Last Updated :
11 July 2026, 02:56 PM IST
Courtesy: @narendramodi
ਨਵੀਂ ਦਿੱਲੀ: ਭਾਰਤੀ ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਇੰਨੀ ਦਿਨੀਂ ਨਿਊਜ਼ੀਲੈਂਡ ਦੇ ਦੌਰੇ ਤੇ ਹਨ। ਹਾਲ ਹੀ ਉੱਥੇ ਆਕਲੈਂਡ ਪਹੁੰਚ ਕੇ ਦੇਸ਼ ਦੇ ਪੀਐਮ ਨੇ ਕਰੋੜਂ ਲੋਕਾਂ ਨੂੰ ਸੰਬੋਧਿਤ ਕੀਤਾ। ਇਸ ਪ੍ਰੋਗਰਾਮ ਵਿੱਚ ਕਲਾ ਅਤੇ ਸੱਭਿਆਚਾਰ ਦਾ ਸੱਚਮੁੱਚ ਸ਼ਾਨਦਾਰ ਸੰਗਮ ਦੇਖਣ ਨੂੰ ਮਿਲਿਆ। ਇਸ ਵਿਸ਼ੇਸ਼ ਪ੍ਰੋਗਰਾਮ ਵਿੱਚ ਹਾਕਾ ਅਤੇ ਕਥਕ ਨਾਚ ਰੂਪਾਂ ਦਾ ਇੱਕ ਵਿਲੱਖਣ ਮਿਸ਼ਰਣ ਦਿਖਾਇਆ ਗਿਆ।
Incredible enthusiasm and affection at the community programme in Auckland. https://t.co/u4cv0Mx4ZJ
— Narendra Modi (@narendramodi) July 11, 2026
ਇਸ ਸਮਾਗਮ ਦੌਰਾਨ, ਪ੍ਰਧਾਨ ਮੰਤਰੀ ਮੋਦੀ ਨੇ ਸਟੇਜ ਤੋਂ ਇੱਕ ਨਿੱਜੀ ਯਾਦ ਸਾਂਝੀ ਕੀਤੀ ਜਿਸਨੇ ਸਾਰਿਆਂ ਦੇ ਦਿਲਾਂ ਨੂੰ ਛੂਹ ਲਿਆ। ਉਨ੍ਹਾਂ ਨੇ ਲਗਭਗ 25 ਤੋਂ 30 ਸਾਲ ਪਹਿਲਾਂ ਦੀ ਇੱਕ ਯਾਦ ਨੂੰ ਤਾਜ਼ਾ ਕੀਤਾ - ਇੱਕ ਸਮੇਂ ਜਦੋਂ ਉਹ ਸਰਗਰਮ ਰਾਜਨੀਤੀ ਜਾਂ ਸਰਕਾਰ ਦਾ ਹਿੱਸਾ ਨਹੀਂ ਸਨ ਅਤੇ ਉਨ੍ਹਾਂ ਨੂੰ ਜਨਤਕ ਜੀਵਨ ਕੋਈ ਨਹੀਂ ਜਾਣਦਾ ਸੀ।
ਉਸ ਸਮੇਂ ਨੂੰ ਭਾਵੁਕਤਾ ਨਾਲ ਯਾਦ ਕਰਦੇ ਹੋਏ ਪ੍ਰਧਾਨ ਮੰਤਰੀ ਨੇ ਕਿਹਾ, "ਇਹ ਪ੍ਰਧਾਨ ਮੰਤਰੀ ਵਜੋਂ ਮੇਰੀ ਪਹਿਲੀ ਫੇਰੀ ਹੋ ਸਕਦੀ ਹੈ, ਪਰ 25-30 ਸਾਲ ਪਹਿਲਾਂ - ਜਦੋਂ ਮੈਂ ਕਿਸੇ ਸਰਕਾਰ ਦਾ ਹਿੱਸਾ ਨਹੀਂ ਸੀ ਅਤੇ ਕੋਈ ਪਬਲਿਕਲੀ ਮੈਨੂੰ ਨਹੀਂ ਜਾਣਦਾ ਸੀ- ਮੈਨੂੰ ਨਿਊਜ਼ੀਲੈਂਡ ਜਾਣ ਦਾ ਮੌਕਾ ਮਿਲਿਆ ਸੀ। ਉਸ ਸਮੇਂ, ਮੈਨੂੰ ਇੱਕ ਮਫਲਰ, ਇੱਕ ਟੋਪੀ ਅਤੇ ਦਸਤਾਨੇ ਦਾ ਇੱਕ ਜੋੜਾ ਤੋਹਫ਼ੇ ਵਿੱਚ ਦਿੱਤਾ ਗਿਆ ਸੀ। ਅੱਜ, ਮੈਂ ਤੁਹਾਡੇ ਵਿਚਕਾਰ ਉਹੀ ਮਫਲਰ ਪਹਿਨ ਕੇ ਆਇਆ ਹਾਂ। ਇਹ ਮੈਨੂੰ 25-30 ਸਾਲ ਪਹਿਲਾਂ ਨਿਊਜ਼ੀਲੈਂਡ ਦੇ ਇੱਕ ਦੋਸਤ ਦੁਆਰਾ ਭੇਟ ਕੀਤਾ ਗਿਆ ਸੀ। ਮੈਂ ਇਸਨੂੰ ਸਾਲਾਂ ਤੋਂ ਵਰਤਿਆ ਹੈ ਅਤੇ ਇਸਨੂੰ ਓਨੀ ਹੀ ਧਿਆਨ ਨਾਲ ਸੰਭਾਲਿਆ ਹੈ ਜਿੰਨੀ ਮੈਂ ਤੁਹਾਡੇ ਸਾਰਿਆਂ ਦੇ ਮੇਰੇ ਲਈ ਪਿਆਰ ਦੀ ਕਦਰ ਕਰਦਾ ਹਾਂ।"
ਭਾਰਤ ਅਤੇ ਨਿਊਜ਼ੀਲੈਂਡ ਦਰਮਿਆਨ ਮਜ਼ਬੂਤ ਕੂਟਨੀਤਕ ਅਤੇ ਸੱਭਿਆਚਾਰਕ ਸਬੰਧਾਂ 'ਤੇ ਜ਼ੋਰ ਦਿੰਦੇ ਹੋਏ, ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਇਸ ਰਿਸ਼ਤੇ ਦੀ ਨੀਂਹ ਬਹੁਤ ਡੂੰਘੀ ਹੈ। ਉਨ੍ਹਾਂ ਕਿਹਾ, "ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਕਾਰ ਸਬੰਧ ਯਾਦਾਂ, ਦੋਸਤੀ, ਕਦਰਾਂ-ਕੀਮਤਾਂ ਅਤੇ ਵਚਨਬੱਧਤਾ ਨੂੰ ਸ਼ਾਮਲ ਕਰਦੇ ਹਨ।"
ਉਨ੍ਹਾਂ ਨੇ ਕਿਹਾ-"ਭਾਰਤ ਅਤੇ ਨਿਊਜ਼ੀਲੈਂਡ ਦੇ ਰਿਸ਼ਤੇ ਦੋਸਤੀ, ਸਾਂਝੀਆਂ ਕਦਰਾਂ-ਕੀਮਤਾਂ ਅਤੇ ਆਪਸੀ ਵਚਨਬੱਧਤਾ 'ਤੇ ਅਧਾਰਤ ਹਨ। ਨਿਊਜ਼ੀਲੈਂਡ ਦੇ ਸੱਭਿਆਚਾਰ ਦਾ ਇੱਕ ਸੁੰਦਰ ਸ਼ਬਦ ਇਸ ਰਿਸ਼ਤੇ ਦੇ ਸਾਰ ਨੂੰ ਦਰਸਾਉਂਦਾ ਹੈ - 'ਵਾਕਾ'। ਸਦੀਆਂ ਤੋਂ, ਇਹ ਸ਼ਬਦ ਲੋਕਾਂ ਨੂੰ ਇਕੱਠੇ ਕਰਨ ਦਾ ਪ੍ਰਤੀਕ ਰਿਹਾ ਹੈ। 'ਵਾਕਾ' ਸਿਰਫ਼ ਇੱਕ ਕਿਸ਼ਤੀ ਨਹੀਂ ਹੈ, ਇਹ ਇੱਕ ਸਾਂਝੀ ਯਾਤਰਾ ਦਾ ਪ੍ਰਤੀਕ ਹੈ। ਅੱਜ, ਭਾਰਤ-ਨਿਊਜ਼ੀਲੈਂਡ 'ਵਾਕਾ' ਇਕੱਠੇ ਇੱਕ ਨਵੀਂ ਯਾਤਰਾ ਸ਼ੁਰੂ ਕਰਨ ਲਈ ਤਿਆਰ ਹੈ।"
ਇਸ ਮੌਕੇ ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ ਕ੍ਰਿਸਟੋਫਰ ਲਕਸਨ ਨੇ ਪ੍ਰਧਾਨ ਮੰਤਰੀ ਮੋਦੀ ਦੀ ਪ੍ਰਸ਼ੰਸਾ ਕੀਤੀ। ਪ੍ਰਧਾਨ ਮੰਤਰੀ ਮੋਦੀ ਦੇ ਸ਼ੁਰੂਆਤੀ ਜੀਵਨ ਦਾ ਹਵਾਲਾ ਦਿੰਦੇ ਹੋਏ, ਉਨ੍ਹਾਂ ਕਿਹਾ, "ਉਹ (ਪ੍ਰਧਾਨ ਮੰਤਰੀ ਮੋਦੀ) ਇੱਕ ਬਹੁਤ ਹੀ ਨਿਮਰ ਪਿਛੋਕੜ ਤੋਂ ਦੁਨੀਆ ਦੇ ਸਭ ਤੋਂ ਵੱਡੇ ਲੋਕਤੰਤਰ ਦੀ ਅਗਵਾਈ ਕਰਨ ਲਈ ਉੱਭਰੇ ਹਨ। ਉਨ੍ਹਾਂ ਨੇ ਲੱਖਾਂ ਲੋਕਾਂ ਨੂੰ ਗਰੀਬੀ ਤੋਂ ਬਾਹਰ ਕੱਢਣ ਵਿੱਚ ਮਦਦ ਕੀਤੀ ਹੈ। ਉਹ ਸਾਡੇ ਸਮੇਂ ਦੇ ਸਭ ਤੋਂ ਮਹੱਤਵਪੂਰਨ ਨੇਤਾਵਾਂ ਵਿੱਚੋਂ ਇੱਕ ਹਨ ਅਤੇ ਨਿਊਜ਼ੀਲੈਂਡ ਦੇ ਸੱਚੇ ਦੋਸਤ ਹਨ।"
