਇਸ਼ਾਰਾ ਕਰਦੀ ਹੈ, ਜਿਸ ਦੀ ਨਿਗਰਾਨੀ ਐੱਫ.ਏ.ਏ. ਕਰ ਰਿਹਾ ਹੈ।
ਐੱਫ.ਏ.ਏ. ਨੇ ਫਿਲਹਾਲ ਕਿਸੇ ਵੀ ਕਰਮਚਾਰੀ ਖ਼ਿਲਾਫ਼ ਤੁਰੰਤ ਕਾਰਵਾਈ ਤੋਂ ਇਨਕਾਰ ਕੀਤਾ ਹੈ, ਪਰ ਜਾਂਚ ਪੂਰੀ ਹੋਣ ਤੱਕ ਸੁਰੱਖਿਆ ਪ੍ਰਕਿਰਿਆਵਾਂ ਦੀ ਸਮੀਖਿਆ ਜਾਰੀ ਰਹੇਗੀ।
