Last Updated :
11 April 2023, 10:29 AM IST
ਤੁਹਾਡੇ ਕੋਰ ਵਿੱਚ ਤੁਹਾਡਾ ਪੇਟ, ਪਿੱਠ ਦਾ ਹੇਠਲਾ ਹਿੱਸਾ, ਕੁੱਲ੍ਹੇ ਅਤੇ ਪੇਡੂ ਸ਼ਾਮਲ ਹੁੰਦੇ ਹਨ। ਸਿਰਫ ਇਹ ਹੀ ਨਹੀਂ ਬਲਕਿ ਤੁਹਾਡੇ ਕੋਰ ‘ਤੇ ਕੰਮ ਕਰਨਾ ਤੁਹਾਡੇ ਸੰਤੁਲਨ ਅਤੇ ਸਥਿਰਤਾ ਨੂੰ ਬਿਹਤਰ ਬਣਾਉਣ ਵਿੱਚ ਵੀ ਮਦਦ ਕਰਦਾ ਹੈ। ਇਹ ਤੁਹਾਨੂੰ ਸੱਟਾਂ ਤੋਂ ਬਚਣ, ਬਿਹਤਰ ਆਸਣ ਬਣਾਏ ਰੱਖਣ ਅਤੇ ਪਿੱਠ ਦਰਦ ਦੀ ਰੋਕਥਾਮ ਵਿੱਚ ਵੀ ਮਦਦ ਕਰਦਾ ਹੈ।
ਪਲੈਂਕ ਸਭ ਤੋਂ ਵਧੀਆ ਕਸਰਤਾਂ ਵਿੱਚੋਂ ਇੱਕ ਹੈ ਜੋ ਤੁਹਾਡੀਆਂ ਪੇਟ ਦੀਆਂ ਮਾਸਪੇਸ਼ੀਆਂ ਨੂੰ ਮਜ਼ਬੂਤ ਕਰਦਾ ਹੈ, ਪਲੈਂਕ ਪੇਟ ਦੀਆਂ ਸਾਰੀਆਂ ਮਾਸਪੇਸ਼ੀਆਂ, ਕੁੱਲ੍ਹੇ ਅਤੇ ਪਿੱਠ ‘ਤੇ ਕੰਮ ਕਰਦੀ ਹੈ। ਅਮਰੀਕਨ ਜਰਨਲ ਆਫ਼ ਫਿਜ਼ੀਕਲ ਮੈਡੀਸਨ ਐਂਡ ਰੀਹੈਬਲੀਟੇਸ਼ਨ ਵਿੱਚ ਪ੍ਰਕਾਸ਼ਿਤ ਇੱਕ ਅਧਿਐਨ ਵਿੱਚ ਪਾਇਆ ਗਿਆ ਹੈ ਕਿ ਪਲੈਂਕ ਤੁਹਾਡੇ ਕੋਰ ਸਮੇਤ ਸਮੁੱਚੀ ਸਿਹਤ ‘ਤੇ ਸਕਾਰਾਤਮਕ ਪ੍ਰਭਾਵ ਪਾਉਂਦੀ ਹੈ।
ਇੱਥੋਂ ਤੱਕ ਕਿ ਬਾਲੀਵੁੱਡ ਦੀ ਫਿਟਨੈਸ ਮਾਹਿਰ ਮਲਾਇਕਾ ਅਰੋੜਾ ਦਾ ਮੰਨਣਾ ਹੈ ਕਿ ਪਲੈਂਕ ਸਭ ਤੋਂ ਵਧੀਆ ਅਭਿਆਸਾਂ ਵਿੱਚੋਂ ਇੱਕ ਹੈ ਜੋ ਤੁਹਾਡੇ ਕੋਰ ਨੂੰ ਮਜ਼ਬੂਤ ਕਰਦੀ ਹੈ। ਉਹ ਸ਼ੇਅਰ ਕਰਦੀ ਹੈ ਕਿ ਤੁਹਾਨੂੰ ਕਦੇ ਵੀ “ਸਹੀ ਪਲੈਂਕ ਦੀ ਸ਼ਕਤੀ ਨੂੰ ਘੱਟ ਨਹੀਂ ਸਮਝਣਾ ਚਾਹੀਦਾ।”
1. ਆਪਣੇ ਮੋਢਿਆਂ ਅਤੇ ਬਾਹਾਂ ਦੇ ਸਹਾਰੇ ਪੁਸ਼-ਅੱਪ ਸਥਿਤੀ ਵਿੱਚ ਇਸ ਨੂੰ ਸ਼ੁਰੂ ਕਰੋ ਅਤੇ ਆਪਣੇ ਸਰੀਰ ਨੂੰ ਪੂਰੀ ਤਰ੍ਹਾਂ ਫੈਲਾਓ। ਨਵੀਂ ਸ਼ੁਰੂਆਤ ਕਰਨ ਵਾਲੇ ਆਪਣੇ ਗੋਡਿਆਂ ਦੇ ਸਹਾਰੇ ਵੀ ਪਲੇਕ ਕਰ ਸਕਦੇ ਹਨ।
2. ਆਪਣੀਆਂ ਹਥੇਲੀਆਂ ਅਤੇ ਪੈਰਾਂ ਦੀਆਂ ਉਂਗਲਾਂ ਜ਼ਮੀਨ ‘ਤੇ ਇਕਸਾਰ ਟਿਕੀਆਂ ਹੋਣੀਆਂ ਚਾਹਿੰਦੀਆਂ ਹਨ, ਪਿੱਠ ਨੂੰ ਸਿੱਧਾ ਅਤੇ ਕੋਰ ਨੂੰ ਕੱਸ ਕੇ ਰੱਖੋ।
3. ਜਿੰਨੀ ਦੇਰ ਤੁਸੀਂ ਕਰ ਸਕਦੇ ਹੋ, ਪਲੈਂਕ ਨੂੰ ਜਾਰੀ ਰੱਖੋ। ਨਵੀਂ ਸ਼ੁਰੂਆਤ ਵਾਲੇ 10-20 ਸਕਿੰਟਾਂ ਲਈ ਪਲੈਂਕ ਕਰ ਸਕਦੇ ਹਨ ਅਤੇ ਹੌਲੀ ਹੌਲੀ ਇਸ ਸਮੇਂ ਨੂੰ ਹੋਰ ਵਧਾ ਸਕਦੇ ਹਨ।
4. ਥਕਾਵਟ ਜਾਂ ਤਕਲੀਫ਼ ਹੋਣ ਤੇ, ਵਜਨ ਨੂੰ ਗੋਡਿਆਂ ‘ਤੇ ਲੈ ਆਵੋ ਅਤੇ ਉਦੋਂ ਤੱਕ ਰੁਕੋ ਜਦੋਂ ਤੱਕ ਤੁਸੀਂ ਦੁਬਾਰਾ ਪਲੈਂਕ ਸਥਿਤੀ ‘ਤੇ ਵਾਪਸ ਨਹੀਂ ਜਾਂਦੇ।
ਸ਼ੁਰੁਆਤ ਕਰਨ ਵਾਲਿਆਂ ਨੂੰ ਪਲੈਂਕ ਤੋਂ ਸਾਵਧਾਨ ਰਹਿਣਾ ਚਾਹੀਦਾ ਹੈ, ਇਸ ਤੋਂ ਇਲਾਵਾ ਜੇਕਰ ਤੁਸੀਂ ਨਹੀਂ ਜਾਣਦੇ ਕਿ ਇਸਨੂੰ ਸਹੀ ਢੰਗ ਨਾਲ ਕਿਵੇਂ ਕਰਨਾ ਹੈ, ਤਾਂ ਪੇਸ਼ੇਵਰ ਟ੍ਰੇਨਰ ਦੀ ਸਲਾਹ ਲਵੋ।
