ਮਸ਼ਹੂਰ ਸੰਗੀਤ ਨਿਰਦੇਸ਼ਕ ਕੇਜੇ ਜੌਏ ਦਾ 77 ਸਾਲ ਦੀ ਉਮਰ ਵਿੱਚ ਦਿਹਾਂਤ

1946 ਵਿੱਚ ਕੇਰਲ ਦੇ ਤ੍ਰਿਸ਼ੂਰ ਜ਼ਿਲ੍ਹੇ ਵਿੱਚ ਨੇਲੀਕੁੰਨੂ ਵਿੱਚ ਜਨਮੇ, ਜੋਏ ਨੇ ਫਿਲਮ ਉਦਯੋਗ ਵਿੱਚ ਆਪਣੇ ਦਹਾਕਿਆਂ ਦੇ ਲੰਬੇ ਕੈਰੀਅਰ ਦੌਰਾਨ ਦੋ ਸੌ ਤੋਂ ਵੱਧ ਫਿਲਮਾਂ ਲਈ ਸੰਗੀਤ ਤਿਆਰ ਕੀਤਾ। ਉਨ੍ਹਾਂ ਨੇ 1975 ਵਿੱਚ ਮਲਿਆਲਮ ਸਿਨੇਮਾ ਵਿੱਚ ਆਪਣੀ ਸ਼ੁਰੂਆਤ ਕੀਤੀ ਸੀ।

ਪਿਛਲੇ ਕਾਫੀ ਸਮੇਂ ਤੋਂ ਬਿਮਾਰ ਚੱਲ ਰਹੇ ਮਸ਼ਹੂਰ ਮਲਿਆਲਮ ਸੰਗੀਤ ਨਿਰਦੇਸ਼ਕ ਕੇਜੇ ਜੌਏ ਦਾ ਚੇਨਈ ਸਥਿਤ ਉਨ੍ਹਾਂ ਦੇ ਘਰ 'ਚ ਦਿਹਾਂਤ ਹੋ ਗਿਆ। ਉਹ 77 ਸਾਲ ਦੇ ਸਨ। ਜੋਏ 1970 ਦੇ ਦਹਾਕੇ ਵਿੱਚ ਮਲਿਆਲਮ ਫਿਲਮ ਸੰਗੀਤ ਉਦਯੋਗ ਵਿੱਚ ਪਹਿਲੇ 'ਤਕਨੀਕੀ ਸੰਗੀਤਕਾਰ' ਵਜੋਂ ਮਸ਼ਹੂਰ ਹੋਏ ਸਨ। ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਬੁੱਧਵਾਰ ਨੂੰ ਚੇਨਈ 'ਚ ਹੋਵੇਗਾ। FEFKA ਡਾਇਰੈਕਟਰਜ਼ ਯੂਨੀਅਨ ਅਤੇ ਮਲਿਆਲਮ ਪਲੇਅਬੈਕ ਗਾਇਕ-ਕਮ-ਕੰਪੋਜ਼ਰ ਐਮਜੀ ਸ਼੍ਰੀਕੁਮਾਰ ਨੇ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੇ ਦੇਹਾਂਤ 'ਤੇ ਸੋਗ ਪ੍ਰਗਟ ਕੀਤਾ ਹੈ। ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਲਿਖਿਆ, 'ਮੇਰੀ ਸੰਵੇਦਨਾ ਪਰਿਵਾਰ ਦੇ ਨਾਲ ਹੈ। ਉਨ੍ਹਾਂ ਦੀ ਆਤਮਾ ਨੂੰ ਸ਼ਾਂਤੀ ਮਿਲੇ। 1946 ਵਿੱਚ ਕੇਰਲ ਦੇ ਤ੍ਰਿਸ਼ੂਰ ਜ਼ਿਲ੍ਹੇ ਵਿੱਚ ਨੇਲੀਕੁੰਨੂ ਵਿੱਚ ਜਨਮੇ, ਜੋਏ ਨੇ ਫਿਲਮ ਉਦਯੋਗ ਵਿੱਚ ਆਪਣੇ ਦਹਾਕਿਆਂ ਦੇ ਲੰਬੇ ਕੈਰੀਅਰ ਦੌਰਾਨ ਦੋ ਸੌ ਤੋਂ ਵੱਧ ਫਿਲਮਾਂ ਲਈ ਸੰਗੀਤ ਤਿਆਰ ਕੀਤਾ। ਜੋਏ ਨੇ 1975 ਵਿੱਚ ਮਲਿਆਲਮ ਸਿਨੇਮਾ ਵਿੱਚ ਆਪਣੀ ਸ਼ੁਰੂਆਤ ਕੀਤੀ ਸੀ। 

 

500 ਤੋਂ ਵੱਧ ਫਿਲਮਾਂ ਵਿੱਚ ਸਹਾਇਕ ਵਜੋਂ ਵੀ ਕੀਤਾ ਕੰਮ 

ਜੇ ਜੋਏ ਨੇ ਬਹੁਤ ਸਾਰੇ ਗੀਤਾਂ ਦੀ ਰਚਨਾ ਵੀ ਕੀਤੀ, ਜਿਸ ਵਿੱਚ ਉਨ੍ਹਾਂ ਦਾ ਹਿੱਟ ਗੀਤ 'ਏਨ ਸਵਰਾਮ ਪੂਵਿਤਮ ਗਾਨਾਮੇ' ਵੀ ਸ਼ਾਮਲ ਹੈ, ਜਿਨ੍ਹਾਂ ਨੂੰ ਲੋਕ ਅੱਜ ਵੀ ਯਾਦ ਕਰਦੇ ਹਨ। ਉਨ੍ਹਾਂ ਨੇ ਦੋ ਸੌ ਤੋਂ ਵੱਧ ਫ਼ਿਲਮਾਂ ਵਿੱਚ ਸੰਗੀਤ ਦਿੱਤਾ। ਜਿਸ ਵਿੱਚ ਇਵਾਨ ਐਂਡੇ ਪ੍ਰਿਯਾਪੁਤ੍ਰਨ, ਚੰਦਨਚੋਲਾ, ਅਰਾਧਨਾ, ਸਨੇਹਾਯਾਮੁਨਾ, ਮੁਕੁਵਨੇ ਸਨੇਹਿਚਾ ਭੂਤਮ, ਲੀਸਾ ਮਦਾਲਸਾ, ਸਯੁਜਯਮ, ਇਥਾ ਓਰੂ ਥੀਰਾਮ, ਅਨੁਪੱਲਵੀ, ਸਰਪਮ, ਸ਼ਕਤੀ, ਹਿਰਦਯਮ ਪਦੁਨੂ, ਚੰਦਰਹਾਸਮ, ਮਾਨੁਸ਼ਾ ਮ੍ਰਿਗਮ ਅਤੇ ਕਰੀਮ ਸ਼ਾਮਲ ਹਨ। ਉਨ੍ਹਾਂ ਨੇ ਵੱਖ-ਵੱਖ ਸੰਗੀਤ ਨਿਰਦੇਸ਼ਕਾਂ ਲਈ 500 ਤੋਂ ਵੱਧ ਫਿਲਮਾਂ ਵਿੱਚ ਸਹਾਇਕ ਵਜੋਂ ਵੀ ਕੰਮ ਕੀਤਾ।