ਸ਼੍ਰੀ ਰਾਮ ਜੀ ਦੀ ਪ੍ਰਾਣ ਪ੍ਰਤਿਸ਼ਠਾ ਮੌਕੇ Haryana 'ਚ ਨਹੀਂ ਲੱਗੇਗਾ ਬਿਜਲੀ ਕੱਟ,ਡਰਾਈ-ਡੇ ਅਤੇ ਅੱਧੇ ਦਿਨ ਦੀ ਛੁੱਟੀ ਦਾ ਵੀ ਐਲਾਨ

Chandigarh ਵਿੱਚ ਪੂਰੇ ਦਿਨ ਦੀ ਛੁੱਟੀ ਰਹੇਗੀ। ਪੰਜਾਬ ਅਤੇ Haryana ਬਾਰ ਕੌਂਸਲ ਨੇ ਵੀ 22 ਜਨਵਰੀ ਨੂੰ ਕੰਮਕਾਜੀ ਦਿਨ ਨਹੀਂ ਐਲਾਨਿਆ ਹੈ। ਇਸ ਦਿਨ Punjab-Haryana ਤੋਂ ਇਲਾਵਾ ਚੰਡੀਗੜ੍ਹ ਵਿੱਚ ਵਕੀਲ ਕੰਮ ਨਹੀਂ ਕਰਨਗੇ।

ਸ਼੍ਰੀ ਰਾਮ ਜੀ ਦੀ ਪ੍ਰਾਣ ਪ੍ਰਤਿਸ਼ਠਾ ਮੌਕੇ Haryana 'ਚ ਬਿਜਲੀ ਸਪਲਾਈ ਵਿੱਚ ਵਿਘਨ ਆਏ ਇਸ ਦੇ ਲਈ ਬਿਜਲੀ ਨਿਗਮ ਨੇ ਇਸ ਲਈ ਪ੍ਰਬੰਧ ਕਰ ਲਏ ਹਨ। ਸ਼੍ਰੀ ਰਾਮ ਜੀ ਦਾ ਪ੍ਰਾਣ ਪ੍ਰਤਿਸ਼ਠਾ ਸਮੇਂ Haryana ਵਿੱਚ ਕੋਈ ਬਿਜਲੀ ਕੱਟ ਨਹੀਂ ਲੱਗੇਗਾ। ਇਹ ਕਦਮ ਇਸ ਲਈ ਚੁੱਕਿਆ ਗਿਆ ਹੈ ਤਾਂ ਜੋ ਲੋਕ ਪ੍ਰਾਣ ਪ੍ਰਤਿਸ਼ਠਾ ਪ੍ਰੋਗਰਾਮ ਨੂੰ ਲਾਈਵ ਦੇਖ ਸਕਣ। ਇਸ ਤੋਂ ਪਹਿਲਾਂ Haryana ਵਿੱਚ ਡਰਾਈ-ਡੇਅ ਅਤੇ ਅੱਧੇ ਦਿਨ ਦੀ ਛੁੱਟੀ ਦੇ ਹੁਕਮ ਜਾਰੀ ਕੀਤੇ ਗਏ ਹਨ। ਮੁੱਖ ਸਕੱਤਰ ਸੰਜੀਵ ਕੌਸ਼ਲ ਦੇ ਹੁਕਮਾਂ ਅਨੁਸਾਰ ਸਾਰੇ ਸਰਕਾਰੀ ਦਫ਼ਤਰ, ਬੋਰਡ, ਕਾਰਪੋਰੇਸ਼ਨ, ਸਕੂਲ, ਕਾਲਜ ਅਤੇ ਯੂਨੀਵਰਸਿਟੀਆਂ ਅੱਧੇ ਦਿਨ ਲਈ ਖੁੱਲ੍ਹਣਗੀਆਂ।

22 ਜਨਵਰੀ ਦੇ ਲਈ ਤਿਆਰੀਆਂ ਪੂਰੀਆਂ

ਰੇਵਾੜੀ ਸਥਿਤ ਦੱਖਣੀ Haryana ਬਿਜਲੀ ਵੰਡ ਨਿਗਮ ਦੇ ਐਕਸੀਅਨ ਕੁਲਦੀਪ ਸਿੰਘ ਨੇਹਰਾ ਨੇ ਕਿਹਾ ਕਿ 22 ਜਨਵਰੀ ਦੇ ਲਈ ਸਾਡੀਆਂ ਤਿਆਰੀਆਂ ਪੂਰੀਆਂ ਹਨ। ਅਸੀਂ 1 ਜਨਵਰੀ ਤੋਂ ਰੱਖ-ਰਖਾਅ ਦਾ ਕੰਮ ਸ਼ੁਰੂ ਕਰ ਦਿੱਤਾ ਸੀ। ਸਾਰੇ LT ਬਕਸਿਆਂ 'ਤੇ ਫਿਊਜ਼ ਬਾਕਸ ਬਦਲ ਦਿੱਤੇ ਗਏ ਹਨ। ਜਿੱਥੇ ਕਿਤੇ ਵੀ ਕੋਈ ਤਕਨੀਕੀ ਖਰਾਬੀ ਸੀ ਉਸ ਨੂੰ ਠੀਕ ਕਰ ਦਿੱਤਾ ਗਿਆ ਹੈ। 22 ਜਨਵਰੀ ਨੂੰ ਪੂਰੇ ਇਲਾਕੇ ਦੀ ਰੌਣਕ ਬਣਾਈ ਰੱਖਣ ਦੀ ਪੂਰੀ ਕੋਸ਼ਿਸ਼ ਕਰਾਂਗੇ। ਇਸ ਲਈ ਉਸ ਦਿਨ ਰੋਸਟਰ ਅਨੁਸਾਰ ਮੁਲਾਜ਼ਮਾਂ ਦੀ ਡਿਊਟੀ ਵੀ ਨਿਸ਼ਚਿਤ ਕੀਤੀ ਗਈ ਹੈ। Helpline no. 'ਤੇ ਵਾਧੂ ਮੈਨ ਪਾਵਰ ਵਧਾ ਦਿੱਤੀ ਗਈ ਹੈ ਤਾਂ ਜੋ ਕਿਸੇ ਕਿਸਮ ਦੀ ਕੋਈ ਦਿੱਕਤ ਨਾ ਆਵੇ।