Last Updated :
15 October 2023, 12:40 PM IST
Israel-Hamas war: ਇਜ਼ਰਾਈਲ-ਹਮਾਸ ਯੁੱਧ ਦੇ ਵਿਚਕਾਰ ਅਮਰੀਕਾ ਦੀ ਡੇਰਸਕਲ ਯੂਨੀਵਰਸਿਟੀ (Drexel University) ਤੋਂ ਇੱਕ ਮੰਦਭਾਗੀ ਖ਼ਬਰ ਆ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮੰਗਲਵਾਰ ਰਾਤ ਨੂੰ ਡਰੇਕਸਲ ਯੂਨੀਵਰਸਿਟੀ (Drexel University) ਵਿੱਚ ਇੱਕ ਯਹੂਦੀ ਵਿਦਿਆਰਥੀ ਦੇ ਡੋਰਮ ਦੇ ਦਰਵਾਜ਼ੇ ਨੂੰ ਕਥਿਤ ਤੌਰ ਤੇ ਅੱਗ ਲਗਾ ਦਿੱਤੀ ਗਈ ਸੀ। ਖਬਰਾਂ ਮੁਤਾਬਕ ਇਹ ਘਟਨਾ ਯੂਨੀਵਰਸਿਟੀ ਸਿਟੀ ਦੇ 3300 ਰੇਸ ਸਟਰੀਟ ਸਥਿਤ ਰੇਸ ਹਾਲ ਵਿੱਚ ਵਾਪਰੀ। ਦੁਨੀਆ ਦੇ ਇੱਕ ਵੱਡੇ ਹਿੱਸੇ ਨੇ ਇਜ਼ਰਾਈਲ ਤੇ ਹਮਾਸ ਦੇ ਅੱਤਵਾਦੀ ਹਮਲੇ ਦੀ ਨਿੰਦਾ ਕੀਤੀ ਹੈ ਅਤੇ ਇਜ਼ਰਾਈਲ ਦੁਆਰਾ ਜਾਰੀ ਫੌਜੀ ਕਾਰਵਾਈ ਦਾ ਸਮਰਥਨ ਕਰ ਰਹੇ ਹਨ। ਪਰ ਕੁਝ ਸਵਾਰਥੀ ਹਿੱਤਾਂ ਅਤੇ ਲੋਕਾਂ ਨੇ ਹਮਾਸ ਦਾ ਸਾਥ ਦਿੱਤਾ ਹੈ ਅਤੇ ਫਲਸਤੀਨੀਆਂ ਨਾਲ ਮੌਜੂਦਾ ਸਥਿਤੀ ਲਈ ਇਜ਼ਰਾਈਲ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ।
ਹੋਰ ਵੇਖੋ: ਇਜ਼ਰਾਈਲ-ਹਮਾਸ ਯੁੱਧ ਲਗਾਤਰ ਜਾਰੀ
ਖ਼ਬਰਾਂ ਦੇ ਮੁਤਾਬਕ ਡਰੈਸਕਲ ਯੂਨੀਵਰਸਿਟੀ (Drexel University) ਵਿੱਚ ਲੱਗੀ ਅੱਗ ਜਲਦੀ ਬੁਝ ਗਈ ਸੀ। ਫਿਲਾਡੇਲਫੀਆ ਫਾਇਰ ਡਿਪਾਰਟਮੈਂਟ ਨੇ ਜਵਾਬ ਦਿੱਤਾ ਅਤੇ ਇਹ ਨਿਰਧਾਰਤ ਕੀਤਾ ਗਿਆ ਸੀ ਕਿ ਇੱਕ ਨਿਵਾਸ ਹਾਲ ਦੇ ਦਰਵਾਜ਼ੇ ਤੇ ਸਜਾਵਟ ਨੂੰ ਜਾਣਬੁੱਝ ਕੇ ਅੱਗ ਲਗਾਈ ਗਈ ਸੀ ਘਟਨਾ ਬਾਰੇ ਇੱਕ ਚੇਤਾਵਨੀ ਵੀ ਦਿੱਤੀ ਗਈ ਹੈ। ਯੂਨੀਵਰਸਿਟੀ ਦੇ ਪ੍ਰੈਜ਼ੀਡੈਂਟ ਜੌਹਨ ਫਰਾਈ ਨੇ ਕਾਲਜ ਕਮਿਊਨਿਟੀ ਨੂੰ ਦਿੱਤੇ ਸ਼ਿਕਾਇਤ ਪੱਤਰ ਵਿੱਚ ਇਸ ਘਟਨਾ ਨੂੰ ਉਜਾਗਰ ਕੀਤਾ। ਉਹਨਾਂ ਲਿੱਖਿਆ ਕਿ ਬਦਕਿਸਮਤੀ ਨਾਲ ਸਾਨੂੰ ਇੱਕ ਦੁਖਦਾਈ ਸਥਿਤੀ ਤੋਂ ਜਾਣੂ ਕਰਵਾਇਆ ਗਿਆ ਸੀ। ਜਿਸ ਵਿੱਚ ਸਾਡੇ ਨਿਵਾਸ ਹਾਲਾਂ ਵਿੱਚੋਂ ਇੱਕ ਦੇ ਅੰਦਰ ਤਬਾਹੀ ਸ਼ਾਮਲ ਸੀ। ਸ਼ੁਕਰ ਹੈ ਕੋਈ ਵੀ ਜ਼ਖਮੀ ਨਹੀਂ ਹੋਇਆ। ਅਸੀਂ ਇਹ ਨਿਰਧਾਰਤ ਕਰਨ ਲਈ ਜਾਂਚ ਕਰ ਰਹੇ ਹਾਂ ਕਿ ਕੀ ਪੱਖਪਾਤ, ਵਿਤਕਰਾ, ਜਾਂ ਨਫ਼ਰਤ, ਜਿਸ ਨੂੰ ਅਸੀਂ ਡਰੇਕਸਲ ਵਿਖੇ ਬਰਦਾਸ਼ਤ ਨਹੀਂ ਕਰਦੇ। ਇਸ ਘਟਨਾ ਦੇ ਪਿੱਛੇ ਪ੍ਰੇਰਣਾ ਸੀ।
ਡਰੈਸਕਲ ਯੂਨਿਵਰਸਿਟੀ (Drexel University) ਵਿੱਚ ਹੋਏ ਹਮਲੇ ਤੋਂ ਬਾਅਦ ਯਹੂਦੀਆਂ ਵਿੱਚ ਡਰ ਅਤੇ ਚਿੰਤਾ ਦਾ ਮਾਹੌਲ ਬਣ ਗਿਆ ਹੈ। ਇਸ ਦੌਰਾਨ ਇਜ਼ਰਾਈਲ ਨੇ ਗਾਜ਼ਾ ਵਿੱਚ ਹਮਾਸ ਦੇ ਅੱਤਵਾਦੀਆਂ ਦੇ ਖਿਲਾਫ ਆਪਣਾ ਹਮਲਾ ਜਾਰੀ ਰੱਖਿਆ ਹੈ। ਜਿਨ੍ਹਾਂ ਨੇ 7 ਅਕਤੂਬਰ ਨੂੰ ਯਹੂਦੀ ਛੁੱਟੀਆਂ ਦੌਰਾਨ ਬਿਨਾਂ ਭੜਕਾਹਟ ਦੇ ਹਮਲੇ ਵਿੱਚ ਦੇਸ਼ ਦੇ ਨਿਰਦੋਸ਼ ਨਾਗਰਿਕਾਂ ਦਾ ਕਤਲੇਆਮ ਕੀਤਾ ਸੀ। ਇਜ਼ਰਾਈਲੀ ਰੱਖਿਆ ਬਲ (ਆਈਡੀਐਫ) ਕਿਸੇ ਵੀ ਵੱਡੇ ਅੱਤਵਾਦੀ ਨੂੰ ਰੋਕਣ ਲਈ ਪੂਰੀ ਤਾਕਤ ਨਾਲ ਜਵਾਬੀ ਕਾਰਵਾਈ ਕਰ ਰਹੇ ਹਨ। ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਦੁਆਰਾ ਕੀਤੀ ਵਚਨਬੱਧਤਾ ਦੇ ਅਨੁਸਾਰ ਆਈਡੀਐਫ਼ ਨੇ ਗਾਜ਼ਾ ਵਿੱਚ ਰਹਿਣ ਵਾਲੇ ਨਾਗਰਿਕਾਂ ਨੂੰ ਖਾਲੀ ਕਰਨ ਲਈ ਕਿਹਾ ਹੈ ਕਿਉਂਕਿ ਇਜ਼ਰਾਈਲੀ ਬਲਾਂ ਨੂੰ ਹਮਾਸ ਦੇ ਅੱਤਵਾਦੀ ਨੈਟਵਰਕ ਦੇ ਖਿਲਾਫ ਆਪਣੀ ਜ਼ਮੀਨੀ ਫੌਜ ਦੁਆਰਾ ਇੱਕ ਫੌਜੀ ਕਾਰਵਾਈ ਸ਼ੁਰੂ ਕਰਨ ਦੀ ਉਮੀਦ ਹੈ।
