Last Updated :
26 November 2023, 11:55 AM IST
JEE ਦੀ ਤਿਆਰੀ ਕਰ ਰਹੇ ਵਿਦਿਆਰਥਿਆਂ ਲਈ ਜ਼ਰੂਰੀ ਖ਼ਬਰ ਆ ਰਹੀ ਹੈ। JEE ਲਈ ਪ੍ਰੀਖਿਆ ਦੇਣ ਵਾਲੇ ਵਿਦਿਆਰਥੀ ਕਿਸੇ ਨਾ ਕਿਸੇ ਕੋਚਿੰਗ ਸੰਸਥਾ ਤੋਂ ਕੋਚਿੰਗ ਲੈਂਦੇ ਹਨ ਅਤੇ ਹਫਤਾਵਾਰੀ ਟੈਸਟ ਵੀ ਦਿੰਦੇ ਰਹਿੰਦੇ ਹਨ। ਅਜਿਹੇ ਵਿੱਚ ਵਿਦਿਆਰਥੀਆਂ ਦੀ ਮਦਦ ਲਈ ਨੈਸ਼ਨਲ ਟੈਸਟਿੰਗ ਏਜੰਸੀ (ਐਨ.ਟੀ.ਏ.) ਨੇ ਸੈਂਪਲ ਪੇਪਰ ਜ਼ਾਰੀ ਕੀਤੇ ਹਨ। ਜਿਹੜੇ ਕਿ ਉਹਨਾਂ ਵਲੋਂ ਪ੍ਰਿਖਿਆ ਦੀ ਤਿਆਰੀ ਕਰਵਾਉਣ ਵਿੱਚ ਕਾਫੀ ਮਦਦਗਾਰ ਹੋਣਗੇ। ਵਿਦਿਆਰਥੀ ਹੁਣ ਤੋਂ ਸਮਾਂ-ਸਾਰਣੀ ਬਣਾ ਕੇ ਸੈਸ਼ਨ 2024 ਵਿੱਚ ਆਯੋਜਿਤ ਹੋਣ ਵਾਲੀ ਸਾਂਝੀ ਦਾਖਲਾ ਪ੍ਰੀਖਿਆ (JEE) ਮੁੱਖ ਸੈਸ਼ਨ ਦੇ ਸੈਂਪਲ ਪੇਪਰਾਂ ਦਾ ਅਭਿਆਸ ਸ਼ੁਰੂ ਕਰ ਸਕਦੇ ਹਨ। ਪਰ ਜੇਕਰ ਅਸੀਂ ਪੇਪਰਾਂ ਦੀ ਗੱਲ ਕਰੀਏ ਤਾਂ ਇਹ ਵਿਦਿਆਰਥੀਆਂ ਲਈ ਬਹੁਤ ਮਦਦਗਾਰ ਹਨ। ਇਸ ਨਾਲ ਵਿਦਿਆਰਥੀਆਂ ਨੂੰ ਪ੍ਰੀਖਿਆ ਦੇ ਪੈਟਰਨ ਦੇ ਨਾਲ ਮਾਰਕਿੰਗ ਸਕੀਮ ਬਾਰੇ ਵੀ ਜਾਣਕਾਰੀ ਮਿਲਦੀ ਹੈ। ਜੇਕਰ ਵਿਦਿਆਰਥੀ ਵਿਸ਼ੇ ਅਨੁਸਾਰ ਪ੍ਰੈਕਟਿਸ ਪੇਪਰ ਹੱਲ ਕਰ ਲੈਣ ਤਾਂ ਉਹ ਨੁਕਤੇ ਜਾਣ ਸਕਦੇ ਹਨ। ਉਹਨਾਂ ਨੂੰ ਕਿਹੜਾ ਸਵਾਲ ਹੱਲ ਕਰਨ ਵਿੱਚ ਕਿੰਨਾ ਸਮਾਂ ਲੱਗ ਰਿਹਾ ਹੈ, ਇਹ ਵੀ ਪੱਤਾ ਚੱਲੇਗਾ।
30 ਨਵੰਬਰ ਨੂੰ ਬੰਦ ਹੋਵੇਗੀ ਰਜਿਸਟ੍ਰੇਸ਼ਨ
ਰਜਿਸਟ੍ਰੇਸ਼ਨ ਬੰਦ ਹੋਣ ਲਈ ਇੱਕ ਹਫ਼ਤਾ ਬਾਕੀ ਹੈ। ਰਜਿਸਟ੍ਰੇਸ਼ਨ 30 ਨਵੰਬਰ ਨੂੰ ਰਾਤ 11.50 ਵਜੇ ਬੰਦ ਹੋ ਰਹੀ ਹੈ, ਜਿਨ੍ਹਾਂ ਵਿਦਿਆਰਥੀਆਂ ਨੇ ਅਜੇ ਤੱਕ ਅਪਲਾਈ ਨਹੀਂ ਕੀਤਾ ਹੈ, ਉਹ ਆਪਣੀ ਰਜਿਸਟ੍ਰੇਸ਼ਨ ਨਿਰਧਾਰਤ ਸਮੇਂ ਅੰਦਰ ਕਰਵਾ ਲੈਣ। ਜੇਈਈ ਮੇਨ ਸੈਸ਼ਨ ਵਨ ਦੀ ਪ੍ਰੀਖਿਆ 24 ਜਨਵਰੀ ਤੋਂ ਸ਼ੁਰੂ ਹੋਣ ਜਾ ਰਹੀ ਹੈ ਅਤੇ ਵੱਖ-ਵੱਖ ਤਰੀਕਾਂ 'ਤੇ 1 ਫਰਵਰੀ ਤੱਕ ਜਾਰੀ ਰਹੇਗੀ। ਰਜਿਸਟ੍ਰੇਸ਼ਨ ਬੰਦ ਹੋਣ ਤੋਂ ਬਾਅਦ ਵਿਦਿਆਰਥੀਆਂ ਨੂੰ ਆਪਣੀ ਅਰਜ਼ੀ ਵਿੱਚ ਸੁਧਾਰ ਕਰਨ ਦਾ ਮੌਕਾ ਵੀ ਮਿਲੇਗਾ। ਐਡਮਿਟ ਕਾਰਡ ਸਬੰਧੀ ਸਿਟੀ ਸਲਿੱਪ ਜਨਵਰੀ ਵਿੱਚ ਜਾਰੀ ਕੀਤੀ ਜਾਵੇਗੀ ਅਤੇ ਉਸ ਤੋਂ ਬਾਅਦ ਐਡਮਿਟ ਕਾਰਡ ਜਾਰੀ ਕੀਤੇ ਜਾਣਗੇ। ਜੇਈਈ ਮੇਨ ਲਈ ਸ਼ਹਿਰ ਵਿੱਚ ਇੱਕ ਕੇਂਦਰ ਸਥਾਪਿਤ ਕੀਤਾ ਗਿਆ ਹੈ ਅਤੇ ਲਗਭਗ 3000 ਵਿਦਿਆਰਥੀ ਪ੍ਰੀਖਿਆ ਵਿੱਚ ਬੈਠ ਰਹੇ ਹਨ।
ਮਦਦ ਲਈ ਕਰੋ 011-40759000, 011-69227700 ਨਬਰਾਂ ਤੇ ਕਾਲ
ਜੇ ਕਿਸੇ ਵਿਦਿਆਰਥੀ ਨੂੰ ਜੇਈਈ ਮੇਨ ਸੈਸ਼ਨ ਵਨ ਲਈ ਅਪਲਾਈ ਕਰਨ ਵਿੱਚ ਕੋਈ ਸਮੱਸਿਆ ਆ ਰਹੀ ਹੈ, ਤਾਂ ਉਹ ਐਨਟੀਏ ਦੁਆਰਾ ਜਾਰੀ ਹੈਲਪ ਡੈਸਕ ਨਾਲ ਸੰਪਰਕ ਕਰ ਸਕਦਾ ਹੈ। ਤੁਸੀਂ 011-40759000, 011-69227700 'ਤੇ ਹੈਲਪ ਡੈਸਕ ਨਾਲ ਸੰਪਰਕ ਕਰ ਸਕਦੇ ਹੋ ਜਾਂ ਈਮੇਲ ਆਈਡੀ https://nta.ac.in/Engineeringexam ਵੀ ਦੇ ਸਕਦੇ ਹੋ।
