Last Updated :
04 September 2023, 12:57 PM IST
ਜਿਆਦਾਤਰ ਲੋਕ ਆਪਣੀ ਸਿਹਤ ਨੂੰ ਲੈਕੇ ਜਿਆਦਾ ਧਿਆਨ ਨਹੀਂ ਰਖਦੇ। ਕਈ ਵਾਰ ਤਾਂ ਉਹ ਛੋਟੇ ਮੋਟੇ ਲੱਛਣ ਦਿੱਖਣ ਤੋਂ ਬਾਅਦ ਵੀ ਉਹਨਾਂ ਨੂੰ ਨਦਜਅੰਦਾਜ ਕਰਦੇ ਰਹਿੰਦੇ ਹਨ। ਨਤੀਜੇ ਵਜੋਂ ਉਹਨਾਂ ਨੂੰ ਗੰਭੀਰ ਬੀਮਾਰੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ, ਜਿਸ ਨਾਲ ਕਈ ਵਾਰ ਮੌਤ ਤੱਕ ਹੋ ਜਾਂਦੀ ਹੈ।
ਅੱਜ ਤੁਹਾਨੂਂ ਜਿਗਰ ਸੰਬੰਧੀ ਹੋਣ ਵਾਲੇ ਰੋਗਾਂ ਪ੍ਰਤੀ ਜਾਗਰੂਕ ਕਰਨ ਜਾ ਰਹੇ ਹਾਂ। ਫੈਟੀ ਲੀਵਰ ਦੀ ਬਿਮਾਰੀ, ਜਿਸਨੂੰ ਸਟੀਟੋਸਿਸ ਵੀ ਕਿਹਾ ਜਾਂਦਾ ਹੈ ਜੋ ਆਧੁਨਿਕ ਸਮੇਂ ਦੀ ਇੱਕ ਮਹਾਂਮਾਰੀ ਅਤੇ ਕੋਰੋਨਰੀ ਆਰਟਰੀ ਬਿਮਾਰੀ ਦੇ ਸਮਾਨ ਇੱਕ ਮਹੱਤਵਪੂਰਨ ਗੈਰ-ਸੰਚਾਰੀ ਸਿਹਤ ਸਮੱਸਿਆ ਵਜੋਂ ਉੱਭਰੀ ਹੈ। ਇਸ ਸਥਿਤੀ ਵਿੱਚ ਜਿਗਰ ਦੇ ਸੈੱਲਾਂ ਵਿੱਚ ਚਰਬੀ ਦਾ ਬਹੁਤ ਜ਼ਿਆਦਾ ਇਕੱਠਾ ਹੋਣਾ ਸ਼ਾਮਲ ਹੁੰਦਾ ਹੈ। ਸਧਾਰਨ ਫੈਟੀ ਜਿਗਰ ਤੋਂ ਲੈ ਕੇ ਵਧੇਰੇ ਗੰਭੀਰ ਰੂਪਾਂ ਤੱਕ ਜੋ ਸੋਜ ਅਤੇ ਜ਼ਖ਼ਮ ਨਾਨ-ਅਲਕੋਹਲਿਕ ਸਟੀਟੋਹੇਪੇਟਾਈਟਸ ਦਾ ਕਾਰਨ ਬਣਦੇ ਹਨ।
ਇੱਕ ਇੰਟਰਵਿਊ ਵਿੱਚ ਰੂਬੀ ਹਾਲ ਕਲੀਨਿਕ ਦੇ ਡਾਕਟਰ ਪ੍ਰਕਾਸ਼ ਵਾਲਸੇ ਨੇ ਦੱਸਿਆ ਕਿ ਹਾਲੀਆ ਅਧਿਐਨਾਂ ਜਿਵੇਂ ਕਿ ਐਨਡੋ 2023 ਵਿੱਚ ਸ਼ਿਕਾਗੋ, ਇਲੀਨੋਇਸ ਵਿੱਚ ਐਂਡੋਕਰੀਨ ਸੋਸਾਇਟੀ ਦੀ ਸਾਲਾਨਾ ਮੀਟਿੰਗ ਦੌਰਾਨ ਇਸ ਸੰਬੰਧੀ ਚਰਚਾ ਕੀਤੀ ਗਈ ਸੀ। ਉਹਨਾਂ ਦੱਸਿਆ ਕਿ ਲੀਵਰ ਸੰਬੰਧੀ ਰੋਗ ਮਹੱਤਵਪੂਰਨ ਵਿਸ਼ਵ ਸਿਹਤ ਚੁਣੌਤੀ ਬਣ ਗਈ ਹੈ। ਮੈਟਾਬੋਲਿਕ-ਐਸੋਸੀਏਟਿਡ ਫੈਟੀ ਲਿਵਰ ਡਿਜ਼ੀਜ਼ ਜਿਸਨੂੰ ਪਹਿਲਾਂ ਗੈਰ-ਅਲਕੋਹਲਿਕ ਫੈਟੀ ਲਿਵਰ ਡਿਜ਼ੀਜ਼ ਕਿਹਾ ਜਾਂਦਾ ਸੀ ਦਾ ਖਤਰਾ ਬਹੁਤ ਜਿਆਦਾ ਵਧ ਗਿਆ ਹੈ। ਇਹ ਸਥਿਤੀ ਕਾਰਡੀਓਵੈਸਕੁਲਰ ਬਿਮਾਰੀ, ਟਾਈਪ 2 ਸ਼ੂਗਰ ਅਤੇ ਜਿਗਰ ਦੇ ਕੈਂਸਰ ਦੇ ਇੱਕ ਆਮ ਰੂਪ ਨਾਲ ਨਜ਼ਦੀਕੀ ਤੌਰ ਤੇ ਜੁੜੀ ਹੋਈ ਹੈ।
ਸ਼ੂਗਰ ਅਤੇ ਮੋਟਾਪਾ ਜੋ ਕਿ ਦੋਵੇਂ ਵਿਸ਼ਵ ਭਰ ਵਿੱਚ ਵੱਧ ਰਹੇ ਹਨ ਫੈਟੀ ਲੀਵਰ ਦੀ ਬਿਮਾਰੀ ਦੇ ਪ੍ਰਸਾਰ ਅਤੇ ਗੰਭੀਰਤਾ ਨੂੰ ਵਧਾਉਣ ਵਿੱਚ ਪ੍ਰਮੁੱਖ ਭੂਮਿਕਾ ਨਿਭਾਉਂਦੇ ਹਨ। ਉਸਨੇ ਕਿਹਾ ਡਾਇਬੀਟੀਜ਼ ਫੈਟੀ ਲੀਵਰ ਦੀ ਬਿਮਾਰੀ ਦੇ ਪ੍ਰਮੁੱਖ ਜੋਖਮ ਕਾਰਕਾਂ ਵਿੱਚੋਂ ਇੱਕ ਹੈ ਜੋ ਕਿ ਫੈਟੀ ਲਿਵਰ ਬਿਮਾਰੀ ਦੀਆਂ ਪੇਚੀਦਗੀਆਂ ਨੂੰ ਅੱਗੇ ਵਧਾਉਂਦਾ ਹੈ। ਸ਼ੂਗਰ ਰੋਗੀਆਂ ਨੂੰ ਤੇਜ਼ੀ ਨਾਲ ਪ੍ਰਗਤੀਸ਼ੀਲ ਫੈਟੀ ਲਿਵਰ ਦੀ ਬਿਮਾਰੀ ਹੋਣ ਦੀ ਸੰਭਾਵਨਾ ਵੱਧ ਹੁੰਦੀ ਹੈ। ਜਿਸ ਨਾਲ ਸਥਾਈ ਜਿਗਰ ਦਾਗ (ਸਿਰੋਸਿਸ) ਅਤੇ ਇਸ ਦੀਆਂ ਜਾਨਲੇਵਾ ਪੇਚੀਦਗੀਆਂ ਹੁੰਦੀਆਂ ਹਨ। ਲੀਵਰ ਸਿਰੋਸਿਸ ਕਾਰਨ ਜਿਗਰ ਦੇ ਸੈੱਲ ਫੇਲ੍ਹ ਹੋ ਸਕਦੇ ਹਨ।
ਇਸ ਗੱਲ ਤੇ ਜ਼ੋਰ ਦਿੰਦੇ ਹੋਏ ਕਿ ਸ਼ੂਗਰ ਰੋਗੀਆਂ ਵਿੱਚ ਜਿਗਰ ਦੇ ਨੁਕਸਾਨ ਦੇ ਲੱਛਣਾਂ ਨੂੰ ਪਛਾਣਨਾ ਸ਼ੁਰੂਆਤੀ ਦਖਲਅੰਦਾਜ਼ੀ ਲਈ ਮਹੱਤਵਪੂਰਨ ਹੈ। ਡਾ ਪ੍ਰਕਾਸ਼ ਵਾਲਸੇ ਨੇ ਕਿਹਾ ਕਿ ਲੀਵਰ ਸਿਰੋਸਿਸ ਦੇ ਸ਼ੁਰੂਆਤੀ ਪੜਾਵਾਂ ਵਿੱਚ ਸੂਚਕ ਗੈਰ-ਵਿਸ਼ੇਸ਼ ਹੋ ਸਕਦੇ ਹਨ। ਜਿਸ ਵਿੱਚ ਲੱਤਾਂ ਦੀ ਸੋਜ, ਥਕਾਵਟ ਦਾ ਵਧਣਾ, ਨੀਂਦ ਦੇ ਪੈਟਰਨ ਵਿੱਚ ਬਦਲਾਅ, ਆਸਾਨੀ ਨਾਲ ਸੱਟ ਲੱਗਣਾ ਸ਼ਾਮਲ ਹੈ। ਭਾਰ ਘਟਣਾ, ਅਤੇ ਅਨੀਮੀਆ ਵੀ ਇਸਦੇ ਮੁੱਖ ਲੱਛਣ ਹਨ।
