Last Updated :
19 April 2023, 04:37 PM IST
ਮੂਲ ਅਮਰੀਕਨਾਂ ਦੁਆਰਾ ਇਸਨੂੰ ਬਹੁਤ ਸਾਰੇ ਫਾਇਦਿਆਂ ਕਰਕੇ ਲੰਬੇ ਸਮੇਂ ਤੋਂ ਵਰਤਿਆ ਜਾਂਦਾ ਰਿਹਾ ਹੈ, ਜੋਜੋਬਾ ਤੇਲ ਜੋਜੋਬਾ ਪੌਦੇ ਦੇ ਬੀਜ ਤੋਂ ਪੈਦਾ ਹੁੰਦਾ ਹੈ। ਇਹ ਇੱਕ ਝਾੜੀਦਾਰ ਪੌਦਾ ਹੈ ਜੋ ਕਿ ਦੱਖਣੀ ਐਰੀਜ਼ੋਨਾ ਅਤੇ ਕੈਲੀਫੋਰਨੀਆ ਵਿੱਚ ਵਿਸ਼ੇਸ਼ ਤੌਰ ’ਤੇ ਮਿਲਦਾ ਹੈ। ਜੋਜੋਬਾ ਤੇਲ ਸਕਿਨ ਦੀ ਦੇਖਭਾਲ ਲਈ ਇੱਕ ਖ਼ਾਸ ਸਮੱਗਰੀ ਹੈ। ਬਹੁਤ ਸਾਰੇ ਲੋਕ ਆਪਣੀ ਸਕਿਨਕੇਅਰ ਰੁਟੀਨ ਵਿੱਚ ਜੋਜੋਬਾ ਤੇਲ ਦੀ ਵਰਤੋਂ ਕਰਦੇ ਹਨ ਅਤੇ ਇਹਨਾਂ ਤੋਂ ਚੰਗੇ ਨਤੀਜੇ ਪ੍ਰਾਪਤ ਕਰਦੇ ਹਨ। ਫਿਣਸੀਆਂ ਅਤੇ ਖੁਸ਼ਕ ਸਕਿਨ ਸਮੇਤ ਅਜਿਹੀਆਂ ਹੀ ਹੋਰ ਅਣਗਿਣਤ ਹਾਲਤਾਂ ਵਿੱਚ ਇਹ ਵਿਸ਼ੇਸ਼ ਉਪਾਅ ਪੇਸ਼ ਕਰਦਾ ਹੈ। ਇਹ ਸਭ ਵਿਸ਼ੇਸ਼ਤਾਵਾਂ ਸੁਝਾਅ ਦਿੰਦੀਆਂ ਹਨ ਕਿ ਜੋਜੋਬਾ ਤੇਲ ਤੁਹਾਨੂੰ ਸਕਿਨ ਦੇ ਖ਼ਰਾਬ ਹੋਣ ਤੋਂ ਬਚਾਉਣ ਅਤੇ ਹਲਕੇ ਮੁਹਾਂਸਿਆਂ ਨੂੰ ਠੀਕ ਕਰਨ ਵਿੱਚ ਸਹਾਇਤਾ ਪ੍ਰਦਾਨ ਕਰਦਾ ਹੈ।
ਇੱਥੇ ਜੋਜੋਬਾ ਆਇਲ ਦੀ ਵਰਤੋਂ ਕਰਨ ਦੇ ਤਿੰਨ ਸਕਿਨਕੇਅਰ ਫਾਇਦੇ ਦੱਸੇ ਗਏ ਹਨ:
ਜੋਜੋਬਾ ਤੇਲ ਵਿੱਚ ਐਂਟੀ-ਇੰਫਲੇਮੇਟਰੀ ਗੁਣ ਹੁੰਦੇ ਹਨ ਜੋ ਚਫਿੰਗ ਅਤੇ ਚੱਪਿੰਗ ਨੂੰ ਕਾਬੂ ਵਿੱਚ ਰੱਖਦੇ ਹਨ, ਖੁਸ਼ਕੀ ਨਾਲ ਹੋਣ ਵਾਲੀ ਲਾਲੀ ਨੂੰ ਘਟਾਉਂਦੇ ਹਨ, ਚੰਬਲ ਅਤੇ ਰੋਸੇਸੀਆ ਦੇ ਪ੍ਰਭਾਵਾਂ ਨੂੰ ਘੱਟ ਕਰਨ ਸਮੇਤ ਸਕਿਨ ਨੂੰ ਠੰਡਾ ਅਤੇ ਆਰਾਮਦਾਇਕ ਰੱਖਦੇ ਹਨ। ਜੋਜੋਬਾ ਤੇਲ ਵਿਚਲੇ ਵਿਟਾਮਿਨ ਈ ਅਤੇ ਬੀ-ਕੰਪਲੈਕਸ ਸਕਿਨ ਦੀ ਮੁਰੰਮਤ ਕਰਨ ਸਮੇਤ ਸਕਿਨ ਨੂੰ ਖ਼ਰਾਬ ਹੋਣ ਤੋਂ ਬਚਾਉਂਦੇ ਹਨ।
ਜੋਜੋਬਾ ਤੇਲ ਮਨੁੱਖੀ ਸਕਿਨ ਦੇ ਤੇਲ ਨਾਲ ਬਹੁਤ ਮਿਲਦਾ ਜੁਲਦਾ ਹੈ, ਜੋ ਸਕਿਨ ਨੂੰ ਧੋਖਾ ਦੇ ਸਕਦਾ ਹੈ ਕਿ ਇਸਨੇ ਕਾਫ਼ੀ ਤੇਲ ਛੱਡਿਆ ਹੈ ਅਤੇ ਇਸ ਤਰ੍ਹਾਂ ਇਹ ਫਿਣਸੀਆਂ ਜਾਂ ਸਕਿਨ ਦੀਆਂ ਹੋਰ ਸਮੱਸਿਆਵਾਂ ਨੂੰ ਵਧਾਏ ਬਿਨਾਂ ਤੇਲ ਦੇ ਉਤਪਾਦਨ ਨੂੰ ਸੰਤੁਲਿਤ ਕਰ ਸਕਦਾ ਹੈ। ਜੋਜੋਬਾ ਕੁਦਰਤੀ ਤੌਰ ‘ਤੇ ਰੋਗਾਣੂਆਂ ਅਤੇ ਬੈਕਟੀਰੀਆ ਦੇ ਵਾਧੇ ਨੂੰ ਰੋਕਣ ਵਿੱਚ ਵੀ ਮਦਦ ਕਰਦਾ ਹੈ।
ਕਾਫ਼ੀ ਸਾਰੀ ਨਮੀ ਪ੍ਰਦਾਨ ਕਰਨ ਕਰਕੇ ਜੋਜੋਬਾ ਬੁਢਾਪੇ ਦੀ ਦਿੱਖ ਨੂੰ ਧੀਮਾ ਕਰਨ ਵਿੱਚ ਮਦਦ ਕਰਦਾ ਹੈ। ਇਹ ਮਹੀਨ ਰੇਖਾਵਾਂ ਸਮੇਤ ਝੁਰੜੀਆਂ ਨੂੰ ਦੂਰ ਕਰਨ ਵਿੱਚ ਮਦਦ ਕਰਦਾ ਹੈ। ਜੋਜੋਬਾ ਤੇਲ ਸਕਿਨ ਦੀ ਕੋਮਲਤਾ ਨੂੰ ਵਧਾਉਂਦਾ ਹੈ। ਆਕਸੀਡੇਟਿਵ ਤਣਾਅ ਮਹੀਨ ਰੇਖਾਵਾਂ ਅਤੇ ਝੁਰੜੀਆਂ ਦੀ ਦਿੱਖ ਨਾਲ ਜੁੜਿਆ ਹੋਇਆ ਹੈ, ਇਸਦਾ ਮਤਲਬ ਹੈ ਕਿ ਜੋਜੋਬਾ ਤੇਲ ਦੀ ਐਂਟੀਆਕਸੀਡੈਂਟ ਸ਼ਕਤੀ ਨੂੰ ਚੇਹਰੇ ‘ਤੇ ਵਰਤੇ ਜਾਣ ਨਾਲ ਬੁਢਾਪੇ ਦੇ ਸੰਕੇਤਾਂ ਨੂੰ ਘੱਟ ਕਰਨ ਵਿੱਚ ਮਦਦ ਮਿਲ ਸਕਦੀ ਹੈ।
