ਇਜ਼ਰਾਈਲ ਹਮਾਸ ਯੁੱਧ ਨੂੰ ਲੈ ਕੇ ਆਈ ਨਵੀਂ ਰਿਪੋਰਟ, ਈਰਾਨ ਦੀ ਫੌਜ ਨੇ ਹਮਾਸ ਨੂੰ ਮੁਹੱਈਆ ਕਰਾਏ ਹਥਿਆਰ

ਇਹ ਹਥਿਆਰ ਇਜ਼ਰਾਇਲੀ ਫੌਜ ਨੇ ਹਮਾਸ ਦੇ ਅੱਤਵਾਦੀਆਂ ਕੋਲੋਂ ਬਰਾਮਦ ਕੀਤੇ ਹਨ। ਇਨ੍ਹਾਂ ਵਿੱਚ ਗ੍ਰਨੇਡ, ਕਈ ਏ.ਕੇ.-47 ਰਾਈਫਲਾਂ ਅਤੇ ਡਰੋਨ ਅਤੇ ਨਾਈਟ ਵਿਜ਼ਨ ਯੰਤਰ ਸ਼ਾਮਲ ਹਨ।

ਹਮਾਸ ਵੱਲੋਂ 7 ਅਕਤੂਬਰ ਨੂੰ ਇਜ਼ਰਾਈਲ ਵਿੱਚ ਕੀਤੇ ਗਏ ਹਮਲੇ ਵਿੱਚ ਵਰਤੇ ਗਏ ਜ਼ਿਆਦਾਤਰ ਹਥਿਆਰ ਈਰਾਨ ਤੋਂ ਭੇਜੇ ਗਏ ਸਨ। ਇਹ ਦਾਅਵਾ ਬ੍ਰਿਟਿਸ਼ ਅਖਬਾਰ 'ਦਿ ਸਨ' ਦੀ ਰਿਪੋਰਟ 'ਚ ਕੀਤਾ ਗਿਆ ਹੈ। ਹਮਾਸ ਦੇ ਹਮਲੇ ਵਿੱਚ 1400 ਇਜ਼ਰਾਈਲੀ ਨਾਗਰਿਕ ਮਾਰੇ ਗਏ ਸਨ।
ਆਈਈਡੀ ਵੀ ਸ਼ਾਮਲ 
ਰਿਪੋਰਟ ਮੁਤਾਬਕ ਈਰਾਨ ਦੀ ਫੌਜ ਨੇ ਹਮਾਸ ਨੂੰ ਏ.ਕੇ.-47, ਵਾਰਹੈੱਡ, ਹੈਂਡ ਗਰਨੇਡ, ਸੁਰੰਗਾਂ, ਆਈਈਡੀਜ਼, ਬੰਬ ਟਾਈਮਰ ਅਤੇ ਆਤਮਘਾਤੀ ਡਰੋਨ ਮੁਹੱਈਆ ਕਰਵਾਏ ਹਨ। ਹਮਾਸ ਨੇ ਹਮਲੇ ਵਿਚ ਸਭ ਤੋਂ ਵੱਧ ਗ੍ਰੇਨੇਡਾਂ ਦੀ ਵਰਤੋਂ ਕੀਤੀ ਹੈ। ਇਹ ਸਾਰੇ ਹਥਿਆਰ ਅਤੇ ਹੋਰ ਚੀਜ਼ਾਂ ਇਜ਼ਰਾਇਲੀ ਫੌਜ ਨੇ ਹਮਾਸ ਦੇ ਅੱਤਵਾਦੀਆਂ ਨੂੰ ਮਾਰਨ ਤੋਂ ਬਾਅਦ ਬਰਾਮਦ ਕੀਤੀਆਂ ਸਨ। ਕੁਝ ਅੱਤਵਾਦੀ ਇਸ ਸਮੇਂ ਇਜ਼ਰਾਇਲੀ ਫੌਜ ਦੀ ਹਿਰਾਸਤ 'ਚ ਵੀ ਹਨ। ਇਸ ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਹਮਾਸ ਦੇ ਅੱਤਵਾਦੀਆਂ ਕੋਲ ਇਰਾਨ ਵਿੱਚ ਬਣੇ ਮੋਰਟਾਰ ਰਾਕੇਟ ਅਤੇ ਰੈਡੀਮੇਡ ਮਾਈਨ ਵੀ ਸਨ। 

ਇਹ ਵੀ ਦਾਆਵਾ
ਰਿਪੋਰਟ ਦੇ ਅਨੁਸਾਰ, ਇਹ ਪੂਰੀ ਤਰ੍ਹਾਂ ਸੰਭਵ ਹੈ ਕਿ ਹਮਾਸ ਦੇ ਹਥਿਆਰਾਂ ਦਾ ਇੱਕ ਵੱਡਾ ਭੰਡਾਰ ਹੁਣ ਹਮਾਸ ਦੇ ਸੁਰੰਗ ਨੈਟਵਰਕ ਵਿੱਚ ਲੁਕਿਆ ਹੋਇਆ ਹੈ। ਜਿਵੇਂ-ਜਿਵੇਂ ਜ਼ਮੀਨੀ ਕਾਰਵਾਈ ਅੱਗੇ ਵਧੇਗੀ, ਹੋਰ ਹਥਿਆਰ ਵੀ ਬਰਾਮਦ ਕੀਤੇ ਜਾਣਗੇ। ਹਮਾਸ ਦੇ ਅੱਤਵਾਦੀਆਂ ਨੇ ਰਿਹਾਇਸ਼ੀ ਇਲਾਕਿਆਂ 'ਚ ਬੰਬ ਬਣਾਉਣ ਦੀਆਂ ਕਈ ਫੈਕਟਰੀਆਂ ਬਣਾਈਆਂ ਹਨ। ਹਮਾਸ ਅੱਤਵਾਦੀਆਂ ਨੂੰ ਇਜ਼ਰਾਈਲ 'ਚ ਹੀ ਬੰਧਕ ਬਣਾ ਕੇ ਰੱਖਣਾ ਚਾਹੁੰਦਾ ਸੀ। ਉਨ੍ਹਾਂ ਕੋਲੋਂ ਸੁੱਕੇ ਭੋਜਨ ਦੇ ਪੈਕੇਟ, ਮੈਡੀਕਲ ਉਪਕਰਣ ਅਤੇ ਵੱਡੀ ਗਿਣਤੀ ਵਿੱਚ ਹਥਿਆਰ ਮਿਲੇ ਹਨ।