ISRAEL/HAMAS ਗਾਜ਼ਾ ਦੇ ਸਭ ਤੋਂ ਵੱਡੇ ਹਸਪਤਾਲ ਅਲ ਸ਼ਿਫਾ ਦੇ ਹੇਠਾਂ ਮਿਲੀ 55 ਮੀਟਰ ਲੰਬੀ ਸੁਰੰਗ

ਇਜ਼ਰਾਈਲ ਨੇ ਆਪਣੇ ਬਿਆਨ ਵਿਚ ਇਹ ਨਹੀਂ ਦੱਸਿਆ ਕਿ ਸੁਰੰਗ ਤੋਂ ਬਾਹਰ ਕੀ ਸੀ। ਸਿਰਫ ਇਹ ਕਿਹਾ ਜਾ ਰਿਹਾ ਹੈ ਕਿ ਸ਼ਿਫਾ ਕੰਪਾਊਂਡ ਦੇ ਅੰਦਰ ਇਕ ਸ਼ੈੱਡ ਵਿਚ ਲੱਭੇ ਗਏ ਇਕ ਸ਼ਾਫਟ ਰਾਹੀਂ ਸੁਰੰਗ ਤੱਕ ਪਹੁੰਚ ਕੀਤੀ ਗਈ ਸੀ, ਜਿਸ ਵਿਚ ਹਥਿਆਰ ਸਨ।

ਇਜ਼ਰਾਈਲ ਨੇ ਗਾਜ਼ਾ ਪੱਟੀ ਦੇ ਸਭ ਤੋਂ ਵੱਡੇ ਹਸਪਤਾਲ ਦੇ ਹੇਠਾਂ ਹਮਾਸ ਦੀ ਸੁਰੰਗ ਦਾ ਵੀਡੀਓ ਜਾਰੀ ਕੀਤਾ ਹੈ। ਇਜ਼ਰਾਈਲ ਨੇ ਕਿਹਾ ਹੈ ਕਿ ਹਮਾਸ ਨੇ ਪੂਰੇ ਫਲਸਤੀਨੀ ਖੇਤਰ ਵਿਚ ਸੈਂਕੜੇ ਕਿਲੋਮੀਟਰ ਲੰਬੀਆਂ ਗੁਪਤ ਸੁਰੰਗਾਂ ਅਤੇ ਬੰਕਰਾਂ ਦਾ ਨੈੱਟਵਰਕ ਤਿਆਰ ਕੀਤਾ ਹੈ। ਰਾਇਟਰਜ਼ ਦੇ ਅਨੁਸਾਰ, ਹਮਾਸ ਨੇ ਇਸ ਗੱਲ ਤੋਂ ਇਨਕਾਰ ਕੀਤਾ ਹੈ ਕਿ ਉਸ ਦੀਆਂ ਸੁਰੰਗਾਂ ਸਿਵਲੀਅਨ ਬੁਨਿਆਦੀ ਢਾਂਚੇ ਜਿਵੇਂ ਕਿ ਹਸਪਤਾਲਾਂ ਵਿੱਚ ਸਥਿਤ ਹਨ। ਗਾਜ਼ਾ ਸਿਟੀ ਦੇ ਅਲ ਸ਼ਿਫਾ ਹਸਪਤਾਲ ਵਿੱਚ ਆਪਣੇ ਆਪਰੇਸ਼ਨ ਬਾਰੇ ਇੱਕ ਅਪਡੇਟ ਦਿੰਦੇ ਹੋਏ, ਇਜ਼ਰਾਈਲੀ ਫੌਜ ਨੇ ਕਿਹਾ ਕਿ ਉਸਦੇ ਇੰਜੀਨੀਅਰਾਂ ਨੇ 10 ਮੀਟਰ ਡੂੰਘੀ ਅਤੇ 55 ਮੀਟਰ ਲੰਬੀ ਇੱਕ ਸੁਰੰਗ ਦੀ ਖੋਜ ਕੀਤੀ ਹੈ।

ਦਰਵਾਜੇ ਤੋਂ ਹੋਈ ਪਹਿਚਾਨ

ਵੀਡੀਓ ਦੇ ਨਾਲ ਇੱਕ ਫੌਜੀ ਬਿਆਨ ਵਿੱਚ ਕਿਹਾ ਗਿਆ ਹੈ, "ਸੁਰੰਗ ਦੇ ਬਾਹਰ ਜਿਸ ਕਿਸਮ ਦੇ ਦਰਵਾਜ਼ੇ ਦੀ ਵਰਤੋਂ ਕੀਤੀ ਗਈ ਸੀ, ਉਹ ਹਮਾਸ ਅੱਤਵਾਦੀ ਸੰਗਠਨ ਦੁਆਰਾ ਇਜ਼ਰਾਈਲੀ ਬਲਾਂ ਨੂੰ ਹਮਾਸ ਦੇ ਠਿਕਾਣਿਆਂ ਵਿੱਚ ਦਾਖਲ ਹੋਣ ਤੋਂ ਰੋਕਣ ਲਈ ਕੀਤੀ ਜਾਂਦੀ ਹੈ। ਬਿਆਨ ਵਿਚ ਇਹ ਨਹੀਂ ਦੱਸਿਆ ਗਿਆ ਕਿ ਦਰਵਾਜ਼ੇ ਤੋਂ ਬਾਹਰ ਕੀ ਸੀ। ਇਸ ਵਿਚ ਕਿਹਾ ਗਿਆ ਹੈ ਕਿ ਸ਼ਿਫਾ ਕੰਪਾਊਂਡ ਦੇ ਅੰਦਰ ਇਕ ਸ਼ੈੱਡ ਵਿਚ ਲੱਭੇ ਗਏ ਇਕ ਸ਼ਾਫਟ ਰਾਹੀਂ ਸੁਰੰਗ ਤੱਕ ਪਹੁੰਚ ਕੀਤੀ ਗਈ ਸੀ, ਜਿਸ ਵਿਚ ਹਥਿਆਰ ਸਨ।