Last Updated :
05 April 2023, 02:02 PM IST
44.8 ਮਿਲੀਅਨ ਤੋਂ ਵੱਧ ਮਾਮਲਿਆਂ ਦੇ ਨਾਲ, ਦੇਸ਼ ਵਿੱਚ ਹੁਣ ਤੱਕ 530,901 ਤੋਂ ਵੱਧ ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ। ਮਹਾਂਮਾਰੀ ਵਿਗਿਆਨੀਆਂ ਅਨੁਸਾਰ, ਕੋਵਿਡ ਦੇ ਕੇਸਾਂ ਦੀ ਗਿਣਤੀ ਹੁਣ ਹਰ 4-5 ਦਿਨਾਂ ਵਿੱਚ ਦੁੱਗਣੀ ਹੋ ਰਹੀ ਹੈ। ਕਰਨਾਟਕ ਤੋਂ 1,372 ਸਰਗਰਮ ਕੇਸਾਂ ਦੀ ਰਿਪੋਰਟ ਆਈ ਐਵੇਂ ਹੀ ਕੇਰਲ ਵਿੱਚ 6,229 ਸਰਗਰਮ ਕੇਸ, ਮਹਾਰਾਸ਼ਟਰ ਵਿੱਚ 3,532 ਸਰਗਰਮ ਕੇਸ, ਗੁਜਰਾਤ ਵਿੱਚ 2,214 ਕੇਸ, ਦਿੱਲੀ ਵਿੱਚ 1,409 ਕੇਸ, ਤਾਮਿਲਨਾਡੂ ਵਿੱਚ 993 ਸਰਗਰਮ ਕੇਸ ਅਤੇ ਹਿਮਾਚਲ ਪ੍ਰਦੇਸ਼ ਵਿੱਚ 785 ਸਰਗਰਮ ਕੇਸਾਂ ਦੀਆਂ ਰਿਪੋਰਟਾਂ ਹਨ।
ਕੋਵਿਡ ਮਾਮਲਿਆਂ ਦੇ ਰੁਝਾਨ ਵਿੱਚ ਵਾਧੇ ਦੇ ਨਾਲ, ਵਿਗਿਆਨੀਆਂ ਨੇ ਕਿਹਾ ਕਿ XBB.1.16 ਕੋਵਿਡ -19 ਦਾ ਨਵਾਂ ਰੂਪ ਹੈ ਜੋ ਕੋਵਿਡ ਮਾਮਲਿਆਂ ਵਿੱਚ ਮੌਜੂਦਾ ਵਾਧੇ ਲਈ ਜ਼ਿੰਮੇਵਾਰ ਹੈ। ਹਾਲਾਂਕਿ, ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਭਾਰਤੀ ਲੋਕਾਂ ਵਿੱਚ ਹਾਈਬ੍ਰਿਡ ਇਮਿਊਨਿਟੀ (ਟੀਕਾਕਰਨ ਅਤੇ ਕੁਦਰਤੀ ਸੰਕ੍ਰਮਣ ਦੇ ਕਾਰਨ) ਵਿਕਸਿਤ ਹੋ ਗਈ ਹੈ, ਇਸ ਲਈ ਮੌਜੂਦਾ ਕੋਵਿਡ -19 ਦਾ ਰੂਪ ਬਹੁਤਾ ਘਾਤਕ ਨਹੀਂ ਹੈ। ਫਿਰ ਵੀ, ਸਰਕਾਰ ਨੇ ਲੋਕਾਂ ਨੂੰ ਭੀੜ-ਭੜੱਕੇ ਵਾਲੀਆਂ ਥਾਵਾਂ ‘ਤੇ ਮਾਸਕ ਪਹਿਨਣ ਅਤੇ ਟੀਕਾਕਰਨ ਸਬੰਧੀ ਡੋਜ਼ ਨੂੰ ਪੂਰਾ ਕਰਨ ਦਾ ਸੁਝਾਅ ਦਿੱਤਾ ਹੈ। ਇਹ ਵੀ ਗੌਰ ਕਰਨਯੋਗ ਹੈ ਕਿ ਲਗਭਗ 4,41,77,204 ਲੋਕ ਸੰਕ੍ਰਮਣ ਤੋਂ ਠੀਕ ਹੋ ਗਏ ਹਨ ਅਤੇ ਮੌਜੂਦਾ ਰਿਕਵਰੀ ਦਰ 98.76% ਨੂੰ ਛੂਹ ਗਈ ਹੈ।
ਸਿਹਤ ਮੰਤਰਾਲੇ ਨੇ ਰਾਜ ਸਰਕਾਰਾਂ ਨੂੰ ਛੋਟੇ ਪੱਧਰ (ਜ਼ਿਲ੍ਹਾ ਅਤੇ ਉਪ-ਜ਼ਿਲ੍ਹਿਆਂ) ‘ਤੇ ਕੋਵਿਡ-19 ਦੀ ਸਥਿਤੀ ਦੀ ਜਾਂਚ ਕਰਨ ਅਤੇ ਕੋਵਿਡ-19 ਦੇ ਤੁਰੰਤ ਅਤੇ ਪ੍ਰਭਾਵੀ ਪ੍ਰਬੰਧਨ ਲਈ ਲੋੜੀਂਦੇ ਉਪਾਵਾਂ ਨੂੰ ਲਾਗੂ ਕਰਨ ‘ਤੇ ਧਿਆਨ ਕੇਂਦਰਿਤ ਕਰਨ ਦੀ ਸਲਾਹ ਦਿੱਤੀ ਹੈ ਤਾਂ ਜੋ ਪ੍ਰਭਾਵਸ਼ਾਲੀ ਪਾਲਣਾ ਨੂੰ ਯਕੀਨੀ ਬਣਾਇਆ ਜਾ ਸਕੇ।ਦੇਸ਼ ਨੇ ਪਿਛਲੇ 24 ਘੰਟਿਆਂ ਵਿੱਚ 1,64,740 ਤੋਂ ਵੱਧ ਟੈਸਟ ਕੀਤੇ ਹਨ ਅਤੇ ਹੁਣ ਤੱਕ ਕੁੱਲ ਕੋਵਿਡ ਟੈਸਟਿੰਗ 92.20 ਕਰੋੜ ਹੋ ਗਈ ਹੈ। ਕੋਵਿਡ ਟੀਕਾਕਰਨ ਮੁਹਿੰਮ ਦੇ ਤਹਿਤ, ਹੁਣ ਤੱਕ ਦੇਸ਼ ਭਰ ਦੇ ਲੋਕਾਂ ਨੂੰ 220.66 ਕਰੋੜ ਤੋਂ ਵੱਧ ਵੈਕਸੀਨ ਦੀਆਂ ਖੁਰਾਕਾਂ ਦਿੱਤੀਆਂ ਜਾ ਚੁੱਕੀਆਂ ਹਨ। ਪਿਛਲੇ 24 ਘੰਟਿਆਂ ਦੌਰਾਨ ਲਗਭਗ 1894 ਟੀਕੇ ਲਗਾਏ ਗਏ ਹਨ।
