Last Updated :
13 May 2023, 05:36 PM IST
ਸਾਇਟਿਕਾ ਜੋ ਪਿੱਠ ਵਿੱਚ ਦਰਦ ਅਤੇ ਬੇਅਰਾਮੀ ਦਾ ਕਾਰਨ ਬਣਦੀ ਹੈ ਉਦੋਂ ਵਾਪਰਦੀ ਹੈ ਜਦੋਂ ਤੁਹਾਡੀ ਸਾਇਏਟਿਕ ਨਰਵ ਸੁੰਗੜ ਜਾਂ ਸੁੱਜ ਜਾਂਦੀ ਹੈ ਜਿਸਦੇ ਸਿੱਟੇ ਵਜੋਂ ਤੁਹਾਡੀ ਪਿੱਠ ਅਤੇ ਲੱਤਾਂ ਵਿੱਚ ਦਰਦ, ਸੁੰਨ ਹੋਣਾ ਅਤੇ ਝਰਨਾਹਟ ਹੁੰਦੀ ਹੈ। ਇੱਥੇ ਬਹੁਤ ਸਾਰੇ ਇਲਾਜ ਹਨ ਜੋ ਰਾਹਤ ਪਹੁੰਚਾ ਸਕਦੇ ਹਨ।
ਸਾਇਟਿਕਾ, ਨਸਾਂ ਦੀਆਂ ਜੜ੍ਹਾਂ ਜਾਂ ਸਾਇਟਿਕ ਨਰਵ ਦੇ ਸੁੰਗੜਨ ਕਾਰਨ ਹੁੰਦਾ ਹੈ। ਇਹ ਗੰਭੀਰ ਦਰਦ ਲੱਤਾਂ ਵਿੱਚ ਕਮਜ਼ੋਰੀ ਸਮੇਤ ਚੱਲਣ ਦੀ ਸਮਰੱਥਾ ਵਿੱਚ ਰੁਕਾਵਟ ਪਾ ਸਕਦਾ ਹੈ।
ਇਸਦਾ ਇਲਾਜ ਕਰਨ ਤੋਂ ਪਹਿਲਾਂ ਇਮੇਜਿੰਗ ਟੈਸਟ ਜਿਵੇਂ ਕਿ ਐਕਸ-ਰੇ, ਸੀਟੀ ਸਕੈਨ ਅਤੇ ਐਮ.ਆਰ.ਆਈ. ਦੇ ਨਾਲ-ਨਾਲ ਇਲੈਕਟ੍ਰੋਫਿਜ਼ੀਓਲੋਜੀਕਲ ਟੈਸਟਿੰਗ ਹੁੰਦੀ ਹੈ। ਪਤਾ ਲੱਗ ਜਾਣ ਤੋਂ ਬਾਅਦ ਸਮਸਿਆ ਦੀ ਜੜ ’ਤੇ ਇਲਾਜ ਸ਼ੁਰੂ ਹੁੰਦਾ ਹੈ।
1. ਐਂਟੀ-ਇਨਫਲੇਮੇਟਰੀ ਦਵਾਈਆਂ
ਗੈਰ-ਸਟੀਰੌਇਡਲ ਐਂਟੀ-ਇਨਫਲੇਮੇਟਰੀ ਦਵਾਈਆਂ ਤੁਹਾਡੇ ਸਰੀਰ ਦੀ ਸੋਜਸ਼ ਨੂੰ ਘਟਾਕੇ ਦਰਦ ਨੂੰ ਖਤਮ ਕਰਦੀਆਂ ਹਨ।
2. ਗਰਮ ਅਤੇ ਠੰਡੇ ਪੈਕ
ਠੰਡੇ ਅਤੇ ਗਰਮ ਪੈਕਾਂ ਦੀ ਥੈਰੇਪੀ ਨਾਲ ਸਾਇਟਿਕਾ ਦੇ ਦਰਦ ਨੂੰ ਪ੍ਰਭਾਵਸ਼ਾਲੀ ਢੰਗ ਸਮੇਤ ਤੁਰੰਤ ਰਾਹਤ ਮਿਲਦੀ ਹੈ। ਕੋਲਡ ਥੈਰੇਪੀ ਆਮ ਤੌਰ ‘ਤੇ ਸਾਇਟਿਕਾ ਦੀ ਸ਼ੁਰੂਆਤ ਵਿੱਚ ਮਦਦਗਾਰ ਹੁੰਦੀ ਹੈ ਅਤੇ ਫਿਰ ਹੀਟ ਥੈਰੇਪੀ ਦੇ ਨਾਲ ਵਿਕਲਪਿਕ ਤੌਰ ‘ਤੇ ਵਰਤੀ ਜਾਂਦੀ ਹੈ।
3. ਸਰੀਰਕ ਥੈਰੇਪੀ
ਇਸ ਵਿੱਚ ਦਰਦ ਦਾ ਇਲਾਜ ਕਰਨ ਲਈ ਸਰੀਰਕ ਥੈਰੇਪੀ ਭਾਵ ਟ੍ਰਾਂਸਕਿਊਟੇਨੀਅਸ ਇਲੈਕਟ੍ਰੀਕਲ ਨਰਵ ਸਟੀਮੂਲੇਸ਼ਨ (ਟੀ.ਈ.ਐਨ.ਐੱਸ), ਅਲਟਰਾਸਾਊਂਡ ਥੈਰੇਪੀ ਜਾਂ ਇੰਟਰਫੇਰੈਂਸ਼ੀਅਲ ਥੈਰੇਪੀ (ਆਈ.ਐਫ.ਟੀ.) ਵਰਗੇ ਢੰਗਾਂ ਦੀ ਵਰਤੋਂ ਸ਼ਾਮਿਲ ਹੈ।
4. ਸਹੀ ਸਥਿਤੀ ਵਿੱਚ ਬੈਠਣਾ
ਚੰਗੀ ਮੁਦਰਾ ਬਣਾਈ ਰੱਖਣਾ ਅਤੇ ਐਰਗੋਨੋਮਿਕਸ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ ਕਿਉਂਕਿ ਸਾਇਟਿਕਾ ਦੇ ਜ਼ਿਆਦਾਤਰ ਕੇਸ ਕੰਮ ਵਾਲੀ ਥਾਂ ‘ਤੇ ਖਰਾਬ ਮੁਦਰਾ ਅਤੇ ਗਲਤ ਬੈਠਣ ਕਾਰਨ ਹੁੰਦੇ ਹਨ।
5. ਕੋਰਟੀਕੋਸਟੀਰੋਇਡ ਟੀਕੇ
ਕੁਝ ਡਾਕਟਰੀ ਪੇਸ਼ੇਵਰ ਸਾਇਟਿਕਾ ਦੇ ਲੱਛਣਾਂ ਨੂੰ ਅਤੇ ਸੋਜ ਨੂੰ ਰੋਕਣ ਲਈ ਆਪਣੇ ਮਰੀਜ਼ਾਂ ਦੇ ਰੀੜ੍ਹ ਦੀ ਹੱਡੀ ਦੇ ਸਥਾਨ ’ਤੇ ਸਿੱਧੇ ਕੋਰਟੀਕੋਸਟੀਰੋਇਡਜ਼ (ਐਂਟੀ-ਇਨਫਲਾਮੇਟਰੀ ਡਰੱਗਜ਼) ਦੇ ਟੀਕੇ ਲਗਾਉਂਦੇ ਹਨ।
6. ਸਰਜਰੀ
ਸਰਜਰੀ ਸਿਰਫ ਉਹਨਾਂ ਮਾਮਲਿਆਂ ਵਿੱਚ ਹੀ ਵਰਤੀ ਜਾਂਦੀ ਹੈ ਜਿੱਥੇ ਮਰੀਜ਼ਾਂ ਨੂੰ ਗੰਭੀਰ ਤੰਤੂ ਸੰਬੰਧੀ ਵਿਗਾੜਾਂ ਦਾ ਅਨੁਭਵ ਹੁੰਦਾ ਹੈ। ਇਹ ਕੁਝ ਗੈਰ-ਡੀਜਨਰੇਟਿਵ ਪੈਥੋਲੋਜੀ ਲਾਗਾਂ ਅਤੇ ਟਿਊਮਰਾਂ ਲਈ ਵੀ ਲੋੜੀਂਦੀ ਹੋ ਸਕਦੀ ਹੈ।
ਇਸ ਤਰਾਂ ਤੁਸੀਂ ਇਹਨਾਂ ਦੱਸੇ ਉਪਚਾਰਾਂ ਦੀ ਢੁਕਵੀਂ ਵਰਤੋਂ ਕਰਦੇ ਹੋਏ ਸਾਇਟਿਕਾ ਦੇ ਦਰਦ ਤੋਂ ਰਾਹਤ ਪਾ ਸਕਦੇ ਹੋ। ਗੰਭੀਰ ਹਾਲਤਾਂ ਵਿੱਚ ਡਾਕਟਰੀ ਸਲਾਹ ਵੀ ਅਤਿ ਜਰੂਰੀ ਹੈ।
